السلام عليكم ...
حياك الله اخوي Mo15on وابشر يا اخوي
بالنسبة للفلوس كلها تمشي وكلها مقبولة ولكن الافضل
تصرف من عندنا دولار وتروح هناك وتحولها ..وخذ
مبلغ بسيط بالرينجيت لاجل التاكسي وغيره .
التنقل حسب الاماكن وحسب المسافة ...وحأعطيك
الطرق المثلى للتنقل بين المناطق اللي اخترتها .
9 الاف ...هذه بيدك يااخوي ...وسكن حيأخذ
قريب 4200 ريال لو جسبتا الليلة ب300
و2000 تنقل و1000 تذاكر وغيره ...يعني
يادوب وخل معاك احتياط لاتحركه الا في الازمات
لاقدر الله .
الشرائح من كثرها صاروا يبيعونها في البقالات
و37 ريال تاخذ شريحة Digi .
الحلاقين كثير ...واغلبهم بنات ...وعندك حلاقين
رجال بكامبونغ بارو وتراهم كلهم للاسف ما يعرفوا
يحلقوا وحتى في بعض الفنادق عندهم صوالين .
قبل ماتتحركوا بيوم رح الحلاق واحلق
بغيت شنب اوشيء ثاني تراهم مايعرفوا
كاميرون تكفيها ليلتين وان زادت صارت ماسخة .
جوها عليل ودنيا خضراء وحدائق من حولك .
يعني خضرة وماء ووجه حسن
البرنامج :
الخيول الذهبية 2
لنكاوي 3
بينانغ 3
كاميرون 2
كوالا 4
الخيول -لنكاوي (طيارة)
لنكاوي -بينانغ (طيارة)
بينانغ-كاميرون (سيارة)
كاميرون-كوالا (سيارة)
قلت ياطيب انكم 3 اشخاص ...يعني انت ياغالي
وزوجتك الكريمة وابنكم الله يحفظه .
يصير تأخذ ديلوكس وخذ سرير زيادة .
وسعر السرير الزيادة يكون حسب الفندق .
شيء ب50 وشيء ب90 وشيء ب100 وشوية
حسب الفندق ومستواه .
ارشح لك فنادق ...
الخيول الذهبية ...سلانجور
هوليدي فيلا ...لنكاوي
بي فيو ....بينانغ
اكوتوريال ..كاميرون
بغيت قريب من شارع العرب ولا بعيد ...كوالا
وفي حدود كم ؟ خلها بعدين ان شاء الله وممكن يكون
عندك اختيارات معينة ...وابغاك يا اخوي تتصفح المنتدى
لانه فيها فوائد كثيرة ومعلومات كبيرة عن ماليزيا .
وحياك الله مرة اخرى وربي يجعلها رحلة سعيدة
والسلام عليكم

السلام عليكم ،،
أنا في الحقيقه ما عندي خبره عن ماليزيا ، أجل ليش ترد على الموضوع ، بصراحه لقافه ،،، طيب عطنا اللي عندك ولا يكثر ،،
أخوي الغالي اللي سمعته وفي واحد من الزملاء متصل علي أمس أن في ماليزيا زحام غير طبيعي كأنك في البطحاء (عاد اللي يعرف البطحاء يقدر يقرر) يعني تأكد أخوي الغالي من حجوزاتك في الفنادق ولا تنسى تأخذ الكنفرميشن لكل حجز ،،،
الأمر الثاني والمهم جداً أنك تتأكد من حجز العوده إذا كنت من أهل السعوديه لأن حجوزات العوده فل حتى بعد بداية الدراسه بأسبوع فتأكد من ذلك ومثلا بعد وصولك بخمسة أيام اعمل تأكيد ثاني لحجزك ،،
هذا اللي في خاطري وإن شاء الله إني ما ثقلت عليكم ،،،
نسيت فيه ملاحظه ثانيه إذا كنت ممن يستخدمون بطاقات الفيزا فاجعلها لسكنك في الفنادق أو اسحب بها كاش من مكائن الصرف لأن هناك استغلال لبطاقات الفيزا على ما سمعت فالحذر الحذر اخوي ،،
أحب أؤكد على ما ذكره أخوي الشعيبي على مسألة أنك تأخذ احتياطك بالنسبه للمبالغ ،،
بالنسبه للحلاقين إذا كان فيه مشكله في مسألة الحلاقين أن من رأيي أنك تجطل الشنب وترتاح ( تجطل = تقشع = تحلق = تمحط به ) ،،،
شكراً لسعة صدركم ،،،

اخوي الشعيبي
الف شكر على مرورك على الموضوع وسعة صدرك وبصراحه اخجلتنا بكرمك علينا من خلال تقديم النصائح والرد عل اسئلتنا يعطيك العافييه على البرناامج وبصراحه حلو وان شاء الله اشاور الشباب اللي معي ونمشي عليه باذن الله بالنسبه للفندق في كوالا افضل يكون قريب من سوق العرب وانا اخذت بعض اسماء الفنادق من المنتدى وان شاء الله نلقا حجز بصراحه اخوي الشعيبي احرجتني بقولتك انت والمدام والولدالله يجيبهم كبرتني وزوجتني وانا مادري
اخوي مساافر2006
يعطيك العافيه على النصائح وهذا من طيبك اخوي وبالنسبه للحجز لاتوصي حريص حاجز من شهر الروحه والرجعه وماكده واالله يستر واقتراح نجلط الشنب مهيب شينه والله اني افكر اشتري شي يمنع انه تتطلع لين نجي
تحياتي لكم

