1. فأنا في هذا الموضوع بكتب لكم عن رحلتي إلى أم الدنيا


2. اليوم الأول : الأثنين


3. أي حلقه قادمه اللي يرجك حط الموضوع كله مره وحده و ريح العالم


4. صوره للقاهره من الطياره


5. صوره لإستقبال الفندق


6. صوره لجزء من الفندق


7. صحينا من النوم الساعه 11 و النصف


8. المنظر الذي تطل عليه إحدى الغرف الخاصه بنا


9. صوره للقاهره من فوق صورتها من البرج


10. صوره ثانيه من البرج


11. صوره للفندق من الخارج


12. اليوم الثالث : الأربعاء


13. صوره لأرضية مقياس النيل


14. صوره لسقف المقياس

بسم الله الرحمن الرحيم
أول ما تبدأ العطله الصيفييه يبدأ فتح ملف السفر و أخذ رأي الكبير و الصغير في هذا الموضوع و يكون السؤال أين الوجهه التي سنطخها هذا العام ؟
فيكون الجواب ؟؟؟؟؟؟؟؟؟؟؟؟؟؟؟؟؟؟؟؟؟؟
لأن كل واحد يبي شي و لكن هذه المره كانت الظروف قاهره حلوه قاهره
و قال الوالد أن هذي السنه ما عندي وقت طويل و فلوسي تشتغل يعني بأختصار خلوها قصيره و قريبه و رخيصه
فقلنا يا تركيا ( هذي أمي أصرت عليها ) أو اليونان أو مصر قال أبوي : نعم مصر !!!! معصي
قلنا ليه قال بس ما أحب أروح لها رحتها مره و حرمت
قلنا خلاص تركيا , بس أنا فكرت قلت الحين هذي فيها أحداث إرهابيه و تفجيرات و أكيد أحنا مستهدفين ( أموت عليك يا الأمريكي ) ما نبي نعرض نفسنا أو دولتنا للخطر فشيلوا تركيا من بالكم
قلنا اليونان و أطامر أنا مو مصدق قلت زين أجل نحضر الأولمبياد و بالمره نحتفل معهم فوزهم بكاس اوروبا
قال أبوي لا هم يكرهونا و أخلاقهم معنا مو كويسه و كل من جا منهم ذم فيهم و حتى ولد عمي اللي عايش هناك و يعتبر عندهم بمثابة عالِم مأكلينه تبن فشيلوها من بالكم
و بعدها نا تصدقون قررنا نروح مصر و أبوي وافق
طبعاً حنا كنا متأخرين بالحجز فما لقيناه إلا بطلعة الروح ومو من هنا من أبو ظبي
فقلنا نروح دبي و نبسط فيها و من بعده نطير من أبوظبي لمصر ومن بهدها نرجع دبي و نتمم القعده فيها

فأنا في هذا الموضوع بكتب لكم عن رحلتي إلى أم الدنيا

اليوم الأول : الأثنين

أصبحنا و الحمدلله و الساعه الآن الثامنه و النصف بتوقيت دبي و بعدها بنصف ساعه كنا راكبين السياره متجهين لأبوظبي و وصلنا تقريبأ السعه الحاديه عشر و نزلنا في المطار اللي كان نظيف و صغير يس أبداً مو مثل مطار دبي و خلصنا الجوازات و كل شيْ وذهبنا لقاعة الإنتظار و هنا في شي أثار إستغرابي ألا و هو تجمع غفير من ديرة أبو هنود عل ركن من أركان المطار و بما أنني أنتمي لشعب عريبو فلازم اتليقف و أشوف تدرون أيش لقيت ؟؟؟؟؟؟؟؟؟؟؟؟؟؟؟؟
ستكون الأجابه في الحلقه القادمه

أي حلقه قادمه اللي يرجك حط الموضوع كله مره وحده و ريح العالم

المهم الله يسلمكم لقيتهم متجمعين على مطعم ليه مو من زين أكله بس لأنه يوزع وجبات مجاناً ههه
المهم ركبنا الطائره فصارت مشكله و دي عطيت المضيفه مخمس بوجهها عشان هذي المشكله تخيلوا قسمونا اللي هو أنا و هلي إلى قسمين ناس بالأولى و ناس بالسياحيه فقال أبوي خلاص أحد الوالدين مع هذا الفريق و اآخر مع ذالك ( ودكم تصفقوني صح ) المهم جيت أنا و أمي و أخوي بالسياحيه وابوي و خواتي أللي ودي رقعت جبهاتهن ببعض بالأولى
المهم ارتفعت الطياره وللأسف الشديد اكتشفنا أن البزر المصري ما غيره أبو بدله كان ورانا و كان مقعده مخالف لمقعد الوالده و هات ياتنطيط كسر أب ظهر أمي عطيناه و قت بس ما فيه فايده و يقوم أخوي و يلتفت عليه بس بعد ما راحت أمه الحمام ( و أنتو بكرامه و معزه ) و يعطيه طراق ما شافه بأسوأ كوابيسه وبعده راح أخوي و بدل مع وحده من خواتي و تجي تقعد معنا فلما رجعت الأم المصريه و لقت و لدها فاقع صياح سألته من ضربك قام نط عندنا و لا شاف أخوي فرجع لأمه و قالها محدش ضربني افتكر أخوي شبح المه أقلعنا من أبو ظبي الساعه ثنتين و الساعه خمس و نص تقريباً نزلنا بالسلامه مطار مصر و كانت الرحله أعوذ بالله ذبحنا هالطيار و ذبح خلق الله ما سوت عليهم سفره خضخضنا ليمن صارت مخوخنا بمصارينا

