أهم شيء البطاقات الإئتمانية يوقفها هذا أول شيء
بطاقات الصرافات ما منها مشكلة لأن لها أرقام سرية لكن احتياطاً خله يوقفها
إذا محتاج فلوس ممكن تحول له حوالة فورية
وربنا يعوضه خير

شكرا على تفاعلك اخوي

بماليزيا اللي يضيع منك او ينسرق انسى تلقاه او يرجعونه لك الشرطه...فيه وحده انسرق منها بمسجد النساء بتروناس تور مبلغ حول 5000 رنقت...تدري وش قالولها السيكورتيه...مانقدر نساعدك...طيب انتم ليش موظفين؟...فأظطرت الأخت تجيب الشرطه من برى وبالأخير قالولها نقدر نوريك اللي سرقتك ولكن مانقدر نمسكها...تخيل عاد....انا انسرق مني اي فون توني شاريه وماامداني افرح فيه وعقب ماسمعت قصص السرقات للسعوديين هنا وقصص الأمن الضعيف في ماليزيا حمدت ربي وشكرته بأني سليم..وللعلم الرشوه هنا للشرطه مالله به عليم...فيه نوعين من الشرطه...الشرطهالعاديه وهذولا بتاعين الرشوه ونوع ثاني من الشرطه انسى انهم يرتشون بعشرة رنقت مثل الأولين لأنهم يطبقون النظام ويمكن يقلبون عليك وتروح في خرايطها....فالوضع الأمني بماليزيا سئ ولاتتوقع بأن يرجع لأخوك محفظته..(((فيه اناس امناء شرفاء ماليزيين تعاملوا بكل امانه وشرف مع مواقف شبيه وعملوا الغالي والنفيس ليرجعون مافقد من الشخص المقابل..ولكنهم قله قليله)))...تحياتي لك

أبونايف أحسك متحامل على زيزا كثير
تصدق عاد أنا اتمنى يكون عندنا نفس الأمن اللي عندهم .. عندنا ماصرت تأمن تحط إسطوانة الغاز عند الباب نص ساعة ماعاد تلقاها .. وسرقة الجوالات حدث ولا حرج .. وتكسير السيارات عد وإغلط وكله كوم وخطف شنط الحرم المساكين !!
وإلا الشرطة عندنا ماشاء الله عليهم إذا رحت تشتكي لهم يرحبون بك ويضيفونك وعلى طول 5 دقايق إلا هم جايبين لك الحرامي بإذنه

والله قدامي قبل شهر ونصف تقريبا عند أحد الكونترات حقت البوردنق وشحن العفش في مطار الملك خالد واحد كان طالع على مصر ومعه كيسين رز أبو كأس _ سعودي طبعاً _ قاله موظف الكونتر رح غلف الكراتين اللي معك وبعدين تعال وهو شحن بعض العفش راح يغلف الكراتين ولما رجع ماوجد الكيسين حقت الرز _ وهو في مطار الملك خالد _

حمد العطية
ههه الله يعين اللي انسرق راحت العزبه وشكله حول علي
الرز المصري الحبه عن خمس حبات من رز بسمتي لو تحذف فيها واحد تسدحه
الله يعوض علي راعي المحفظه ويعينه بس ليش مايكون ضيعها مانسرقت
هو نفسه مافقدها إلا بعد ماوصله راعي التاكسي بس الله يعينه ويعوض عليه
واشوف صعبه الشرطه تطلع محفظه دام راعيه ماهو متأكد وين ضاعت
والسرقه تحصل في كل مكان حتي في الحرم

مصر وخيشتين رز أبو كأس ههه
كيف انسرقت هذي
عموما مثل ما قالوا الشباب حواله سريعة ويكنسل بطاقاته الراجحي والإنماء لأنها تعمل فيزا في الخارج
وأهمها الفيزا أيضا
ويدعي الله أن يجد ضالته وربي يعوضه خير ويمكن يستجيب دعوته

الله يعوضه خير ويحمينا ويكفينا

حمد العطية
قويه جدا
اللهم لا شماته