فيها مناطق كثيرة
واللي اتذكره الحين منطقة جهور بهرو وهاذي المنطقة في الجنوب وقريبة من سنغافورة

وعليكم السلام ورحمة الله وبركاته ...
اهلاً وسهلاً اخونا محاق القمر .
الله يهديك لهذه الدرجة مالنا قيمة عندك ...خليت نصفنا
شعراء يقولون مالا يفعلون والجزء الاخرغاوون .
وليه اخوي اصابك الكلل والملل ...شبعت من هالمدن
الثلاث ..اجل ياليت كان خدمت الناس واجبت على استفساراتهم
دام انك وصلت لدرجة التشبع .
ماليزيا ولدت وربت ...وهذولي الثلاث صاروا موظفين
وباقي عيالها باقي في المدارس عسى الله ينجحهم .
ومستعد اعدد لك فوق 30 منطقة وان نقصت تراها بحق
لكن بعض الدول مازالوا عاقر .
اذكر لك قصة ..كان في واحد رجال يحب جلس قدام عمارة
تنبني ...وبعد ما قامت وتعبوا فيها الرجال والكرام
قال اخونا : ترى عمارتكم ماتسوى
ولا انه شارك ولا انه شجع وشكر .
كلمة حق يا اخوي ورأيي الخاص ماعجبني اسلوبك .
وان شاء الله صراحة وماهي وقاحة ...اليوم حنا خلف
الكي بورد وصار خير ...لكن قدام وان كان تعاملنا مع
الناس بهذه الطريقة ...كثيرين راح يزعلون .
نتناصح اخوي ولا اني اعرفك ولا انت تعرفني
والوجه من الوجه ابيض ولاتشيل في قلبك .
كوانتان عاصمة باهنج ...وان كنت اول مرة تروح
ماليزيا وتتجه لكوانتان تراها فكرة مش حلوة ...
لانه هناك شيء اولى من شيء ...كوانتان باقي ماوصلت
لمرحلة كوالا او بينانغ او لنكاوي ...لكن تمتاز بهدوئها
وطيبة اهلها وبساطتهم وتمسكهم بشرع الله .
شيراتنغ قريبة من كوانتان وتقريباً 50 كم وشاطئها
جميل واحسنت الاختيار في هذه اخوي ...وناسها طيبين
واحلى واحلى لو اخذت شاليه .
موفق اخوي ورحلة سعيدة بأذن الله وترجعون بالسلامة
والسلام عليكم

السلام على من أتبع الهدى وأتبع سبل الرشاد
أخى الشعيبى
وضع المنتدى الرائع ليس للمهاترات اللفظية !!! أو لفرض العضلات الفكرية !!! والتى أرفع أن أكون مابين تلك وتلك ...
عموما نرجع لصلب الموضوع لماذا كوانتان فكرة مش حلوة علما ياأخى قد حجزت فى تلك الجزيرة مدة أربعة آيام؟؟ أرجو الرد
أخوكم محاق القمر

السلام عليكم ورحمة الله وبركاته ...
اخوي محاق القمر لك تحياتي وتقديري لكن الكلام اللي انت
كاتبه تقوله لنفسك اول قبل ماتقوله لغيرك لانك انت اللي
تكلمت بمثل هالطريقة مع انك تقدر تقول كلامك بأسلوب
اجمل ...ووالله يا اخوي ماودنا مهاترات ولاكلام مايفيد
لكن اسلوبك يااخوي يزعل وشف كيف سلامك .
المهم خلي قلوبنا بيضاء وان انت ماتحملتني وانا ما تحملتك
اجل من يتحملنا ...حصل خير وننسى الموضوع ...
وهذه ابتسامة لك لاجل لا تزعل
كوانتان يا اخوي ماهي جزيرة وانما عاصمة ولاية
باهنج ...وهي مدينة تقدر تقول مش مطورة اوي ..
يعني بسيطة وحلاتها في بساطتها ...ماتلاقي فيها
عمار وبنيان مثل العاصمة او بينانغ ...مدينة بسيطة
لكن اهلها طيبين وكرماء وهذه ميزة كوانتان ...لكن عندك
مناطق حلوة قريبة مثل ماتفضلت وقلت شيراتنغ وعندك
شيمبيداك وعندك بيسارة وهذه كلها شواطيء جميلة
وبها فنادق لو بغيت تحجز لكن المشكلة حجزت مسبقاً
بكوانتان ..المسافة مش بعيدة 10-15 دقيقة .
وعندك جزيرة جداً جميلة اللي هي تيومان ومن اجمل
الجزر العالمية اجل لا تضيع هالفرصة ...وطبعاً الجزيرة
تتجه له بقارب تأخذها من تانجونغ ليمان او ميرسينغ لاجل
تمر على ميرسينغ مرة واحدة وتشوفها .
موفق اخوي بأذن الله والله يجعلها رحلة سعيدة
والسلام عليكم

