عندنا نوعين او ثلاث مب متاكد
ولاكن بعطيك مثال لاني ماعرف بالظبط سعر الجالون عندنا يمكن 6 دراهم
المثال هو الفلل لسيارة نعبيه في الامارات تقريبا 125 ويوم اوصل السعودية الفلل اعبيه 65 تقريباً
يعني تقدر اتقول النص او اقل من النص بشوي

مشكور أخوي عاشق الخيل
ياليت تذكر الأنواع و سعر اللتر

في الإمارات .. مايقيسون السعر باللتر .. يقيسون بالجالون .. والجالون حوالي 4 لتر .. و في 3 أنواع للبترول:
1اوكتين .. واسمه E Plus
وسعره 4 دراهم وشوي (مش متأكد)
5اوكتين ..واسمه خصوصي .. او سبيشال بالانجليزي
وسعره 5 دراهم وشوي (مش متأكد)
8اوكتين .. واسمه ممتاز او سوبر بالانجليزي
وسعره 6 دراهم وشوي (مش متأكد)
(يعني في كل الحالات يكون أكثر من ضعف السعودية)
عالعموم في شغلة لازم تعرفها .. في الإمارات في 4 شركات للبترول .. أدونك - اينوك - ايبكو - امارات
أدنوك موجودة في جميع الإمارات ماعدا دبي .. وعندهم كل الأنواع الثلاثة
اينوك وايبكو وامارات موجودين في جميع الإمارات ماعدا أبوظبي .. وفيها بس آخر نوعين
بمعنى .. لو كنت في إمارة أبوظبي .. ماراح تلاقي الا أدنوك .. وهي افضل شركة في الإمارات (في نظري على الأقل)
ولو كنت في إمارة دبي .. بتلاقي اينوك وايبكو وامارات .. كلهم نفس المستوى .. بس الناس تقول ان امارات افضلهم
بس لو كنت في الشارقة او عجمان او اي امارة ثانية .. بتلاقي كل هالشركات موجودة
وبصراحة اول مرة اشوف واحد يسأل عن البترول بهالتفصيل العلمي
عالعموم أنا شخصياُ .. اذا كانت سيارة ايجار احط E Plus في أبوظبي والشارقة .. واذا كنت في دبي احط سبيشال
بس لو سيارة الخاصة بحط سوبر (يعني نفس النوع اللي احطه في قطر)
وغالبية الناس في الإمارات يحطون سبيشال

مشكور The Watcher
وبصراحة اول مرة اشوف واحد يسأل عن البترول بهالتفصيل العلمي
لأني متردد بأي سيارة أسافر ( عندي سيارتين واستخدم اوكتين 95 و الثانية أوكتين 91 )
ماقصرت