1. Pacific Regency Hotel Suites

بسم الله الرحمن الرحيم
((كل عام والجميع الى الله اقرب ويارب سنينكم كلها سعاده وهناء))
بمناسبة السنه الجديده
طبعا كثير استفدت من هالمنتدى الاكثر من رائع وكثير ايام سافرت بخيالي معاكم من خلال تقاريركم واستفيد كثير من مواضيعكم حتى الي تخص مدينتي
وسبق زرت قطر ومسقط وكان الفضل الاول والاخير لمنتداكم
وبعد سنتين من المحاوله في السفر واخيرا تمت الموافقه
واليوم جايتكم لاني نويت بحول الله السفر لماليزيا
طبعا صارلي شهر ونص تقريبا ارتب لهالسفره
الي قرر السفره زوجي العزيز لكن شايل نفسه من ترتيباتها والحجوزات وكل شي
والمشكله انه كل المعلومات الي عنده عن ماليزيا انها تقع في شرق اسيا
وهو الي اختارها انا كنت بصراحه متردده كثير ابي غير ماليزيا وبصراحه والى الان مازلت متردده بالرغم من اني خلاص حجزت لكن مامله خير اني راح استانس بحول الله
وطويل العمر بما اانه شايل نفسه من كلش يعني الهم كله علي
انا ماعندي اشكاليه بالاوتيلات والطيران والحجوزات لكن المواصلات هناك احس ضروري يكون عنده خلفيه لكن مايبي يوجع راسه فالهم بيكون علي مع العلم ان اللغه عندنا ثنينا متوسطه
عشان كذا العشم فيكم ( : بعد الله
وان شاء الله ماتقصرون معاي في ترتيب رحلتي وراح ادعيلكم وبحول الله ارجع من هناك وانزل تقرير واخبركم ان الرحله ناجحه بكل المقايس
طبعا جدولي كالتالي :
السفر الثلاثاء 12 /11
الوصول يوم الاربعاء 13 / 11 كوالا
والسكن في

Pacific Regency Hotel Suites

وبهاليوم بما اان الوصول راح يكون 1 الظهر تقريبا ابي جدول حلو لهاليوم وخفيف
ممكن بعد الراحه في الاوتيل ساعه التوجه لاحد المولات ورشحولي اي مول الى العصر وبعدها التوجه للمناره او برجاي التوام والمغرب النافوره الراقصه وياليت تحددون لي وين مكانها وبعدها التوجه لشارع العرب والعوده للاوتيل
الخميس 14/11 السفر للنكاوي على الخطوط الماليزيه الساعه 12 ظهرا تقريبا
مابعد حجزت مكان السكن لكن ممكن تفيدوني ابي اسكن بالاكواخ الي بالبحر فيه غير الباتارجا .؟؟
هنا مابعد حجزت بس قلت يوم بالوستن واليوم الثاني بهالاكواخ اعشق جوها
طبعا باليوم الاول بلنكاوي ابي ااطلع بالمانقروف واروح لحديقة الفواكه
الجمعه 15 /11
لنكاوي وفيها اابي اروح الشلالات والتلفريك
السبت 16 / 11
التوجه بالفري لبينانج اوكي ادري الطياره افضل واسرع لكن راح اعتبرها تجربه حلوه
مابعد حجزت ولو فيه بعد اكواخ بالبحر ياليت تدلوني عليها
وطبعا جدولي فيها فاضي افيدوني
الأحد 17/ 11
العوده لكوالا وياليت جدول بعد
الاثنين 18 / 11
سلانجور السكن في الصن واي وطبعا منها للالعاب ثم الماينز وندرلاند
اليوم الثاني جوله على بوتراجايا لمده 4 ساعات ثم العوده لكوالا وهنا سوال كيف راح تكون الجوله اكيد بتاكسي كيف التواصل معاه وكم السعر
ثم التوجه لكوالا الثلاثاء 19 /11
الاربعاء 20/11 كوالا
الخميس 21/ كوالا
الجمعه 22/11 المغادره
اهم النقاط
1/ انا راح استخدم الفيزا في حساب الاوتيلات بدون التامين راح ادفعه كاش هل راح تخصم مباشره والا بيصير لي مشاكل معاها لاني قريت لاحد الاخوات تقول انخصم المبلغ وقالو ماوصلت لهم .واضطرت تدفع مره ثانيه ؟؟
2/ ابي استخدم المترو اكثر من التكاسي فهل محطاته واضحه وتمر على الاماكن المهمه والسياحيه ووشلون اعرف بحكم ان الانقلش عندي مو ذاك الزود وسبق واطلعت على خريطه المترو
3/ طبعا اتمنى تذكرون لي افضل الاماكن الي تنصحون بزياراتها بس مايكون فيها حيوانات ابدا عندي فوبيا من الحيوانات والطيور والكائنات البحريه وهل فيه حيوانات عند شلالات لنكاوي ؟؟؟
4/ ابي اجرب باصات الهوهو كيف طريقة الحجز
5/ بالنسبه لملاهي صنواي لاقون ابي احجز التداكر عن طريق الموقع بس مثل ماقريت انه احدد كم لعبه ابيها من الموقع طيب في حاله اني ابي زياده العاب وش السوات ؟؟
وكم مدة التذكره هل تحدد بتاريخ معين ؟؟
6/ بالنسبه للجولات البحريه افضل المناظق لها وين .؟؟
7 /رشحولي افضل 5 مولات وهي الاهم
8 / متاحف مساجد مواقع تستحق السياره
9 / لنكاوي او بينانج هل تنصحون فيها نستاجر سياره بدون سائق ..؟؟
0/ غابات بلنكاوي خاليه من الحيوانات ؟؟
وحابه اوضح بهالسفره ابي اجمع بين رغبة زوجي في الطبيعه ورغبتي بالشوبنق وهيصة المدينة
واعتذر عن الاطاله والف شكر مقدما لمن سيرد على استفساراتي والف مليون شكر لكن من افادني في هذا المنتدى لاحرمكم الله الاجر لكم كل الدعوات بالسعاده في الدارين ووالداي ووالديكم والمسلمين اجمعين