صوره للقاهره من الطياره

ونزلنا من الطياره الا ويصرخ ذاك المصري من قمة راسه لأمه اهوه اهوه يا ماما اللي ضربني و ياشر على أخوي اللي من شاف امه التي تزن 243 رطلاً و لا هو مصرقع الأرض و مختفي المهم رحنا نشقل شناطنا و نخلص جوازاتنا و تمت هذي المهمه في ثلاث ساعات و نصف عانينا خلالها أشد العذاب مع رجال المطار و ابتزازهم و رحنا لشناطنا و أكتشفنا المأساه أن شنطة ملابسي أنا و أخوي الهارب ما هي موجوده و بعد التمحيص طلع أن أبوي كان حاط السكين السويسريه حقته فيها فحجزوها في مطار أبو ظبي يا ويلي ويلاه و قضينا رحلتي أنا و أخوي ببدلتين بس اللي كانو علينا و وحده كانت في شنطة الوالده
و بعده و من غير تطويل لأني ذبلت كبودكم ركبنا السياره و رحنا الفندق و لن أصف المناظر و الأماكن التي مررنا عليها في الطريق لأنها باختصار تبكي و اخيراً وصلنا الأوتيل اللي كان أسمه الفور سيزن يقع مقابل حديق الحيوانات و قارب لسفارة الحيوانات أقصد سفارة اسرائيل و مجاور لسفلرة فرنسا و مخالف لنهر النيل و دخلنا الفندق و احنا هلكانين من التعب و خلصنا الأمر و لما كنا في الٍتقبال شفنا الفنان نبيل شعيل سلمت عليه و كان قمه في الأخلاق و التعامل صراحة و بعده صعدنا لغرفنا و كان أبوي ما خذ ثلاثه غرف الوالد و الوالده في و حده و الخوات في وحده و أنا و شين الحلايا في غرفه و كانت بعيده عن غرف أهلي و ساعتها طاح أخوي مغامز فيني ودي ساعتها خميته كف بس نعمل ايه حكم القوي على الضعيف اللي هو أنا

صوره لإستقبال الفندق

صوره لجزء من الفندق

المهم ريحنا و بالليل طلعنا نتعشى و رحنا مطعم الروشه و كندهار اللي كان أكله فو الوصف بصراحه بس غالي حبتين و بعدها تمشيه بشارع جامعة الدول و من ثم كازينو فرعون النيل الي مسكنا فيه واحد اسمه خالد ذبحنا من الهذره عن الوورلد جيت و الباسبورت الأحمر و أنا أقول لأبوي اتركه تراه نصاب يرد علي خلنا ناخذ خريطه و نخلص و قال لازح تيجو بكره عندنا عشان نشرح ليكوا قال أبوي طيب بس اسكت و رجعنا الفندق و نامو أهلي و طلعت أنا و أخوي للنيل دراجون و سهره حلوه .
اليوم الثاني : الثلاثاء

صحينا من النوم الساعه 11 و النصف

المنظر الذي تطل عليه إحدى الغرف الخاصه بنا

ونزلنا و تغدينا في بيتزا هت اللي كان بجنب الفندق ومن بعدها رحنا على برج القاهره وقبل ندخل حلف علينا شايب الا يصورنا لإاذعنا له و طقينا صوره و بعدها صعدنا في المصعد اللي كان يتسع لشخصين و نصف لمن ركبنا فيه وحنا 7 ومعانا عامل المصعد و عايله مصريه أمهم كانت تتشهد لأنها تتو قع حدوث عمليه إرهابيه في المصعد مع أني كنت أتوقع أن المصعد رح ينفجر من الوزن الزائد أقصد من وزنها لأانه يبيلها مصعد خاص لها المهم صعدنا فوق و خذينا كم صوره و تمتعنا بالهواء العليل و هنا اكتشت بحاستي العشرطعش و جود عدد كبير من العرسان المصريين و كل واحد منهم يشتكي لخطيبته سوء الحال و أنه ما عنده فلوس يشتري فيها غساله اوتوماتيك

