باختصار
هناك شركات متخصصه ( عصابات ) متخصصه في سرقه ارقام الفيزا والماستر وبيعها
الحكايه :
قبل سنتين ذهبت الى ماليزيا .. وطبعا معي الفيزا والماستر
عند وصولي للفندق يطلبون مبلغ ( تأمين ) وبحسن نيه اعطيهم الفيزا او الماستر
يقوم موظف الإستقبال ( فندق 4 او 5 نجوم ) بتمرير البطاقه بالجهاز الصغير فيقوم بحفظ البيانات الخاصه للبطاقه .. ويعمل لها فيما بعد ( كوبي )
طبعا هناك في اغلب الفنادق اشخاص يعملون لحساب بعض الشركات المتخصصه في سرقه البطاقات
يقوم هؤلاء بنقل ارقام البطاقات وارسالها للمتخصصين ليقوموا باصدار بطاقات مزوره فورا
لتباع فيما بعد باسعار بسيطه لمن يريد .. وهذه الظاهره منتشره في دول شرق آسيا
اما كيف اكتشفت الحكايه ( المصيبه )
فبعد عودتي للكويت بفتره تقارب ال6 اشهر لاحظت ان حسابي يتم الخصم منه بطريقه غريبه
علما بانني لم استعمل الفيزا او الماستر منذ عودتي من ماليزيا
اتصلت بالبنك لاستفسر .... فكانت المفاجأه
شي لم يخطر على البال
قالت لي الموظفه .. صحيح يتم خصم مبالغ من حسابك
بعد ان استخدمت البطاقه قبل خلال الفتره الماضيه .. باليابان اليابان !!!!!
متى ؟؟؟
قالت لي الموظفه : اخوي انت الشهر الماضي ماكنت باليابان !!؟؟
لا يبه انا وين واليابان وين ... شنو رايح كاس آسيا !!؟؟
متأكد اخوي !!؟
يه الا متأكد ونص ...
الموظفه : شوف اخوي .. هذا كشف حساب الفيزا .. هذا الظاهر اسم المجمع .. وهذا المحل
وهذا المبلغ المطلوب بعد شراء بضاعه او ملابس !!
وشوف هني هذا كشف حساب الماستر
تم السحب فيها من سنغافوره !!!
بعد سنغافوره !!؟؟؟
زين شالمطلوب الحين
انت المفروض مطالب بالمبالغ .. بس انت ضروري باجر تييب لنا جواز سفرك
واحنا نصوره بعد مانتأكد انك مازرت هالبلدان .. بعدين ندز الاوراق لشركه الفيزا والماستر
ويردون فلوسك ..
بعدين على فكره اخوي : منت اول واحد تصير فيه هالسالفه
واايد مثلك .. صارت لهم هالمشكله .. وخصوصا من ماليزيا
هذي القصه بالضبط اللي صارت معاي .. والله اني ماابالغ باللي صار
الحذر الحذر من استعمال الفيزا .. واذا كان لابد ... فحاول اول ماترجع من السفر ... غير البطاقه