king sultan
02-05-2022 - 09:56 am
السلام عليكم ورحمة الله وبركاتة والف الف الف شكر لكم على المنتدى الأكثر من رائع واللة يا شبااب لي اربع ساعات درت المنتدى كلة ولقيت كل الزبدة فية بس المشكلة في عدم ترتيب المواضيع وانا بصراحة تلخبطت انا رايح للأمارات الأسبوع الجاي ومعي صديقي وصراحة ميزانيتي يعني يعنيحوالي الأربع الآف وخمسمية وخويي مثلي بعد فأتمنى انكم تفزعونلي وتعلموني بأحسن الأماكن للسكن بسعر مناسب سواء كانت شقق فندقية ولا فنادق مع اني افضل الفنادق اكثر وياليت تعطوني السعر على بلاطة يعني اتمنا انكم تعطوني فنادق او شقق بسعر 150-300لليلة مع العلم ولازم يكون فيها غرفتين ولو ارتفع السعر شوي مافية مشكلة وتراني من زمان اسمع عن الأمارات من كل الناس وودي صراحة اروحلها وتكفون لاتنسوني واهم شي عندي السعر رجاء ياشباب تحددونلي السعر بالريال السعودي للفنادق والشقق بغرفتين مع منافعها وآآآآآآسف جدآآآآآ على الأطالة وكثرة الطلبات بس وش نسوي المثل يقول اسأل مجرب ولا تسأل طبيب والف شكر لكم مسبقآآآآآ ولمنتداكم الرآآآئع والجميل واللة لايحرمنا من فزعاتكم.
واللي يبي اي استفسار من رومانيا انا حاضر وتراني دايرها شارع شارع....
رجاء الرد عاجلآآآآآ
هلا براعي رومانيا أخوي ما حددت المدة اللي بتروح فيها للأمارات
وهل تريد مكان غير دبي ،،، لأني من جد فريت هذي المرة الامارات ودرت شفت ان دبي للي يبي الأزعاج أما اللي يبي الأسترخاء يلقاها خارج دبي مثل الفجيرة وراس الخيمة و العين واللي حولها ،،،
وما حددت روحتكم بالطيارة والا بالسيارة واذا ما معكم سيارة لازم تستأجرون لزوم التمشيات ،،،
ومن ناحية هذا الموضوع وكل الله ولا تشيل هم انا مستعد أفيدك بكل اللي أقدر عليه ومن ناحية السكن أنا أفضل أنك ما تاخذ الا شقة لأنها بتكون في حدود ال300 اذا بغيت شقق حليوه واذا بغيت فخمة ب 600 وفيها لا تشيل هم ميزانيتكم تعتبر أفضل من الممتاز حق أسبوع ،،،
وحدد لي من أي مدينه بتمشي اذا بالسيارة