تطمني اختي وأراح يقولون لك شي وعلى مسئوليتي
وسفره سعيده ان شاء الله

عليكم السلام ورحمة الله وبركاته
والله النظام يقول ممنوع الدخول لمن جوازه باقي فيه 6 شهور واقل
ولكن ماحد يعلم الغيب ويقول بيردونك او ماهم برادينك يعتمد علي
الموظف اللي بيقابلكم هناك ممكن يطلع مثل اللي مشاكم اللحين
يمشيكم هناك وممكن يرجعك لكن كنظام ممنوع الدخول إذا باقي بس 5 شهور
تبون تغامرون دامكم خسرانين فالله يعينكم وإن شاء الله تتيسر
بس ماحد يقدر يظمن لك انهم مايردونكم
بالنظام ترجعون وبالفزعه والحظ يمشونكم وانتوا وحظكم

الي أعرفة بان جميع الدول تشرط ست شهور على الاقل لدخول أراضيها ماعدا دول الخليج للخليجيين يمشون غالباً مو دايم بيمشون حتى لو باقي شهر
أنا ما افتي بس اتوقع انو راح تمشي أمورك ان شاء الله خاصة بانك سائحة ومعاك حجوزات الفنادق فممكن تطلبون من موظفي الجوازات في مطار كوالالمبور بطريقة هادئة التساعد معكم واذا استدعى الامر قولوا بنكتب تعهد باننا باليوم الفلاني بنتواجد للخروج من الاراضي الماليزية وإذ لم نحظر يمكنكم أجرى كافة الامور القانونية تجاهي او بانك ستقومي بتجديد الجواز من السفارة ان امكن
هذا كله في حال انك ماقدرتي انك تأخري الرحلة الى حين تجديد الجواز
بعدين بسالك وين الي يخططون للسفر من قبل ثلاث واربع وست شهور
الله يسهل أموركم وتروحوا وتردوا بالسلامة
اخيراً مابي اوهقك بس الي اعرف ان الدولة شعبها طيب ومتساعد

الله يوفقكم يارب عالردود
انا بتوكل على الله وبروح .. ادعولي

تفائلي بالخير ان شاء الله مايردونك الماليزيين حبيبين ومتعاونيين جدا

والله متفائله بس خايفه لان معاي طفله ومابي تتمرمط معانا .. لو احنا بس بحالنا كان عادي

أذكر اخر مرة جددت فيها جوازي
كان من ضمن التنبيهات
عدم السفر إلى بعض الدول التي تشترط وجود أكثر من 6أشهر على صلاحية الجواز
وذكر في التنبيه
الاولى أمريكا (على مااذكر) والثانية ماليزيا (متأكد).
لانها تمنع الدخول اليها في هذه الحالات .
بس عموماً
طالما صارت وصارت
توكلوا على الله وعليكم بالدعاء لعل الله ييسرها عليكم
وسفره سعيدة مقدماً

لله يكون بعونك
توكلي عل الله وعليك بالدعاء واهم نقطه قولي للموظف اذا رفض هذي اوراق الحجز
وان شاء الله تتم ع خير تفائلي اختي