- 11/اصرف نقود من السعوديه ارخص من هناك في العموله الخاصه بهم
الى الأخوه الاعضاء او أحب أن اسلم عليكم واقول لكم وحشتوني كثيرا وثانيا / أشكركم جميعا على مساعدتي في هذا الصرح الجميل الذي يجمعنا معا ولا أنسى مساعدتكم وجهودكم المثمره والى الأمام ان شاء الله تعالى نبدأ بسم الله ونقص الشريط الخاص بالتقرير
أولا / كانت الرحله على طيران الامارات كالآتي جده - دبي - كوالا لمبووش - دبي - جده ترانزيت بدبي عشره ساعات في الذهاب والعوده وهذا اختياري بصراحه كان عندهم ترانزيت اقل من كذا لكن قلت خليني اكسب التمشيه بدبي طبعا الخطوط الاماراتيه اعطوني فندق وخيروني اما بالذهاب او العوده وانا بصراحه اخترته بالذهاب لان ورانا مشوار طويل لكوالا وكانت اسعار التذاكر لمده محدوده عليها تخفيض التذكرتين ب 5100 ريال سعودي
ثانيا / وصلت كوالا لمبوش ترى احب ادلع كوالا لمبور بكوالا لمبوش لا يغركم تقولون هذا معاه لدعه بلسانه المهم
وصلت الساعه 11 صباحا ونزلت المطار الرائع واخذت تاكسي الى سيلانجور وسكنت بفندق الماينز والفندق بصراحه حليو
وايضا السوق بجانبه حطيت الاغراض وارتحت اول يوم وثاني يوم الصبح اخذت تاكسي وعلى سوق صنواي ومن ثم تناولنا هنالك وجبة الغداء طبعا بمكدونالدز ومن ثم توجهنا وشربنا الشاهي الاخضر في بتروجايا واخذت هذاك البوت ولفه خمسه واربعين دقيقه بالبحر تفرجنا احلى فرجه ورجعنا الى الفندق الساعه السابعه مساء وفي صباح اليوم الثالث
حزمنا الامتعه وعلى اقرب تاكسي انطلقنا الى مطار آير اسيا وعلى لنكاوي والاقيت تاكسي اتفقت معاه بالساعه ويفهم عربي طبعا الساعه ب 25 رنقت واذا زادت عن حدها ب 30 رنقت وسكنا في فندق لنكاوي لا قون الله لا يعيده
فندق كله سرقات والله حتى صاحب التكسي يفهم عربي وقال لي مستر أسد انتبه من هذا الفندق حتى من حاملي الحقائب لاتتركهم يحملون اشياء ثمينه الفندق تكثر به السرقات ان ضاع لك شي ماتحصله والكاميرا الخاصة بي فقدتها هناك وراحت في مهب الريح المهم ارتحنا بالفندق وسكنت بالقريه البحريه طبعا روعه القريه البحريه
بس المشكله انه مافيه وايرلس غير باللوبي او الفندق فقط اما القريه لا يوجد بها انترنت ارتحنا اليوم وفي صباح اليوم الثاني
ذهبنا بالقارب الى كهف الخفافيش ورؤية النسور والاسماك بجميع انواعها اخذت الجوله حوالي ساعه وربع ب 150 رنقت
ورجعنا بعدها الى الفندق وفي صباح اليوم الثاني ذهبنا الى التلفريك وكان شي خيال وانت تصعد التلفريك وتمر بالضباب الى المحطه الثانيه بالاعلى وكان الجو ممطر طوال اليوم ةلكن على خفيف الى ماجاء الليل زاد المطر وبعدها توجهت الى البرشوت واخذت لفه على البحر وكان شي يفوق الخيال وفي صباح اليوم الثالث توجهت الى المطار وركبت الفاير فلاي وعلى بياننق والفاير فلاي روعه والله ووصلت الى بياننق وسكن في فندق الفلامنجو وكان بصراحه الفندق مزحوم جدا
لكن بصراحه الفندق مش ولا بد يعني بالنسبه لي واخذت ثلاثه ايام وزرت في هذه الايام المرتفعات ورؤية جسر تايلاند
