ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
rosemary1980
14-06-2022 - 02:06 pm
مساكم الله بالخير يا اخوان
بصراحة من شهر ابريل واحنا حاجزين في الصن وي لاقون من موقع الفندق نفسه اوكي وارسلونا رقم الحجز
الحين لنا فترة نرسلهم ايميل عشان نتاكد من الحجز لان السفرة ان شاء الله الاسبوع الجاي بس يرسلون لنا ايميل مو مفهوم اللغة سويتنا ترميز بس ما في فايدة لاهو انجلش ولا غيره حروف وارقام مو مفهومة
وكلمناهم امس وعطيناهم رقم الحجز بس قالولنا مافي حجزبهالاسم :112:
وعطونا ايميل ثاني نراسلهم عليه بس كل ماراسلنا تجينا رسالة انه مافي ايميل بهالاسم ؟؟:112:
الحين شنسوي الموقع فل الحجز والله محتارة انا وزوجي
لنا حول شهر نبي معلومات واخبار بس ما في فايدة اللي شككنا كل الفنادق اللي حاجزين فيها اخذت نسبة الا الصن وي لاقوون عشان كذا حاولنا نرسلهم نشوف ايش السالفة؟؟
شوروا علي اخذ الايميل اللي ارسلوه لنا والا ادور بفندق ثاني عجلوا علي مافي وقت؟؟


التعليقات (9)
dr_mohd
dr_mohd
((((((((((((الظاهر ماتم الحجز وهذا اللي يتضح لي من كلامك)))))))))))))))
قومي بالاتصال هاتفيا على الفندق واسالي عن رقم الحجز اللي معكم وابعتي لهم فاكس بصورة الايميل المرسل لكم والمحتوي على رقم تأكيد الحجز ويمكن ايضاارسال كشف حساب بطاقة الائتمان الذي يبين خصم الفندق على البطاقةواذا فشلت كل هذه المحاولات احجزي عندهم ليلة واحدة او في اي فندق اخر وحاولي حل المشكلة بعد وصولك الى ماليزيا بالسلامه........
ملاحظة: رغم الفارق في السعر الا انني افضل حجز الفنادق عن طريق الوكالات المناسبه وهي كتيرة لدينا وتتأكدي من حجوزاتك مرة ومرتين وثلاث قبل السفر وكذلك حقك مضمون عند الاخلال باي شرط.... اتمنى لكم التوفيق

الراايق
الراايق
هلا اختي
اخذوا الايميل وراسلوهم
وبنفس الوقت شوفوا فندق الخيول الذهبيه عشان ماتفوتكم الثنتين
والله حساافه وقهرر
طوول هالمده حاجزين وفي الاخير ماكو حجز
الله يعينكم
وفالكم طيب ان شاء الله

rosemary1980
rosemary1980
dr_mohd
اشكرك على الرد وان شاء الله برسلهم فاكس ما ادري كيف فاتتني هالفكرة ومشكور على المداخلة
الرايق
الله يسعدك وشاكرة مداخلتك وبإذن الله بحاول اتصرف وارد خبر لكم بهاليومين

ريانة دهن العود
ريانة دهن العود
حبيبتي ولا يهمك ولا تحاتين
تدرين السنة اللي فاتت تأجلت رحلتنا مرتين وفي الأخير رحنا هناك وطلع أن المكتب اللي أحنا
حاجزين عنده ما تأكد من الحجز
رغم أن ما كان في حجز بأسمنا في الفندق بس الحمد الله
الله وفقنا في 3 غرف مو غرفة وحدة 2 منهم جنب بعض والثالثة مقابلتنا
وبعدين تقدرين تحجزين عن طريق التيلفون
وحتى لو قالوا لج فل
ما عليج منهم
أحتمال يكون في غرف وهم يقولون فل
بس يشوفونك موجودة خلاص تطلع الغرف
وأن شاء الله تحصلون حجز
تحياتي ريانة دهن العود

دريد
دريد
اختي روزماري
انا نفس المشكلة صادفتني بالجهاز كان مرسل لي ايميل من مكتب سياحي
في كوالالمبور حاجز منه فنادقي وطلعت كلها رموز ومربعات وحليت المشكلة
بانزال برنامج ورد 2007 بدل 2003 وبعدها قريت الرسالةبسهولة
ان شاء الله تكون نفس مشكلتي
دريد

bnt dubai
bnt dubai
الله يكون في عوونج اختي ...صدق مشكله

أحب ماليزيا
أحب ماليزيا
دقي عالفنادق واذا ماكو حجز بالموقع سأليهم اذا اهم عندهم حجز وانا بعد كذا فندق ردوا علينا باللغه الخربوطية ف دقينا عليهم واكدنا حجوزاتنا

shugran
shugran
rosemary1980
بعد التحية
الصن واي لاقون لديهم تحديثات و تجديد للأثاث في الطوابق 12 و أعلى حسبما فهمت من الاستقبال بالفندق
وهناك مشاكل في الحجوزات فعلاً
أفضل طريقة ترسل بالفاكس حجزك و تطلب منهم الرد على الفاكس أو على عدة ايميلات أخرى
ملاحظة: حاول تفتح الآيميل من جهاز آخر قد يكون العيب من السوفت وير بجهازك
تحياتي

مسافر مختب
مسافر مختب
اطلبوا المانيجير بالتليفون واسالهم اجل على اي اساس معطينا هالرقم..
وش معناته
يمكن الموظف اللي رد عليكم نصه نوم وعليمي(يارب يارب)


خصم يصل إلى 25%