وعليكم السلام
ماعندي خلفية للاسف
وان شاء الله يفيدونك الاعضاء
حبيت ارفع لك الموضوع
بالتوفيق ورحله موفقه ان شاء الله

انا اللي شايله همه الاكل كيف راح اسوي ممكن حلول

وعليكم السلام ورحمة الله وبركاته
أختي الكريمة أنا من رأيي تخليهم عند أهلك أو أهله أفضل لك ولهم ...
إنتي رايحة تتمشي مو تقعدي تطاردي في الاطفال تعال روح وخاصة إذا كان مايفهم..
الأمر الآخر لما تقولين لي أمان على الأطفال إنه تحطينهم في بلد غريب عند ناس ماتعرفيهم ... بقولك عجبي عليك كيف تستطيعين !!!!
حتى لو عند الكعبة ماخليتهم عند ناس ماعرفهم...
وإضافة إلى ذلك راح يضيع وقتكم وانتم رايحين جايين على الحضاانات والمدارس...
وإذا على اللغة حتى لو بتجلسوا شهر هناك مارح يتعلموا بهذي السرعة...
هذه وجهة نظري الخاصة وأنا مسؤول عنها...
بالتوفيق

نفس نصيحة أخي خليل خليهم عند أهلك أحسن لهم
غير كذا الأطفال متعبين جداً في السفر وبيطلعون عيونك
شوفي تقرير أم غزولا وشوفي كيف بنت وحدة وعذبتها في السفر حلفت ماعاد تأخذها معها
خليك خفافي أحسن لك ومالك ومال البهذلة ووجع الدماغ
أما حكاية حضانة ومدرسة ومدري إيه مافيه خاصة وأنتم يتتنقلون من كوالا إلى لنكاوي إلى بينانج الخ
يعني مابتجلسون في مكان واحد كل الفترة

أختي
انتي رايحة تنبسطي و تغيري جو و تجددي شبابك و تكسري الروتين
و لا رايحة تجري و تعري في الاولاد و تغيري الحفايض الله يكرمك و تحرقي اعصابك
ترى ماله داعي تاخديهم معاكي
انصحك من قلبي اتركيهم عند الوالدة او اخواتك
انا مثلك بالضبط و وقت ما قررت اسافر كلمت اهلي يمسكوا اطفالي بلا تردد
موفقة حبيبتي

lمااقدر اخليهم للاسف لذلك اطلب من الاخوات اللي جربوا يشيلوا اطفالهم ايش يسوون بالضبط وكيف حركتهم وتنقلاتهم
واشكر كل اللي ردوا علي وربي يخليكم لي وماقصرتوا على الردود بس انا الحمدلله سافرت كذا مرة ماشاء الله لوحدي بس للاسف اتعب نفسيا وابكي لان المكان جدا جدا بعيد بس لمن يكونوا معايا ارتاح
انا سمعت انه فيه بيبي سيتر وحضانات كويسة للخبيرين بماليزيا شكرا لكم كثير

طيب على الأقل خلي الرضيع وخذي الباقين معاك...
بس مثل ماتفضل أ[و أنس راح تنحرمون من أشياء كثيرة بسببهم...
وأنصحك أختي الكريمة مهما نصحوك بالمربيات أو الحاضنات لاتتركي أولادك عندهم فهم أمانة في رقبتك تسألين عنهم يوم القيامة...
بعيد الشر عنكم وعن أولادك لو صار لهم شي هناك مين بتلومين؟؟؟؟؟
والله ماتسوى السفرة ولا مليون سفرة دون شعره تنهز في أجساد فلذات أكبادنا...
أختي الكريمة ما قلت هذا الكلام إلا من حرّه في نفسي وأحس إنه عندك تساهل في الموضوع بشكل كبير
سامحينا إن ثقلنا العتاب وماهو إلا من أخ محب لكم كل خير...
بالتوفيق

شعنونة
الله يكون بعونك أختي
أنا بحاول أسوي اتصالات بناس هناك وأشوف لو فيه خادمة أو مربية تكون
مرافقة لكم علشان تساعدك على الأطفال بس إنتِ تبغيها في كوالا بس ؟ لأنه لو بتأخذيها معك
للنكاوي وبينانج معناها راح تحتاجي تقصي لها تذاكر وسكن ... الخ

وعليكم السلام ورحمة الله وبركاته ...
الأخت شعنونه ...
عن تجربه شخصيه سافرت الى ماليزيا مع الأطفال وبدون الأطفال وعلى ذلك اود ان أوضح أن متعة السفر الى ماليزيا مع الأطفال بشكل لا يوصف حيث انها تحتوي على أماكن كثيره للعب الأطفال وبالتالي متعتهم وفرحتهم وسعادتهم من سعادتنا وكم هي سعادتي عندما ارى أطفالي يستمتعون في مدن الملاهي وحمامات السباحه وغير ذلك من الأماكن السياحيه ولا توجد حاجه للحضانات ولا البيبي ستر نهائيا.
أما بالنسبة للطفل الصغير فلا اعتقد انه توجد مشكله بهذا الموضوع اصطحبي معك عربانة الأطفال فهي ليست بالعائق الكبير الذي ممكن ان تتخيليه فمعظم الأوقات تلاقينهم يطافشون بحمام السباحه مع أبوهم الله يخليه لهم ان شاء الله .
انا مسافر قريب أن شاء الله الى ماليزيا وأول شي أطفالي فهذا الوقت لهم ومتعتهم من متعتي بالسفر .
وتروحين وترجعين بالسلامة أن شاء الله .