1. السلام عليكم ورحمة الله وبركاته .

السلام عليكم ورحمة الله وبركاته .

اخواني هاذي اول مشاركة لي فيالمنتدى وان شاء الله ماتكون أخر مشاركة لان المنتدى بصراة قمة وفيه كل شيء يعني بين قوسين ملم لكل الدول اللي الخليجين يسافرون لها .
انا ناوي اروح ماليزيا ومدة الرحلة 12 يوم طبعاً بتكون يومين رايحين منا لان بنكون فالهوى ، كنت من فترة ادخل واجوف الشباب يقولون مكاتب السياحة مامنهم اي منفعه وأعرف واحد بينسق لي كل شيء وانا علي أدفع وقال لي بيطرش لي أيميل بالكبج وراح انزله فالمنتدى تشوفون لي وتنصحوني .
واحين نجي حق الاستفسارات .
أول شيء تقريباً الرحلة للشخص الواحد كم تكاليفها ( تذاكر طيران + طيران داخلي + .. ، مستلزمات السفر من والى ) حق أقدر ارتب جدول سفرتي .
شارع العرب ، سمعت ان هالأيام الواحد مايسوىانه يسكن او يروح هناك من الرذاله اللي تصير فالمنطقه ومثل ماذكرت فوق
واتمنى تذكرون لي المانطق اللي فيهم سوق وصج العمله السعودية تمشي هناك .؟ او تنصحوني أحول من البحرين قبل لا اسافر .
انا ناوي اسافر نهاية شهر مارس شلون بيكون الجو هناك .. ؟
واخيراً وليس اخراً تنصحوني اقسم الرحله بين ماليزيا وتايلند ..؟
نجي حق الميزانيه الميزانيه تقريباً تكون 15 ألف ريال سعودي للشخص وهذا اللي أقدر عليه . ولازم فيه 5 الاف ريال زيادة للحاجة بين صرف وتكاليف الرحلة .
تنصحوني اودي معاي بطاقت الصراف واسحب من هناك لاني شفت موضوع لواحد من الاعضاء يقول مفي فرق اوالفرق بسيط ؟
وبالنسبة عن الوزن من تربة الاعضاء اللي قبلي شفت انهم ياخذون شركات نقل وهذا اللي باعتمد عليه اذا المدام كثرت من الصوغات والتسوق .
وانتظر الرجال يرد علي واحط لكم البجش واشوف شتقولون لي وحتى السعر .
قود لك .