بالنسبه للتذاكر ضع طلبك في موضوع التذاكر الدوليه في البوابه الماليزيه العامه ويجيبك الرد
طبعا الحجز المبكر له تخفيض بس انته مبكر مره
ثانيا بالنسبه للشخص هل انته تضمنه ؟؟ هل تضمن انك تروح هناك وانت حاجز كل شي بايدك ؟ ومتاكد منه احسن من اكل المقالب من ناس ما تضمنهم شو دراك ايش من غرف يحجز لك ؟ انا ما اريد اظلم حد بس وفر فلوسك و سوي رحلتك بنفسك يكفي متعة الحجز و الترتيب قبل السفر لها لذه خياليه
والشباب ماب يقصروا معاك هنا بيحطوا لك كل شي تريده من اول ما تفكر تروح لحد ما ترجع للوطن
شايف تقريري للسفر لماليزيا ؟ الموجود في التوقيع اسفل ردي هذا ؟
هذا انا كنت مثلك اول مره اروح لهناك بس بتوفيق الله ثم متابعة الشباب هنا في القسم قمت باحلى رحله بدون تدخل اي مكتب سياحي و الميزانيه اقتصاديه
ايش ردك ؟

اخي الغالي طالما انك متأكد من تاريخ سفرك ، احجز عن طريق النت وعندك الخطوط السعوديه او الاماراتيه او الاتحاد و العربيه والقطريه وهنا انت تختار سواء السعر او كثرة التنقلات
بالنسبة لتمشياتك وروحاتك وجياتك عندك المنتدى قسم تقارير ماليزيا اقرالك كم تقرير وبعدها بتجد اسئلة ضعها في قسم الاستفسارات وبتلقى من يجاوبك ذكرتني يوم كنت معرس ولا اعرف شي عن الديره، ماتحتاج احد صدقني وال 500 خلها اعزم فيها المدام على عشاء رومانسي في احد الفنادق وترى عندك وقت منت مستعجل خذ راحتك وبالتوفيق

al3dni
مشكور يالغالي
اولا بخصوص مبكر مرة يعني انتظر ممكن تتخفض الاسعار؟
ثانيا بخصوص هذا الشخص انا ما اعرفه حصلت رقمة بالانترنت يقول انظم لك رحلات الى ماليزيا بإقل الاسعار
ولما اتصلت عليه وتناقشت معه اكتشفت انه راح يستاجر لي ببطاقتة الخاصة للفيزا ويستلم المبلغ مني كاش
وهذي النقطة اللي خوفتني بصراحة
اما بخصوص تنظيم الرحلة والله ما اعرف اي شي ولما دخلت هنا زادت حوستي بس استفدت معلومات كثيرة ورائعة
لاني بصراحة ما اعرف مواقع المدن بالخريطة ولا اعرف كم المسافة بين المدينة الاولى والثانية وهل بإمكاني اخذ باص او قطار او سفينة او طائرة بين المدينة والثانية مشكلتي اكثر شي المسافة بين المدن
واخر نقطة اللي موترتني بصراحة اللي هي التذاكر حوسة مادري متى اصل الى ان اسكن الفندق
اخاف احجز واصل قبل الحجز ب 12 ساعه على سبيل المثال او اصل بعد الحجز ب 12 ساعة مثلا
الله يعينكم علي مشاكلي كثيرة مادري ليه ممكن من التوتر
واشكركم على تفاعلكم

كل هذه الاشياء بسيطه جدا بس الواحد لما يكون اول مره يخاف ولكن تكتشف انها سهله للغايه مثلا
مواقع المدن لا تهمك انت مش رايح تسوي حدزد لماليزيا
فلا تخليهم في مخك انت بس اعرف وين رايح و بنقول لك المسافات و الطرق وكيف تنظم رحلتك علشان توصل على توقيت الفندق
مثلا نفترض انك رايح على الجدول هذا
سلانجور يومين
لنكاوي 3 ايام
كاميرون هايلاند 2 يومين
كوالالمبور 4 ايام
بيكون تنقلاتك هكذا
توصل المطار تاخذ تاكسي 85 رنجت الى سلانجور الى الفندق بالتحديد والمسافه 30 دقيقه تقريبا تزيد وتنقص
بعدين تروح تخلص منها تكون حاجز طيران داخلي والحجز مره سهل على الماليزيه او اير اسيا وتاخذ تاكسي من بره الفندق يوصلك للمطار وخلينا نقول 80 رنجت و الطريق 30 دقيقه تقريباً
ترجع تسافر بالطياره الى الجزيرة الرائعه لنكاوي و الطيران 55 دقيقه تقريباً
وانت راجع من لنكاوي الى مطاور كوالالمبور تلاقي تاكسي قوله يوديك على الكاميرون طبعا من المطار في خدمة حجز تكاسي و المبلغ 326 رنجت والمسافه بالتاكسي 3:30 ثلاث ساعات ونص تقريبا الى اربع ساعات اعمل حسابك على اربع ساعات
بعدين تروح بعد يومين تاخذ لك باص يونتيتي من الكاميرون وترجع فيه الى كوالالمبور المسافه 4 ساعات و السعر 35 رنجت للشخص
بعدين تروح لكاولالمبور للفندق بتاكسي من محطة الباصات الى الفندق حسب المحطه اللي بتنزل فيها وتركب تاكسي ما بيكلفك اكثر من 30 رنجت وتقدر تفاصل معاهم لو حاب توصل هناك تقضي احلى ايامك في كوالالمبور بعدين تركب تاكسي الى المطار بسعر 85 رنجت تقريباً وترجع الوطن
هذه على السريع ولو تريد تمحيص و تفحيص بيكون لك احلى جدول وترتيب من الشباب هنا
للامانه لا تثق باي حد يحط ارقامه بالنت ويقول لك بسويها لك ب 500 ريال
بلاش ينحرق دمك

مرحبا بك اخووي العزيز
نورت المنتدى يالغالي
ردا على استفساراتك اخووي
انا انصحك بروحك تحجز لكل شي من دون استعانه باحد فالحجز لان هنا مواضيع كثير لاخوانا خبراء ماليزيا امثال " وافي " و "المغادرون 2007"
الخطوات الي تحتاجها كالاتي
1- كم عدد الايام الذهاب والاياب؟
2-كم الميزانية الموضوعة للرحلة؟
انا ايضا جالس اعمل خطة لشهر العسل وحجزت الفنادق عن طريق بوكينغ لتعلم عن هالموقع ادخل هالموضوع
https://artravelers.com/p/re/528372
ممكن تحجز من دون ما تدفع اي شي عن طريق حجز مسترد هالموضع راح يعلمك كيف تحجز للعضو المميز " وافي "
واذا تريد تعرف الاماكن السياحية ادخل هالموضوع
https://artravelers.com/p/re/640216
وهالموضوعين استفسارتي 2قبل عدة اسابيع والاخوان ساعدوني فيه ممكن تدخل وتستفيد في وضح برنامجك
https://artravelers.com/p/re/648518
واتمنى كل هالمواضيع تعطيك الثقة انك بروحك تعد برنامجك بمساعدة الاخوان
حتى الطيران الداخلي بروحك تحجزة عن طريق موقهم وفي موضوع لاحد الاخوان عن كيفة الحجز ما اذكر الموضوع حاليا

يعطيكم الف الف الف عافية على هذة المعلومات القيمة