السلام عليكم والرحمة والبركات
الأخ الشعيبى
أشكرك على تزويدى بمعلومات عن كوانتان .... اليك خطة سفرى أريد منك النصح والمشورة علما بأننى رب أسرة مابين كبير يفهم وصغير لا يفهم
1- كوالمبور ... 2 ليلة .... فندق ماندرين
2- مدينة كوانتان ... 3 ليال ... فندق حياة ريجنسى
3- جزيرة شيرانتك .... 4 ليال ... هوليدى فيلا
4- كوالمبور ... 2 ليلة ... ماريوت
5- أفاموزا... 3 ليال فيلا خاصةوجزاكم الله خير الجزاء
أخوكم مداح القمر

وعليكم السلام ورحمة الله وبركاته ...
حياك الله اخوي محاق القمر وابشر يا اخوي
كوالا ...ماندرين اورينتال .
من افخم الفنادق بالعاصمة ...ودائماً انصح الحبايب
بغرف مطلة على الحديقة لانه بالليل المنظر روعة .
كوانتان ...حياة ريجنسي من افخم فنادق كوانتان .
لو ليلتين اشوفها تكفي .
شيراتنغ ...هوليدي فيلا مقبول ولابأس به .
وكثير 4 ليالي اخوي وتراها شاطيء وليست جزيرة
وتقدر تروح لها من كوانتان بالتاكسي وكلها نصف ساعة .
كوالا...ماريوت ...ممتاز .
افاموسا ...فيلا بمنتجع افاموسا ...ممتاز .
يصير اخر محطة لكم افاموسا ومنها للمطار بأذن الله .
اخوي الظاهر انك رحت قبل كذا لنكاوي وبينانغ ...لو ما رحت
انصحك تروحها وان رحتهم ...عندك تقريباً3 ليالي خسارة
تضيعها ..ليلة من كوانتان وليلتين من شيراتنغ .
وش رايك لو انك في تلك المنطقة تروح جزيرة تيومان .
او تروح جهة ترنجانو وتاخذ ببحيرة كينااير ...
او تنزل تحت جهة ميرسينغ ومنها تتجه لجزر قريبة .
موفق اخوي بأذن الله والله يجعل رحلتكم سعيدة
وترجعون لنا بالسلامة والسلام عليكم

السلام عليكم ورحمة الله وبركاته....
أخى الشعيبى
أولا: أبدى اعتذارى لك ان كان هنالك سوء تفاهم من جراء رسالتى الأولى... والتى لم يكن من وراء القصد سوى إثراء منتدانا الرائع بمواضيع أخرى لكى تعم بالنفع والفائدة للجميع.
ثانيا: أبدى اعجابى الشديد لمعلوماتك الجمة تجاه ماليزيا ... وبالفعل قمت بزيارة ماليزيا مرتين على التوالى (بينانغ،الجبل،أفاموزا والفنادق ماندرين أورينتال،الشيراتون، راسياسيانق شنغرلا)... وكم كانت مفاجأة لى وأى دهشة بهرتنى تلك ماليزيا... ابتداءا من المناظر الطبيعية التى وهبها الله عزوجل لتلك العروس الخدر... وانتهاءا بالمبانى الرائعة والخدمات التى تتجمل بها عروس آسيا البكر.
ثالثا: سؤال لك ياأخى العزيز هل هنالك باص يومى من كوالمبور الى كوانتان؟
رابعا: لو سمحت فضلا وليس أمرا أن ترسم لى خطة سير فى ماليزيا (18 يوم لهذا الصيف) فى شواطىء ماليزيا دون ركوب العبارات حيث أن أم العيال والعيال ييمتلكهم هواجس ركوب البحر؟
ووعد منى أن أقوم بكتابة رحلتى تجاه ماليزيا لهذا الصيف لكى يفيد منها الجميع.
تحياتى مقرونة بصفاء القلب والسريرة.

