السلام عليكم ورحمة الله وبركاته
اقدم شكري لاعضاء الموقع وخصوصا الاخ الوافي وبيض الله وجهه
بختصار ياجماعه انا اول مره اسجل بمنتدى
وثانيا هذه اول سفره لماليزيا
الاخ وافي في زمن جافي .. عز الله انك وافي
ماقول هالكلمه مجامله بل من واقع الردود اللي اشوفها
عندي ياغالي كم استفسار وابي رايك بكل شفافيه ولوتبي بالعاميه
1 - انا الحمدلله حجزت على الخطوط السعوديه بتاريخ الاحد16 سبتمبر والعوده الثلاثاء 2 اكتوبر
ثلاث اشخاص(انا وزوجتي وطفلي)
اخذت الضيافه التشجيعي والحمدلله قبل شوي سددت عن طريق الصرافه
سؤالي كيف اطبع التذاكر بعد التسديد
2 - ياغالي ابي افضل تخطيط للرحله من ناحية توزيع الايام .. ومن ناحية الفنادق
وهل يعتبر الطفل مجانا بالغرفه اوحجز غرفتين
دخلت بوكينق ولقيت فنادق حول الالف ريال باليوم والتعليقات يقلون سيء
ولقيت فنادق ب300 ويمدحون التعليقات صراحه .. حيروني
صراحه ابي ترجمة خبراتك واعطائي الزبده بالفنادق يعني افضلها بالموقع والسعر
والنظافه
بالنسبه للمدن فيه كثير استفسارات وبعضهم يشيل كاميرون من الرحله وبعضهم يفضل لانكاوي
ابي ياغالي برنامج من المدن المهمه لاني ابي استغل كل يوم وانبسط
مابي تروح الايام بالتنقلات المتعبه .. ابي كل مدينه يكون فيها شي جديد
3- بالنسبه للمواصلات قريت كثير يفضلون التنقل بالباصات والطيران
ابي رايك هل تفضل الباصات للمتعه بالمناظر او الطيران ..
وهل الحجز الان او بعد الوصول .. وهل اقدر احجز بنفس اليوم ..للذهاب لمحطة الباص او الطيران للمطار مباشره ...
4- بالنسبه للعزبه هل تفضل اخذ نواشف معلبات وقهوه وشاي .. اوشنطة ملابس فقط
او نعتمد على المطاعم
بالنسبه للجوالات الذكيه الايفون والجلكسي والايباد والاب توب هل تنصح ناخذها
ونكتفي بجوال الكشاف
ادري بتقول وش هالنشبه سافر واشغلنا ههه
تحملنا وان شاء الله مع كثر السفرات الجايه اصير مكانك
اخر ملاحظه وابي رايك
انا مفكر احجز اول ليلتين بصن واي بسلانجور واذا وصلت هناك احجز عن طريق بوكينق بالفيزا الفنادق الايام القادمه ..شرايك
لك من اجمل ارق واعذب وارق تحيه ياامير المنتدى
اتمنى من هالاساله يستفيد منها بقيت اخواني الاعضاء
انتظر ردك بفارغ الصبر
تحياتي لك