سعر التذكره للشخص 100 ريال وتستغرق الرحله اربع ساعات على الاقل وتعتبر الرحله دوليه ...
يفضل انك تشتري التذكره قبل يوم من السفر من اي مكتب سياحي او من الفندق ..وتستطيع ايضا شراء التذكره يوم السفر لكن لابد من الحضور مبكرا الساعه الثامنه صباحا وشراءها من موقع الانطلاق حيث توجد هناك مكاتب كثيره لكن ربما لاتضمن وجود مقعد ...
موقع العبارة الميناء اسمه :benang boat
يوميا تنطلق العباره حوالي الساعه 9 ونصف صباحا ولا بد من التواجد في الميناء قبل ساعه لانهاء اجراءات الجمارك والجوازات ..
احرص على تحويل العمله الماليزيه اللي معك لان موظف الجمارك يدقق ويسال اذا معك عمله ماليزيه .. يوجد صراف داخل الميناء..
العباره تحمل 200 شخص كل خمس مقاعد بجنب بعض ..
المقاعد تماما مثل مقاعد الطائره لكن النظافه اعطيها جيد جدا ...
اعتقد انو غير مناسب لعوائلنا لانهم متعودين على الرفاهيه لكن للعزوبيه وناسه ومتعه ..
اول ماتدخل باب الطائره ..قصدي العباره .. يعطونك موية صحه وكرت ' بطاقة ' دخول اندونيسيا لتقوم بكتابة البيانات ..
بعد انطلاق الرحله يوزعون الوجبه على الركاب وهي عباره عن خبزة صامولي .. حاول تتناول الفطور بالميناء قبل الرحله واذا مافيه وقت لاتخاف لان العباره فيها كشك صغير يبيع اندومي وشاهي ..
صوت المحرك قصدي الماطور تقدر تقول مزعج لكن بعد خمس دقائق يصير الصوت عادي كانك راكب طياره وسع صدرك ..
الحمامات جيده مااقدر اقول فيها شي ..
فيه جلسه مكشوفه خلفيه عند الماطور بينها وبين مقاعد الركاب باب تستطيع الوقوف فيها في الهواء الطلق والاستمتاع بمنظر البحر بصراحه منظر رائع البحر من حولك وتشاهد جزيرة بينانق تختفي شيئا فشيئا ..
الوصول الى ميناء اسمه بيلاوان .. الميناء يبعد عن مدينة ميدان 25 دقيقه ..
جوازات بيلاوان "ميدان" باندونيسيا تعاملهم حلو وطيبين مو مثل مطار جاكرتا ..
فيه باص يكون بانتظارك ويوصلك الى وسط ميدان حيث التكاسي هناك.. الله يعينك على تعاملهم ..قل اسم الفندق وكاسرهم بسعر التوصيل واذا تحب تروح للجبل بريستاقي مباشره يمكن يفيدك الرابط هذا تفضل إضغط هنا
https://artravelers.com ملاحظه على الطاير :يمكن تغير رايك وتفضل انك تروح بالعباره الى لنكاوي تجلس فيها ليله او ليلتين ومن لنكاوي تطلع لميدان .. سعر التذكره من بينانق الى لنكاوي 35 ريال ...
سلامات ملام
جهد تشكر عليه بصراحة......
تحياتي،،،