وكان الجو رائع وقمنا بالتصوير وزرت متحف القهوه والشوكولاته واشترينا القهوه البيضاء الرائع والشوكولاته اللذيذه وبعض الهدايا لوالدينا والاقارب وتعرفون الحريم لا بد من الاسواق كالعاده وذهبنا للسوق وتغدينا هناك اخوكم اسد حاط حرته بالوجبات السريعه مافيه غير ماكدونالدز وكنتاكي وبرجر كنج الضاهر زاد وزني وفي صباح اليوم الثالث توجهت الى مطار اير اسيا وعلى كوالا العاصمه نزلت بفندق رويال شولان عاد هذا الفندق صعب وصفه والتعبير عنه من احسن وارقى وافخم الفنادق بصراحه الفندق رائع وجديد وخدمات سته نجوم حتى او ل مانزلت وارتحت بعد مضي ساعه الا والباب يدق جايبين لي شوكولاته بالفراوله الرائعه وقالو لي هذا بمناسبة شهر العسل الفندق الوحيد اللي حس فينا اما الفنادق اللي نزلنا فيها مايعرفون لا هاني مون ولا غيره اهم شي الفلوس التكاسي هنالك الاتفاق معهم احيان بالعداد واحيان بالمشوار من 10 رنقت الى 15 رنقت ويابخت اللي يطب بسواق يقوله ب 15 رنقت يخفف عنك المصاريف واحذرو من تكاسي الفنادق اللي يجي لونها ازرق غالين ومايعرفون شي تقوله تعرف برج التوأم يقولك ايوه اطلع وبعدها يمسكلك الجهاز اللاسلكي ويسأل عن العنوان بعد ماتشوف العداد وصل ل 50 رنقت يلفلف فيك ويحطك بالعنوان اللي تبيه احلى شي تاخذ التكاسي اللي لونها احمر وابيض هذولا مسوين مثل تكاسي رزق بالمدينة يعرفون شبر شبر بكوالا
ارتحت ساعات وتوجهت الى شارع العرب وتغدينا في مطعم طربوش اللبناني ايش مشاوي خيال وذهبنا لسوق ميجا مول وتمشينا الى الساعه الثامنه مساء ورجعت للفندق وفي صباح اليوم الثاني اخذت تاكسي بالساعه وطبعا ب 30 رنقت وتوجه بي الى مرتفعات جنتنق طبعا المرتفعات لا بد من اخذ التلفريك وتوجهنا الى محطة التلفريك وانطلق بنا الى المرتفعات الا والضباب دخل علينا في كبينة التلفريك صرت ماشوف زوجتي بس اسمع صوتها بصراحه منظر خيال طبيعه وضباب وهتان مطر وصلنا الى مرتفعات جنتنق وعلى الالعاب قصينا التكت انا وزوجتي ولعبنا وبعد ذالك ارتحنا بالسوق وطلبنا وجبة الغداء الساعه الثانيه ظهرا وتناولنا الوجبه وبعدها الشاي المغربي الاخضر ونزلنا ايضا بالتلفريك الى التاكسي وتوجهنا الى الفندق وللملعلوميه التلفريك ب 30 رنقت يوصلك لجنتنق
ملاحظه اخيره / مثل مايقولون حط النقاط على الحروف واتمنى اني الخصها لكم هنا
1 / الحجوزات من النت أفضل والله وارخص من المكاتب السياحيه والفنادق اللي اخترتها الماينز بسيلانجور هذا الفندق مزعج بسبب الصينين حفلات طول الليل واغاني صخب ماتنام تجلس للفجر وانت صاحي وتخابطت مع الاستقبال بسببهم قالولي هم دافعين نقود مثلك لاحياء الحفل طبعا النت مجاني- لنكاوي لا جون ب لنكاوي وافضل ان احد مايروح له بسبب عدم وجود النت بالقريه البحريه واذا سكنت بالفندق نفسه سيء وعفشه قديم على كلام الاعضاء فيلامنجو ببياننق فندق حلو ولكن تراه بعيد عن المطار يبغالك ساعه عشان توصل للمطار يعني اطلع بدري لا صارت عندك رحله النت مجاني ايضا
