يوم كنت بماليزيا قبل كم اسبوع ،كان فية شيء ينغص علي بسطتي هناك انا ورفيقي ، اللي هو عدم شهيتنا للاكل ، وجلسنا والله يومين كاملة ما اكلنا شيء ، واذكر انة فقط كاس موية شربناة ، كانت انفسنا منسدة ولا نحس بجوع نحس بشيء غريب ببطونا ما خلنا نرتاح ، حتى نبي نأكل ولا قدرنا ، ومن هو اللي تنسد نفسة وهو بسحر الشرق ، لكن وش نسوي حظنا .
المطاعم ما عاد نطيقها ، اي اكل نشوفة ما نفز لة كالعادة ،ابي آكل وانا مرتاح ... وكنت طالع مرة مع سواق نتمشى وقلت لة وقف شوي عند السوبر ماركت بجيب لي موية عطشت عاد ، واجيبها وجلس يناظرني السواق قال وش هذا قلت موية..... وجلس يضحك قال من جدك قلت والله موية بشربها . ومات من الضحك قلت يا اخي انا عطشان وانت تضحك قال :
يا اخي هذي الموية موية خاصة للنساء الحوامل لتنظيف ارحامهن ..... قلت ايش ايش ايش ...انت صادق قال والله جد .
قلت يا فضيحتي شربت موية حوامل وانا اقول وش اللي لعب في بطني ، وخلاني اعيف اي اكل اثارية هالموية الله لا يعيدها ، واللي كانت بمثابة علاج للحامل ......... ( دايم اطيح بمواقف قوية ) .
عاد قلت لة والله من يوم كنا بماليزيا وانا على هالموية ، وتحذير منها تراها تباع عندهم بكثرة وعليها رسمة ورد ، وانا بس ادفع هالريجنت كل وقت ....واخرتها موية للحوامل .
تحياتي للجميع .