اورد غرامه
19-04-2022 - 03:34 am
السلام عليكم ورحمة الله وبركاته
في البداية خلوني احيي اخواني
مجهول النت ووافي بزمن جافي و zazaz وخليلها لتفاعلهم الدائم والاجابه على كل صغيره وكبيره تهم المسافر
طبعا موضوعي او تقدرون تسمونه استفساري او اقتراحاتكم اللي احتاجها هو ل واحد فاضي وله خبره
طبعا انا ان شاء الله رايح ماليزيا شهر جولاي ولكم مني احلى تقرير يرضيكم اهداء مني لكم
كلما سألت احد وين اروح بماليزيا قال تقدر تروح كذا وكذا وكذا وتحسه يجاوبك بطفش
طيب وش الاماكن القريبه من بعض اللي مثلا اقدر اروح لها بيوم واحد ؟؟ يقولك لا وصلت بتضبط امورك وتعرف كل شي
انا شفت تقارير من اخوان هنا بالمنتدى وما قصروا وبيض الله وجيهم لكن تلقى التقرير كله صور وعن اماكن معينه .. اوك انا اعرف هالاماكن بس شلون اروحها ومستحيل اروح كل مكان شفته لازم كل شي بترتيب والافضليه لها دور
انا ابي لي واحد فاضي يقولي اقترح عليك تروح في اليوم الفلاني المكان هذا والمكان هذا
طبعا اكيد اغلبكم بيقول ما بقى الا تقول تعالوا معي ودلوني بعد !! ... بس والله اللي مخليني شايل هم وماني عارف وش السالفه لا وصلت الا عشاني ما قد سافرت خارج السعوديه الا مره وحده لاندونيسيا وكانت مجدوله من واحد راحها 9 مرات عشان كذا ريحنا كثير
اللي فاضي يدلي بدلوه واللي يحس ان الشغله مطوله ومايبي .. ما الومه والله
بس انا رايح شهر عسل وونفسي افلها بكل مكان
طبعا هذا جدول رحلتي
يومين - سيلانجور
5 ايام - بينانغ
4 ايام لنكاوي
4 ايام كوالا وطبعا اليوم الخامس يكون رجعتي للسعوديه
أشكركم كل الشكر حبايب قلبي ....
هلا وغلا بالحلو ...
لو ماكنا فاضين نفضى لك...
المهم حبيبي وعلى آخر اليوم وبطاريتي على وشك تطفى...
على عجالة راح أعطيك أهم الأماكن السياحية ولاتقولي وش القريب والبعيد ... لأنه مزاجك يختلف عن مزاجي يمكن تحب المتاحف وأنا لا... وهكذا...
والسواق اللي بتتفق معاه على الجولة عطه أسماء الأماكن اللي بتزورها وهو يقولك قريبة من بعض ولا لا...
أو انتظرني لين بكرة أجمع المعلومات لأن راسي أحسه بيبنشر بعد شوي
على العموم نبدأ بسم الله:
سيلانجور
1. صنواي لاقون.
2. مجمع البيراميد.
3. مجمع ومنتزه الماينز + حديقة الفراشات المضيئة.
4. تاخذ لفة بالقارب داخل الماينز السوق النهري والبحيرة نسيت اسمها اللي قدام فندق الخيول الذهبية.
5. I city
لنكاوي:
. رحلة المنجروف بالقارب
2. رحلة الجزر بالقارب
3. رحلة الغروب (عشاء فخم على القارب مع الاستمتاع بمنظر الغروب.
4. القرية الشرقية + التلفريك.
5. عالم ماتحت البحار
6. حديقة الفواكه
7. حديقة التماسيح
8. ركوب الهيليكوبتر
9. الشلالات
0- نصب النسر
1- حديقة ليجيندا
2- اسطبلات الخيول (ركوب الخيل وسط الغابة)
3- مجمعات تجارية صغيرة في كواه
4- الأنشطة والألعاب البحرية.
5- رالي السيارت.
بينانغ:
1. هضبة بينانغ.
2. مجمع غريني بلازا.
3. بحيرة أرتيم أعتقد كذا اسمها.
4. الحدائق ( الفراشات - الطيور - الفواكه - التوابل)
5. السوق الليلي (الصيني).
6. رحلة جزيرة القرود (بالقارب)
7. الانشطة البحرية على شاطئ باتو فرينجي.
8. ممكن تروح من بينانغ إلى بوكيت ميرا (منتجع فيه قرود ومدينة مائية وعروض وملاهي).
9. محلات القهوة والشوكولاته.
0- المصانع (الفضة - النحاسيات - الاقمشة .. إلخ) كلهم جنب بعض.
1- تاخذ جولة في جورج تاون.
كوالالمبور:
1. شارع العرب.
2. البرجين التوأم.
3. برج المنارة.
4. حديقة بيردانا.
5. باص الهوهو.
6. عالم ماتحت الماء (أكواريا)
7. الحدائق (نيقارا "حيوانات" - الطيور - الفراشات - الزهور)
8. المجمعات التجارية (سوريا "البرجين" - البافليون - لوت تن - فهرنهايت - برجايا تايمز سكوير ...إلخ)
9. السوق الصيني.
0- ممكن تروح لجينتينج من كوالالمبور من الصباح وحتى المساء.
1- ممكن تروح لأفاموسا من كوالالمبور من الصباح وحتى المساء.
2- تزور بوترجايا العاصمة الإدارية.
3المتاحف في كوالالمبور واجد وناسيها.
4- مطعم المطل (لوك أوت بوينت).
والكثير الكثير من الأماكن السياحية اللي ماذكرتها...
ولعل الإخوان والأخوات يذكرونها بالتفصيل لك...
ونأسف لعدم التوضيح أكثر...
في أمان الكريم