ابوإبراهيم
07-06-2022 - 12:09 am
السلام عليكم..
قبل ما أمحط باستفساراتي..
حبيت أقول للشباب اللي شاروا علي في حكاية ال extra bed وإلا حجز جديد..
انه جا معانا رابع وحجزنا غرفة إضافية.. وخلينا حجزنا الأول مثل ما هو..
ما تلاحظون شغلنا بربسة .. بس على الأقل راح نلعب بلوت ;) مثل ما قالوا الشباب..
المهم.. استفساراتي هي..
1- ما هي التكلفة المتوقعة ل 4 أشخاص في المجموع،، لمدة 16 يوم..
بدون التذاكر والسكن لأننا دفعناها؟
2- ما هي أفضل وسيلة لحمل النقود؟
3- ما أدري إذا كان في حلاقينهم حلاقة دقن.. وإلا حلاقينهم للراس فقط؟؟!!!!!!!
ألف شكر وتقدير لجميع أعضاء المنتدى بلا استثناء..
فعلا.. بهم أصبح المنتدى مستشار السفر الأول..
تحياتي للجميع..
حياك الله أخوي أبو إبراهيم ...
ولو إني ماني من الشباب اللي شاروا عليك ... لكن جملتك الأخيرة شجعتني أرد.. الله يجزاك خير
الميزانية ترا مطاطه وعلى حسب صرفكم وطريقتكم ... يعني لو نقول بس حق الأكل والشرب والمواصلات داخل المدينة ... لأني ما أعرف برنامجكم يشمل كم مدينة وهل دفعتوا حق المواصلات بين المدن والا نضمها للحسبه...
على العموم أكل وشرب ومواصلات داخل المدينة ... لأربعه أشخاص ... أعتقد بتكون لليوم الواحد من 300 ريال إلى 400
إضربها في 16 وناخذ المتوسط عشان الزود والا النقص تطلع 5600 يعني خلها 6000 ريال .. هذي بس أكل وشرب وتنقل في المدينة ... والله أعلم .. عشان ما توهقني بعدين تقول أبوميسم قال ...
أفضل وسيلة لحمل النقود .. في نظري طبعا تصرف دولارات من هنا وتاخذها معك ومايمنع لو تصرف 200 رنجيت بعد من هنا عشان تاكسي المطار واذا إحتجتوا شي في المطار هناك أو أول ماتوصولون .. وبعدين هناك اذا وصلت الفندق حطها في السيفتي بوكس ... والأفضل إنك توزعها في ظروف صغيرة وتسكر الظروف وتحطها في السيفتي بوكس .. وهذي الطريقة إسأل عنها أخوي الشعيبي ...
الحلاقين في الدقن ترا ما عندك أحد ... خذ عدتك معك من هنا أفضل..
تحياتي لك وبالتوفيق إن شاء الله