صوره للقاهره من فوق صورتها من البرج

صوره ثانيه من البرج

نزلنا على المطعم و تلقانا واحد و شرح لنا عن طريقه لمعرفة شخصيتك عن طريق حروف اسمك باستخدام فراسة الفراعنه المهم قلتا له تم تصدقون خلصت أراقنا كلها في 10 دقايق و الشخصيات طلعت ضبط سبحان الله نزلنا للكافيه اللي تحت و طلبنا عصير و صارت ختاقه ما بين الأهل و الجرسون لأنه صرخ علي صرخه مهيب طبيعيه شربنا العصير على مضض و عندها القى الوالد بالقنبله و قال الآن بنروح لشركة وورلد جيت نشوف و ش عندهم قلنا لا و أمي عصبت بس رحنا تدرون ليه لأنه كان فيه واحد من الشركه شاف أبوي و قال يا بيه يالله مارحتش ليه و يوقف تاكسي و يوصف له المكان و نركب غصب و رحنا و حنا نفسنا في خشمنا و قعد محمد مندوب الشركه على راسنا بس انا و اخوي قعدنا له بالمرصاد و نطينا في حلقه المهم قال أبوي أنا عارف أسلوب شركتكم و تراني طحت فيها للأسف في دبي و دفعت مبلغ لا يقل عن 50000 ريال و لاني معودها فحطوا لسانكم في فاكم و خلونا نمشي
و تركناهم بعد ما حمرت وجيههم من الفشيله و بعدها رحنا بسطنا في كازينو قصر النيل بس للأسف كان تعاملهم زي الزفت فقمنا معصبين ورجعنا الفندق و تعشينا في كنتاكي و نمنا وحنا تعيسين .

صوره للفندق من الخارج

اليوم الثالث : الأربعاء

صحينا بدري سبحت أنا و أخوي بالمسبح و بعدها جا السواق الخصوصي محمد و كان نعم الأخلاق و رحنا على قصر المانسترلي و دخلنا متحف أم كلثوم اللي أعتبره من أجمل المتاحف اللي دخلتها في حياتي و الذي يعتبر هديه متواضعه يقدمها الشعب المصري لهذه الفنانه العظيمه و المتحف كان قمه في الترتيب و النظافه و التنظيم لدرجة أنهم يمسحون الجدران كل نص ساعه
صوره من خارج المتحف
و بعد ما تفرجنا فيه و حضرنا الفيلم اللي يتكلم عنها رحنا نزور مقياس النيل الموجود في القصر اللي بناه التوكل على الله و اللي يعتبر تحفه معماريه بحق .

صوره لأرضية مقياس النيل

صوره لسقف المقياس

و حنا طالعين من المكان سألنا عن المسجد للصلاه دلونا و حنا داخلين له انصدمت شفت ناس كثار شياب و عجز عايشين بالمسجد في قمة الفقر يكسرون الخاطر لدرجه أني قعدت أبكي على حالهم سألني أبوي شفيك قلت له خاشع بالصلاه و أنا قلبي يتقطع عليهم و دعيت بسجودي ( يا رب أنك تعذب المتسبب بحلهم و تصليه بنار و خيزران في قبره عقاباً له )
و بعدها رحنا على القريه الفرعونيه
و هذي حلوه بجد يطلعون فيك بالبدايه رحله في النيل و تزور متحف ورق البردي
صوره للمركب في الرحله النيليه
و من بعدها ترجع و تركب مركب يدخل فيك لجزيره تشاهد من خلالها حياة الفراعنه تمثل أمامك حياً
التحنيط عند الفراعنه يمثل أمامك
و من بعدها تدخل على المتاحف اللي فيها و هي :
1- المعبد الفرعوني : يصور لك المعابد الفرعونيه و كيفية العباده .
2- متحف الملك توت عنخ آمون : نسخه عن المقبره الأصليه الموجوده في وادي الملوك .
3- المتحف القبطي : دخول المسيحيه إلى مصر .
4- المتحف الإسلامي : شرح عن كيفية دخول الإسلام إلى مصر و معلومات عن العلماء و الآثار الإسلاميه .
5- متحف السادات.
6- متحف جمال عبدالناصر: يتكلم عن كل ما يخصه .
صوره من داخل متحف عبدالناصر
خرجنا بعدها من القريه بعد رحله دامت ست ساعات هلكنا فيها بس استفدنا .
رجعنا تعشينا في كنتاكي و نمنا نومه أعوذ بالله
آه تعبت و أدرك شهريار الصباح فسكت عن الكلام المباح .
إذا رديتوا على الموضوع أبكمله .