وعليكم السلام ورحمة الله وبركاته ...
الله يسلمك اخوي محاق القمر ويبارك فيك
صافي يالبن حليب ياقشطة
شوف وش رايك بذا البرنامج :
الخيول الذهبية 2
لانكاوي 3
كوالا ترنجانو2
ترنجانو تانجونغ جارا 2
ترنجانو ...بحيرة كينااير 2
ملاكا3
كوالا 4
الخيول الذهبية معروفة ...واخترتها لك لأنك سبق وجربت
ماندرين الرائعة فحبيت تجرب الخيول الذهبية .
لنكاوي ...خذ كابينة بالبحر بلنكاوي لاغون .
كوالا ترنجانو ...خذ بفندق بريمولا بارك رويال .
تانجونغ جارا ...خذ بمنتجع تانجونغ جارا .
بحيرة كيناير ...خذ بمنتجع كينااير .
ملاكا ...قيلا بمنتجع افاموسا .
كوالا ...مثل مااخترت ماريوت مع انه ويستن افخم
منه الان ولو بغيت ماندرين ممتاز ...لكن اتوقع انكم
بغيتم التسوق فأفضل تاخذ ويستن او ماريوت او ريجنت .
التنقل :
كوالا---لنكاوي = طيارة
لنكاوي-- كوالا ترنجانو =طيارة
كوالا ترنجانو --تانجونغ جارا= سيارة =اقل من نصف ساعة .
تانجونغ جارا-- بحيرة كينااير =سيارة
بحيرة كينااير---ملاكا =سيارة وتراه مشوار او باص
من كوالا ترنجانو او طائرة لكوالا .
ملاكا---كوالا = سيارة
ملاكا= الولاية اللي بها منتجع افموسا .
مع انه والله يا اخوي في جزر روعة وجميلة لكن ماني قادر
قادر اقول لك روحها لانه فيها فيري وقارب والاهل الله
يحفظهم ما يتحملون .
وان مثلاً كنت مصر على كوانتان وشيراتنغ فعطني خبر
لاجل نسوي تعديل ...ووس رايك بغيت لنكاوي ولا لا
لانها في الجهة المقابلة ومشوار ولا بد من طيارة .
ومن كوالا تقدر تاخذ باص يومياً لكوانتان وتاخذها
من محطة (بي كليلينغ) وفي حدود 15 ريال .
شف وش رايك وعطني خبر يا اخوي ...
ولك مني اخوي كل تحية وتقدير
والسلام عليكم

السلام عليكم ورحمة الله وبركاته
بعد التحية ومزيدا من التقدير والاحترام
بدأ ذى بدأ أسمح لى أخى أن القبك من الآن وصاعدا عسل منتدى المسافرون العرب لما تبذله لى ولغيرى من معلومات مفيدة وجمة تجاه ماليزيا الرائعة.
أخى ياعسل
لقد أثقلت عليك من كثرة أستفساراتى فالرجاء المعذرة مقدما:
أمامك 16 يوما (عدا يومى السفر) بالتمام والكمال يمكنك رسم خطة سير بين جزر ماليزيا القريبة من كوالمبور بالاضافة البعد قدر الامكان عن هوجس البحر الا اذا كانت فى حدود النصف ساعة للوصول للجزيرة فلا مانع!! قد أطلب المستحيل ولكن ياأخى ياعسل اذا عرف السبب بطل العجب، أنا الفقير لله رب أسرة لثمان أشخاص بين صبى وصبية وشاب وشابة و....... (المعنى فى بطن الشاعر). قد جبت صقاع الأرض ولكن لم أجد بصدق دولة أرتحت لها مثل ماليزيا .. لا فض فوه من قال بأن ماليزيا دولة سياحة للعائلة المسلمة.CC0000
ولكن منى صدق المودة وسمو المشاعر وعطر الأخوة وشهد العسل ياعسل.أخوكم محاق القمر