أم ريم
01-05-2022 - 06:35 am
اعزائي اعضاء منتديات العرب المسافرون
تقريبا في كل المشاركات التي قرأتها في القسم الخاص بماليزيا في هذا المنتدى
الغالي كان الجميع يتحدث عن جمال ماليزيا وسحر ماليزيا وطبيعتها الخلابه
و....ولكن لم نتحدث عن الوجه الآخر ..
يعني أنا الآن اطلب من كل اللي زاروا ماليزياانهم يكملوا العبارة التالية:
"ماليزيا جميلة جدا ولكن......"
أو
"كل شئ في ماليزيا رائع بس...."
نبغى نعرف اللي بعد "لكن" و "بس" لأنه مو معقول تكون البلد كاملة من
كل النواحي..لازم فيه مكان زرته وماعجبك أو حصل موقف وضايقك أو رحت
مكان وحسيت بخيبة أمل لأنه ما كان زي ما تخيلته قبل السفر.
ارجو من الجميع المشاركة حتى نحقق هدف هذا المنتدى في مساعدة السائحين
العرب و جعل الصورة امامهم واضحة من كلا الوجهين :الجيدة والسيئة.
أختكم أم ريم
كلمك في محله ويمكن معظم الموجودين هنا أغفلوا هذا الجانب
وهم معذورين بصراحه لعدة أشياء :
1. العرب كلهم طيبين وبالأخص الخليجيين
2. مايعرفون لغة أهل البلد ويمكن جالسين يتطنزون عليهم ( أقصد الصينيين منهم )
بس يا أم ريما الشباب الموجودين هنا بصراحه حذرونا من أشياء وايد واللي هي :
1. الصينيين
2. بعض الفنادق اللي ماتحب العرب أو اللي نظامها أوربي من دورات مياه إلى آخره ( أعزك الله )
3. الأكلات الشينه اللي يسوونها .
4. الكهوف والمعابد وروائحها المقرفه .
يمكن هذا كل اللي مر علي بالمنتدى من أشياء شينه .
يعطيك العافيه أم ريم وأنا بروح هالصيفيه وبقول لك الأشياء اللي بتصير وياي خصوصا الشينه منها .
( عاد الشينه بلاقيها وإذا لزم الأمر انرفزهم وآخذ لي علقه مرتبه منهم وأحكيلك ههه )
أتمنى من كل اللي عندهم خبره يفيدونك ويفيدني بهالموضوع الهام .
تحياتي لك أم ريم .