ما فيه فزعه ولا اهل خبرة...............

لا تستعجل اخوي بأذن الله الاخوان ماراح يقصرون

والله يخوي
جلبتها يمين وجلبتها يسار وسالت عنها
ولكن للاسف ماعرفت وين لو بيدي حاضر

ماعندي خبره كافيه لكن احسن مكان هو منطقة السوق الي في شارع نايف وسوق مرشد ولكن في الشارقه قريب من الميناء فيه اماكن هناك لكن مدري وش النوعيه الي تبي لان 400 غاليه
تبي مثل تصاميم اليشمك مافيه لان اصلا اسعار خياطه الجلابيات في دبي غاليه نار لان اهل البلد يحبونها والخياطين رافعين الاسعار ولاشك توجد شغلات حلوه لكن يبي لك احد من الاخوات من هل دبي او الشارقه يفيدونك اكثر واذا مره مالقيت احد ... عليك بسواقين التكاسي خصوصا شركة دبي للمواصلات يعرفون

أخي الكريم محلات الجلابيات في دبي عندك في سوق عكاظ بالقرب من سوق الذهب، وعندك في الشارقه في مركز التعاون محل (بنت العرب) و سوق القديم بالقرب من البحر محل (الاميري) و (راجوا) وفي محلات ثانيه في نفس السوق. وفي محل (الكشخه) عنده فرع في الشارقه في سوق السور بالقرب من مسجد الملك فيصل و الفرع الثاني في دبي بالقرب من مركز بو هيل.

وعليكم السلام ورحمة الله وبركاته
مادري نوعيه الجلابيات الي تبغيها جلابيات للبيت ولا مناسبات ولا فيها شغل بس بسيطه ع العموم الي اسعارها معقوله يعني 400 ونازل اعتقد بتلقاها في
الكشخه بلازا بالقرب من مركز بوهيل - ديرة
محل شيتل في مركز بن سوقات - ديرة
محل فيرست جويس فيه محلين واحد للعبايات و واحد للجلابيات في مركز بن سوقات
محل راجو كان موجود بالقرب من حمر عين بس الي اذكره ان كان مسوي تصفيه فمب متأكده موجود في نفس المكان ولا لا للاسف
محل الهودج في مركز البستان - ديرة
هذا الي اتذكره والسموحه على القصور

مثل ما قلت ما اعرف شو الي تبغيه بالضبط
بس تذكرت محلات غير وان شاء الله تلاقون فيها الي تبونه سواء الشغل الخفيف والعادي او للمناسبات
محل خنجي للشيل والعبي بس عندهم جلابيات - مركز الغرير
محل كشمير آرت غاليري عنده جلابيات شغل هندي - مركز الغرير
محل المتحجبة للشيل وعندهم جلابيات - موجود في تاون سنتر جميرا وبعد عندهم محل خاص للجلابيات اعتقد في مول الامارات بجانب محلهم للشيل والعبي هناك
في مركز البستان في اكثر من محل مب بس الهودج مثل الوتد والباقين ما اتذكر اسماءهم للاسف
محل جلابيات ياسمين - محل البندر
المحلين في مركز برجمان بس مب متأكده من الاسعار اذا عندهم اقل 400
(يمكن سويت فوق المليون تعديل ع المشاركه كل ما اتذكر شي ارد واكتبه )
والسموحه ع القصور ويا مرحبا فيكم في دبي