وعليكم السلام ورحمة الله وبركاته
أسعد الله مساءك
يشرفني أن أداخل في موضوعك
أنا أشوف أيها المبارك أن السفر في رمضان ما ينفع وتفوت عليك خير كثير مثل تراويح والقيام والمنافسة في الطاعات وهذا لا يتوفر في السفر فأنا أقترح إن السفرة يا قبل يا بعد رمضان
هو شهر في السنة لا تضيعه بسفر وقد تتعرض لما يخدش صيامك
أسأل الله لك التوفيق
مجرد رأي ومعذرة أخي
دمت موفقا

عليكم السلام ورحمة الله وبركاته
بالنسبه للنشاطات والمجمعات نفس الأشهر العاديه مافيه فرق ولا إختلاف
بالنسبه للسحور أغلب الفنادق او يمكن كلها يقدمون سحور مجانيه بدل وجبة الفطور اللي بالأيام العاديه
وتكون وجبة السحور بالغرفه حسب طلبكم يعني طلبات مو بوفيه مفتوح
اما الفطور الرمضاني فأغلب الفنادق يسوون ولكنه برسوم مثل بوفيه العشاء
وانتوا لو ماتبون سحور مجاني ممكن تحاولون في الفندق اللي بتسكنوا فيه انه يحوله لفطور
رمضاني و نادرا يوافقون ولكن الأفضل الواحد يحاول ويجرب
ونصيحه لا تحطون لنكاوي في جدول رمضان لأن كل نشاطاتها بالنهار وهي حاره ورطبه اكثر من غيرها
وفي الليل سكون وهدؤ ولا فيه شي بعد المغرب فما تصلح لنكاوي برمضان حاولوا يكون رمضان بكوالالمبور
مع اني مافضل السفر برمضان إلا ممكن تجربة يومين ثلاثه اما نص رمضان فشوي صعبه

انا ماعندي فكره عن الموضوع بس برضه ماأيد الواحد يكون بره بيته في رمضان
بس كل واحد وله ظروفه

أنا جربت يوم من رمضان في كوالا وما كنت صايم والله مو حلو لأن المطاعم ما تسمحلك تاكل فيها لأنك مسلم والباقين عادي ياكلون
وبعدين أحلا ما في ماليزيا نهارها صعبة تتمشى وإنت صايم
أرجو لكم قضاء رحلة ممتعة

عزيزتي اذا بعدج ما حجزتي أجلي لبعد رمضان خاصة لو مب مرتبطة مع مدارس
صح ماليزيا دولة اسلامية بس ما راح تكون نفس اللي متعودين عليه نحنا في دولنا في رمضان وصلاة التراويح وتبادل زيارة الأرحام وغيره اللي ماتتكرر الا مره في السنه
موفقه

ساريه
وهذا رأيي أنا أيضاً

الله يجزاكم خير
ومشكورين ماقصرتوا
بالنسبه للحجز للاسف حجزت وانتهى الموضوع
لكن موضوع الصيام بالعكس اشوف هنا وهناك كله واحد وخصوص بناخذ شقه بالاسكت وبتكون قريبه جدا من المسجد
وفي ناس من اقاربنا جربوا الصيام هناك ونبسطوا كثير وشجعونا الصراحه
وخصوصآ من زمان خاطرنا نجرب العيد هناك ونشوف اجوائهم وفعالياتهم يقولون روعه
انا قد جربت عيد الاضحى هناك كان الاجواء حلوه لكن قالوا لنا بعيد الفطر احلى بكثير
اتمنى الي جرب برمضان يرد على اسئلتي بليز

zazaz
مشكور اخوي الله يجزاك الجنه
وفعلآ لنكاوي مو من ضمن الخطه لانه عارفين جوها
برمضان حابين يكون كله بكوالامبور