عليكم السلام ورحمة الله وبركاته
بيكون وصولك بمشيئة الله تقريبا بين الساعه 2 الظهر إلي الساعه 3 في هالحدود
طبعا بوقتهم وهم يسبقونا بخمس ساعات يعني بتكون الساعه في السعوديه 9 صباحا تقريبا
تزيد نص ساعه في هالحدود حسب الطيران مرات 7 و مرات 8 ساعات
بس وش لك بتوقيت السعوديه اهم شي وصولك هناك 2 ظهرا بتوقيت ماليزيا
وحجز الفندق يكون اول ليله بتاريخ يوم وصولك يعني بتصل إن شاء الله
يوم 4 مايو يكون حجز الفندق اول ليله 4 مايو

جزاك الله خير اخ زازازا استفسار بسيط اذا تكرمت بالنسبه لحجز الطيران الداخلي(ايراسيا) فيه فرق كبير اذا حجزت لما اوصل و بالنسبة اذا حجزت عن طريق الموقع لاني بصراحة ملخبط شوي اول مرة اسافرماليزيا وش رايك

السلام عليكم ورحمة الله وبركاته
الأفضل اكيد تحجز عن طريق الموقع حقهم ويستحب تحجز اللحين
لأنه مابقي إلا شهر تقريبا علي رحلتك و الطيران الإقتصادي معروف
كل ماحجزت بدري يكون اوفر طبعا بدري بوقت معقول مثل وقتك اللحين اوكيه
هناك اكيد بيزيد السعر و ممكن ماتحصل أمكانيه مع ان الرحلات كثير
بس ممكن تحصل رحلات الصبح بدري مره او أخر الليل الرحلات المفضله تتفلل
وخطوات الحجز بسيطه جدا بس شوي تركيز في التواريخ وشيك بعد
علي الماليزيه و الفاير فلاي ممكن تحصلهم ارخص
وشوف طريقة و خطوات الحجز عن طريق آير آسيا
https://artravelers.com/p/re/358639

ماقصرت اخوي زازاز شكلك مشاء الله خبره مادام انك ياريت تعطيني جدول زين عن رحلتي وانا والشحص الثاني بالنسبة للفنادق الاقتصاديه والزينه رحلتي اوصل 4 مايو المغادرة 16 مايو ابي اروح سلانجو- لنكاوي - بينجق-وكوالمبور اخر شي افيدني ولك الدعاءبارك الله فيك

السلام عليكم
أفضل جدول ل 12 ليله هو
ليلتين سيلانقور -- ثلاث لنكاوي -- ثلاث بينانق -- اربع كوالالمبور
هل تقصد بأنا و الشخص الثاني إنه السفريه عزابيه او شبابيه؟
إذا كذا ممكن الفنادق تكون عاديه بس جيده مثل
سيلانقور -- فندق ريومز
لنكاوي -- فندق موتيارا (فندق عادي كغرف بس شاطئه جميل و كمنتجع جميل)
بينانق -- فندق الهوليدي إن
كوالالمبور -- الفنادق كثير مثل الدوريست ريجنسي و فيوراما او سنترال بودو
وهي فنادق حلوه حتي تصلح عوائل مو شرط عزاب