طالب علم
15-07-2022 - 06:56 am
بسم الله الرحمن الرحيم
الاخوة الاعزاء اعضاء ورواد العرب المسافرون حياكم الله
لدي بعض الاستفسارات ارجوا الرد عنها وهي بالترتيب :
اولاً
ان شاء الله سوف اسافر الى ماليزيا خلال الايام القليلة على متن الخطوط الجوية الاماراتية
وراح اسافر للدراسة لمدة ثلاثة اشهر في معهد els لغة إنجليزية وسوف ا درس انا واثنين من اصدقائي
وبعد الدراسة لمدة ثلاثة اشهر (مدة الفيزا) راح نجلس شهر زيادة للسياحة وسمعت ان المعهد يغيرها لك
مقابل 1800 رينجت هل هذا صحيح ؟ واذا نعم كم يستغرق استخراجها؟
وبالنسة للسكن هل هو داخل المعهد او يبعد عنة ( سمعت انه مو داخل المعهد ) كم المسافة بين المعهد وبين السكن (طبعاً المعهد الذي في وسط المدينة ) وكيف السكن عندهم هل هو نظيف ومريح وكم التكلفة لثلاتة اشخاص طبعاً نبي احسن شي ؟ هل ياتي داخل الغرفة مطبخ؟ وماذا يوجد ايضاً؟
وايضاً هل يمكننا البقاء بالسكن شهر زيادة بعد انقضاء فترة الدراسة (ثلاثة اشهر) ؟
وثانياً
طبعاً اول ما نوصل راح نسكن بفندق (طبعاً عمي راح ياتي لكي يسجلنا ومن ثم يعود الى ارض الوطن)
نبي فندق حلو ويكون في وسط المدينة وكم تبلغ التكلفة لاربعة اشخاص)؟
اتمنى الرد سريعاً على استفساراتي
وشكراً
مثل ماقلت انه المعهد يجيب لك الفيزا في حدود 500 دولار
وشوية ... يعني 1800 وشوية .. لانه هذه داخل فيها الغرامة ...
اللي اعرفه انها ما تاخذ فترة طويلة ولكن انتم بعد ما تجلسون
شهر وشفتم انه الوضع عاجبكم كلموا المسؤولة بالمعهد وهي تدبرها
لكم وان طولت في اسبوعين ... تراهم والفين على هذه الشغلة
ويعتبروها لعبتهم ولا تشيل هم
قلت انه معهدك اللي في وسط البلد يعني اللي في كوالا ...
حسب المجمع والهوستيل اللي اخترته ... مع انه فرع بتالينغ
جايا افضل لطلاب العلم لأنه منطقة جامعات وكليات فتلقى
خيارات السكن متوفرة بكثرة من سكن 5 نجوم لبدون نجمة
انا جربت السكن اللي في بتالينغ جايا سواء كامبونغ كرينشي
او ملينيوم كورت وكان طيب ... الله يكرمك دورة مياه لكم وغرفة
فيها سريرين ودولاب حوايج وماصتين دراسة ومكيف اسبليت ..
يعني ما فيهاش ادوات ترف ... حق واحد وده يتعلم وبس
وفي نفس المجمع تلقى مكتبة ..وسوبر ماركت ومطاعم ومغسلة
ومقهى نت ...
السكن ماله شغل بالدراسة .. يعني بغيت تحجز عندهم سنة ولاهمهم
المهم تدفع لهم وخلاص
الفندق ... ان بغيتم فرع كوالا ... اجل احجزوا ليلة او ليلتين
من عندنا .. اتجهوا لاحدى المكاتب السياحية وخذوا ديلوكس
ببان باسفيك ... كل شخصين في غرفة ... والليلة ب235 ريال .
ان بغيتم فرع بتالينغ جايا ... احجزوا في فندق كريستال كراون
لاجل تروحوا المعهد برجلكم لأنه وراه مباشرة ... والليلة
في كريستال كراون ب180 ريال ... للشخصين .
بان باسفيك 5 نجوم ... كريستال كراون 4 نجوم ...