سكود العيون
حياك أخي سكود
أولا بارك الله لكما وبارك عليكما وجمع بينكما في خير
طبعا أخوي ولا شي جنب خبراء المنتدى
ولكن أحببت أن أشارك وأدلي بدلوي
ماليزيا روعه وممتازة لشهر العسل
اعتقد 10 الآف ريال كافية من غير التذاكر ولكن حط في بالك كسكن ومصاريف وتنقلات
وخلي 5 الاف زيادة كاحتياط مثلا هدايا لانك ما راح تبخل بشي لا عن نفسك ولاعن عروسك
فخلي في بالك الشي ذا
اوصيك بجزيرة العرسان لانكاوي
لاتطوفك روعه وممتازة للعرسان خلي لها من 3 أو 4 ايام
وعندك كوالا بس تكون اخر الرحلة عشان التسوق والهدايا
وعندك بيننغ من 2 إلى 3 أيام
وكاميرون هاي لاند الطبيعة الساحرة يومين الى 3 أيام بالكثير كافية لها
أتمنى أكون أفدتك
وابدا بسرعه في الحجز وخصوصا الخطوط عشان لاتقفل عليك الرحلات
تحياتي لك
ابو عبدالرحمن

اخوي مجهول ماقصرت
بس ياليت تقولي وش افضل السكن الي اسكن فيه

سكود العيون
حياك الله أخوي
لازلت أخوي أقول لك خبرتي قليلة ولكن أعطيك رووس أقلام
بالنسبة للنكاوي
عندك بلانجي بيتش
او اذا فلوسك تسمح الويستن
بيننغ
عندك باك رويال بما انك عريس
كاميرون هاي لاند
اكواتيريال
كوالا
طبعا راح يكون عندك عدة مناطق
بالنسبة لبروت ديكسون
فندق ليجيند
وهذا تقرير وافي عنه من اعداد وتصوير الغالي خليلها
https://artravelers.com/p/re/455764
وكمان في سلنجور صن واي لافوتك
فندق صن واي لاقون بريميد
وفيه جنتنغ برضه لاتفوتك روعه
هذا ماقدرت افيدك فيه
ولازلت اقلك لابد تستعجل بالحجوزات
الوقت لايداهمك
والله يوفقك

والله هي يمكن تكفي
بس الفنادق هي اللي تبي تاكلك
يعني دور الرخيص وان شاء الله تكفيك
والله يوفقك

ابي اعرف سعر الفنادق بكم
الي ب خمس نجوم و ب اربع و ب ثلاث
ياليت اعرف اسعارهم بالريال سعودي
وياليت تحطون لي جدول لمدة 14 يوم مناسب لشهر العسل وقولي لي كم يكلفني
لاني ابي اونس نفسي بس ناقصني شوركم ونصايحكم

شوف هذا الموقع يسوي لك مقارنات بين مواقع الحجز للفنادق
http://www.ar.mebooking.com/Country/Malaysia.htm
بالنسبة لي أتوقع لك يكون المبلغ المناسب ل14 يوم شاملة التذاكر والفنادق والمصاريف حوالي 20 إلى 25 الف ريال
ممكن تقل شوي او تزيد حسب صرفك واختيارتك
تحياتي لك

هلا بأخوي الغالي ( سكود العيون )
أسأل الله أن يوفقك يالغالي لكل خير في الدنيا والأخرة ... وأن يسعدك في حياتكم القادمة
عدد الأيام ( 14 يوم ) أقترح عليك هذا البرنامج :
يومين سلانجور ... فندق الصن واي لاقون
ثلاثة أيام لنكاوي ... فندق البرجايا أو البلانجي بيتش
ثلاثة أيام بينانج ... فندق البارك رويال
خمسة أيام كوالالمبور ... فندق رويال شولان
يوم البورت ديكسيون ... منتجع ذا ليجند ( غرفة بمسبح خاص )
التكلفة التقريبية للرحلة
التذاكر الدولية للطيران ( 2500 × شخصين ) = 5000 ريال
الطيران الداخلي = 800 ريال
الفنادق بحدود ( 500 ريال × 14يوم ) = 7000 ريال
المصروف اليومي بحدود ( 350 ريال × 14 يوم ) = 4900 ريال سعودي
الإجمالي المتوقع ( 5000 + 7000+ 4900 + 800 ريال ) = 17700 ريال تزيد قليلآ أو تنقص
تستطيع السكن في فنادق بسعر أقل ... وراح تقل الميزانية طبعآ
وافي بزمن جافي

مدامك تبي تبسط نفسك فاأعتقد 22الف هي كافيه لكل شيء>>>موفقين

اخوي وافي في زمن جافي الف الف الف شكر لك ولا يهنون الباقي
بس والله انت اعطيتني برنامج حلو من السكن وتكلفة السكن والطيران الداخلي والمصروف اليومي
والله اني اشكرك من كل قلبي
بس اخوي ياليت تذكر لي المدن الي ذكرتها وش تمتاز ابه مثلاً
هل هي سياحيه او فيها ملاهي ضخم او فيها حديقة حيوانات ( وانتو بكرامه ) يعني الاماكن الي تنصحني ازورها في نفس المدينه
وياليت باقي الاعضاء مايبخلون علينا اذا عندهم اي اضافات تفيدني