السلام عليكم ورحمة الله وبركاته
مشربتش من نيلها .. جربت تغني لها .. جربت كل ماتحزن تمشي بشوارعها وتشكيلها
للاسف رجعت الاربعة اللي فاتت فجرا من القاهرة لسى ماكملت اسبوع وشتقت لها كثير
طبعا انا متعودة انروح انا واهلي نعيد في مصر وهذي ثالث مرة انروح
بس اللي اختلف هالمرة ان عددنا كان اقل كل مرة انروح احنا وعمي وعيالة وعماتي يعني ماشاءالله ثنين ميكروباص وناخذ اكثر من شقتين
بس هالمرة ختلف الموضوع قسم بشقق وقسم في فندق
وحتى السيارات اخذنا تقريبا سيارتين او ثلاث صغار وهالشي كان مريح عشان كل قسم يروح براحته
رحلتنا كانت 10 ايام على المصرية لطيران وسكنا في فندق سويس ان المهندسين
اول مرة اضحي بالنيل واسكن بعيد عنه بس الحمدالله المنطقة كانت حلوة واايد والفندق احسن من ماكنت اتوقع
وكنت متخوفة من توقيت الطيارة لان تغير هالسنة وصار موعد الاقلاع 3:40فجرا والوصول 6:15صباحا
الفندق استقبلونا من المطار مجانا واخذنا الغرفة بدري بدون مايحسبون لنا ليلة زياده
ومثل ما قلت كان احسن من المتوقع نظيف وحلو وواضح انه مجدد من فترة قريبة وموقعة مميز
يعني العمده يبعد عنه ثلاث اربع دقايق مشي
طبعا وصلنا ونمنا على طول لان ماكنا نايمين الا شوي بالطيارة
وبوقف هني ابي تشجيع عشان اكمل
انتظروني وشجعوني
اختكم اصيله