فندق رويال شولان من احلى وارقى الفنادق واللي يروحله حيدعيلي لمن يشوف بنفسه لكن النت غير مجاني يجييون لك كيبل بالغرفه والساعه ب 10 رنقت هذا عيبه الوحيد لكن تعال شوف الافطار سته نجوم والغرفه والخدمات 6 نجوم
2/ المطارات بماليزيا كلها نت مجاني يعني وانت جالس تنتظر الرحله ماتشوف غير الوايرلس شغال وتمتع بالانرتنت
3/ طيران اير اسيا الوجبات اللي يقدمها اثناء الرحله غير مجانيه يعني تطلب شاي او وجبة بفلوس واللي خلاني اكتب هالموضوع شفت حاله بالطياره فيه واحد خليجي بالطياره شوي ويضرب المضيفه لمن طلب شاي واعطته كاسه الشاي وقالتله ادفع قالها هذا مجاني المهم وخصام على كيف كيفك الين ماهدو الوضع
4/ طيران فاير فلاي متعه رائعه والطائره بحجمها الصغير تحس كانها طائرتك الخاصه
5/ التكاسي اللي لونها ازرق احذرو منها تلاقونها عند الفنادق غالين مره يضحون على البشر المشوار اللي ياخذ 5 دقايق
يودونك له بعد نصف ساعه عشان الحسابه بتحسب اللي هو العداد والساعه ب 5 جنيه على قولة عادل امام والله غير يدفعونك 100 رنقت انا تظاربت معهم وبطلت اخذهم حتى سواقين التكاسي يحذروني منها خذلك تاكسي بالساعه واتفق معاه وترى الساعه من 20 الى 30 رنقت بجميع محافظات ومدن ماليزيا وتحصل من يتلكم عربي لا تخاف
6 / احذرو من شخص اسمه عمران في لنكاوي هذا الشخص مدير التكاسي الخاصه يهرج عربي وبالاخص لهجته مصري
مسوي فيها انه دارس بمصر هذا يرسلك سواقين بالساعه طبعا رخيص الساعه ب 25 رنقت لكن والله يودونك جوله لناس يعرفونهم هم مثل البارشوت وزيارة الخفافيش ويكون مثلا التذكره سعرها 100 رنقت هم ياخذون 200 رنقت ويتقاسمونها
7/ في المطارات دايما تحصل مكاتب للتكاسي اضمن لك من كل التكاسي وتحصل فيهم من يتكلم عربي
8/ شريحة الموبايل انا اخذت ماكسس رخيصه وحلوه للاتصال على السعوديه واشتروها من المكاتب المعتمده ارخص واضمن من الباعه المتجولين اللي تحصلهم بالمطار وفي البلد
9/نقودك والباسبورت ظعها بصندوق الامانات الخاصه بالفندق ويعطوك مفتاح خاص بك للصندوق وفتحه متى شئت
10/ الغرفه اذا خرجت منها حاول لا تخلي فيها اغراضك الثمينه لانك راح تحرج وهم يدخلون من وراك لتنظيفها بجميع فنادق ماليزيا مع عمال النظافه كرت يفتح جميع ابواب الغرف انا بصراحه تفجأت من هذا الموضوع وصرت ابلغ الريسبشن في اي فندق انزل فيه بعد ذالك بعدم تنظيف الغرف الا وانا موجود فقط
11/اصرف نقود من السعوديه ارخص من هناك في العموله الخاصه بهم
واخيرا اتمنى اني افدتكم واعذروني على التأخير وعلى عدم وظعي للصور حيث ان الكاميرا ضاعت وفيها جميع الصور الخاصه بماليزيا في فندق لنكاوي لاقون سرقوها في وضح النهار الله ياخذ حقي منهم وانا ياخوان ماقول لكم لا تنزلو بالفندق هذا
عشان صار لي موقف واصير حسود لكن احذرو منهم والله التكاسي كلهم والفندق اللي ببياننق وكوالا والخ لمن اوظحلهم مشكلتي يقولون لي نحن لا نعرف ماالذي يخليكم تختارون هذا الفندق السيء بسبب سمعته المنتشره بماليزيا على الرغم بان هنالك فنادق لنكاوي افضل منه بكثير وارقى ,,,,,,,,,, ودمتم بسعاده
حمد لله على سلامتك
التقرير حلو لكن يصير احلى بالصور
بارك الله فيك ,,