بالنسبه للفلوس خذ معك الاخضر ( الدولار ) لانهم يصرفونه في كل سوق وبسعر ممتاز
0دولار = 378.2 رينجت
وبالنسبة للسكن احجز من هنا احسن لك واذا اضطريت تروح لايتها وكالة سفر وسياحه في ماليزيا وهم يجيبون لك اسعار تصل الي نصف السعر اللي يعطيك اياه الفندق
وطبعا فيه شقق فندقيه روعه في كوالا وسعرها مناسب ويكفيك غرفه وصالة ومطبخ وحمام والصالة فيها صوفه تتحول الى سرير وبكذا تكون حليت موضوع السرير الثالث وسلمت من اكسترا بد
وذا حبيت اضيف لك عنوان شقق 4 نجوم ب 150 الى 160 رنجت باليوم ماعندي مانع بس ماادري نظام المنتدى يسمح ولا لا

السلام عليكم ورحمة الله وبركاته
نصيحتي أخي أربع أيام على الأقل في لانكاوي ، الهدوء والطبيعة شيء لا يصدق ، أنا امضيتها بمنتجع شيراتون بيردانا واتنميت لو كان البرنامج 5 أيام لانكاوي ، بينانج كانت نوعا ما مقلب رغم انو قضيتها بالموتيارا ، المميز فيها كثرة الصينيين والعمارات الشاهقة ، لكن كوالالمبور كلام ثاني ..

اخوي مستعجل
الف شكر على مرورك للموضوع ويعطيك العافيه وبالنسبه للشقق الفندقيه راح استفسر عنها في مكاتب السياحه وانشااء الله تعجب الشباب الي معي
اخوي امجد
هلا بك اخوي وبصراحه احس ان اربع ايام كثيره على لانكاوي وهذا ماحسيته من تجارب الاخوان في المنتدى وانشااء الله 3 ايام تكون كافيه لها
تحياتي لكم

عندي سؤال
بالنسبه للخيول الذهبيه قريب من الصان واي لاقون والابعيد واذا كان بعيد في حدود كم كيلو؟؟؟؟؟؟؟؟
لان بصراحه برنامج الشعيبي اعجبني وحبيت استغل اليوم الثاني من اقامتي في الخيول الذهبيه واروح للصان واي لاقون

1. أخوي MO15ON


2. أؤيد البرنامج المقترح من خبيرنا الأخ الشعيبي , ولدي عدة إضافات :

السلام عليكم ورحمة الله وبركاته

أخوي MO15ON

أؤيد البرنامج المقترح من خبيرنا الأخ الشعيبي , ولدي عدة إضافات :

بداية أفضل تأجيل السكن في الخيول الذهبية لأخر أيام الرحلة ( لتجنب تكرار الذهاب الى المطار البعيد ) حيث أنه من الأفضل التوجه مباشرة الى لانكاوي بعد الوصول من السعودية , بعد ذلك تتنقل حسب الرنامج الموضوع من قبل خبيرنا الكبير ..
بالنسبة لشركات الطيران الداخلية هناك الطيران الماليزي , وأيضاً طيران إير أسيا http://www.airasia.com الإقتصادي , حيث تكلفة الطيران من كوالالمبور الى لانكاوي لاتتجاوز 170 ريال في أغلب الأحيان ...
بالنسبة لليالي التي ستقضيها في فندق الخيول الذهبية تستطيع الإستفادة منها في الذهاب الى صن واي لاجون والتي تشمل المجمع التجاري الذي يحتوي على صالة تزلج , وكذلك مدينة الألعاب المائية والتي تحتوي على أكبر مسبح في العالم , وللعلم فإن المسابح تكون مغلقة يوم الثلاثاء لدواعي الصيانة ...
ولاتنسى أيضاً زيارة مجمع ماينز الذي يحتوي على التاكسي المائي والذي تستطيع التنقل عن طريقه من الفندق الى المجمع التجاري , وتوجد مدينة ألعاب ليلية بالقرب من هذا المجمع وتسمى وندر لاند والتي تشتهر بعروض النوافير الراقصة ...
بالنسبة للسكن أنصحك بفندق شيراتون بيردانا أو هوليداي فيلا في لانكاوي , جولدن ساندز في بينانغ وأقترح أن تكون مطلة على البحر , إكواتوريال أو ستروبري بارك في كاميرون , أما بالنسبة لكوالالمبور أنصحك بفندق ويستن إذا كنت تريد القرب من بوكيت بنتانغ , أو ماندرين أورينتال الفخم بحكم قربه من البرجين , والذي يحتوي على أجمل مجمع تجاري في كوالالمبور.
أتمنى إني أفدتك أخي الكريم , وأتمنى لكم رحلة سعيدة وموفقة بإذن الله ...
وأي استفسار آخر أنا حاضر ;)
تقبل خالص تحياتي
أخوك معجب