ممكن أحد يفيدني
- ما هي أحسن منطقة في لنكاوي أقدر أسكن فيها وتكون قريبه من الشاطئ والسوق الليلي وهل فندق Awana Porto Malai زين والله لا وكم يوم نحتاج نظل فيها؟
- مرتفعات كاميرون نقدر انروحها يوم ونرجع
- السياحة ما هو الأحسن نعمل باكيج مع شركة سياحة من المطار وإلا نرتب بروحنا تاكسي يلف بنا
هذي أول رحله لي لماليزيا وأبغي تكون مرتبه
مشكورين
حياكِ الله اختي ساره والعذر والسموحة على التأخير
الشاطيء اللي قريب من فندق اوانا تراه ممتاز ورائع ...
وعندك ايضاً منطقة كواه لكن بعيدة عنكم وقريبة من شيراتون بيردانا
فندق اوانا فندق فخم وملاكه صينيين ...ولهم فرع شهير بجنتنغ .
لكن وش اللي وداكِ لاخر الدنيا تراه بأخر الشط ...ان كنتِ
مقتنعة به توكلي على الله ...وان بغيت الشور ترى عندك
شيراتون بيردانا او لانكاوي لاغون او هوليدي فيلا .
واقربهم من اوانا هوليدي فيلا .
تسألين كم مدة المكوث بلنكاوي ...حسب رحلتك اختي .
3او 4 ليالي متوسطها اختي .
تقدرين يا اختي تروحين كاميرون وترجعين بنفس اليوم لكن
من بينانغ وليس من كوالا ...رغم انها حتكون متعبة لكن اهون
من ذهابك لكاميرون من كوالا ...والمكاتب السياحية بالفنادق ببينانغ
تعطي برامج رحلة لكاميرون من اول النهار لاخره ..يبدأون من فندقك
ويردونك له ...استكشاف كامل واكل وسيارة خاصة ومرشد وتقابلون
شيخ قبيلة ماليزية من اورانغ اصلي وتشوفون اهله ...وهذه تكلف
في حدود 400 وشوية للشخص .
لنزلاء بي فيو لا يتنازلوا عن المرشد الماليزي ذو الاصل الهندي مستر جون .
اتوقع انكم مثل الكثير من جماعتنا يحبون الخصوصية ...اجل نسقوا
مع تاكسي امين يخاف الله ويكون فاهم المنطقة ...والاخوان حاطين
ارقام سواقين ومرشدين ....ابحث عنها اختي بالمنتدى
الله يجعلها رحلة سعيدة وترجعون لنا بالسلامة ولا تنسينا بدعوة صالحة
والسلام عليكم