أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
أكيد الصورة تشهي .... خاصة العرب اللي مب متعشين اليوم ....
السالفه ومافيها ....
أختكم سفريات .... عادت أيام العزوبيه ... وقررت تروح مع أهلها مدينة العين ... ( قرار حلو )
طبعا عشان خاطر الناس اللي نحبهم ويحبونا في هذا المنتدى ...وعلى ما كان الوعد ... انه الكاميرا على طول في الشنطه
سهرتنا كانت لين أخر الليل ... سهرة شوي تجنن ,,,, مع البنات ....
بوخليفه الله يرحمه ما قصر... وزع أراضي على المواطنين في العين ... واراضي كبيره وايد ... ( 300 قدم * 200 قدم ) ..... الوالد بنى الأرض فيلا كبيره .... على طرف الحوش .
هذا جزء من الحوش والوالد زرع فيه أشجار النخيل اللي مالنا غنى عنها ....
أنتظروا سهرة الشوي الرائعه
ماشاءلله عليج يا الاخت سفريات شكلج دبيتيها وخلاصتى على المواعين كلها :tongue: لا وبعد حاطه دعاية حق المراعي جم معطينج الاعلان شنو من وراء ادارة العرب المسافرين كل هالسوالف :tongue::tongue::tongue:
على العموم عساج على القوه والله لايهينج وناطرين باقي التقرير وأن شاءلله استانستوا بلمت الاهل
أخو زايد .... جيران السبعينات
حياك الله ... أدري أنه نفسك في المشاوي ومستحي تطلب ..... لك خمس أسياخ تكه .... و عشر أسياخ كباب ...... ( تراني راعية تكه ما أحب الكباب ) ... عشان هالسبب بكثر لك من الكباب ...
أما عن الوناسة صدق أستانست ... غيرت جو ... لأني من زمان ما رحت مع الأهل العين ... وطلعاتي من بوظبي قليله عشان جيه حسيت اني بطير من الفرحه على هالكشته ..... الوالد قال بيبني لنا في الحوش.... ما صدقوا ييت معاهم العين..... تراني دلوعة أبويه
تعرفون شو البثيثه ...؟؟؟؟
خلنا نعرفكم عليها .... هي أحد أكلات الشتاء المعروفه في الأمارات ... وتتكون من الطحين المحمر و التمر منزوع النوى و السمن ..... وهذه الأكله اذا صنعت تستمر لمدة أيام ويمكن للمسافرين أعدادها قبل سفرهم و الأستمتاع بمذاقها اللذيذ في أسفارهم..... ( ناويه قبل ما روح اسبانيا اسوي لي بثيثه تدفيني أنشالله )
الخطوات .....
هذه هي الخطوة الأولى وهي تحمير الطحين ... على الفحم ... أو على النار في المطبخ .
وهنا الخطوة الثانيه ... بعد أن يحمر الطحين ... نقوم بنخله .... كما هو واضح ونضعه في أناء غزير و ونخلط معه التمر .... طبعا حرارة الطحين تساعد على ذوبان التمر .... ولا بد من ملعقة سمن عربي والقليل جدا من الماء .... والأستمرار بالعجن باليد الا ان يذوب التمر مع الطحين ....( في ناس تكثر من السمن ولا تضع الماء ولكن نحن صحيين ما نحب السمن وايد )
وهذه الصورة واضح فيها الشكل النهائي للطبق الأماراتي البثيثه ... شو رايكم ..؟؟؟؟ سهله صح ؟؟؟
بهذا انتتهينا من طبق البثيثه .... وانتهت معه أطباقنا على الفحم ... ولكن السهره لم تنتهي ... راحت عليكم
أنتظروا المزيد عن مدينة العين
شكلج مسوية كشته ....بس
بعرف السالفة بكره ...وراي دوام ....