تستطيع الوصول من هونج كونج إلى كوانزو بالطائرة أو بالقطار أو بالباص أو بالبحر ،،
ولكن دائما نبحث عن الأسهل والأقل تكلفة
من واقع تجربتي أيسرها وأحلاها واقلها تكلفة القطار ... واليكم خط السير خطوة خطوة :
وصلت مطار هونج كونج بالسلامة >> ختمت جوازك.. تجاوزت التفتيش .. خرجت من أول بوابة بعد التفتيش .. تلاقي نفسك بما يشبه السوق ،،،
اوكي ..
في كاونتر دائري بوسط السوق مخصص لقطع تذاكر القطار
اقطع تذكرة ب 90 دولار هونج كونكي (دولار أمريكي = 7.2 دولار هونج كونج تقريبا )
وأنت واقف عند مكتب التذاكر .. على يمينك البوابة اللي خرجت منها وعلى يسارك محطة القطار
اركب القطار .. أول محطة لا تنزل فيها.. انزل في الثانية اسمها ( كولون )
تنزل مع الناس الين تشوف لوحة تشير إن التكاسي يسار
أنساها ولا تروح للتكاسي
محطة التكاسي اتجاه يسار .. انت اتجه يمين
يقابلك مصعد .. اطلع المصعد اضغط رقم 2
تطلع منه ،، يمين في يسار ... تلاقي نفسك عند محطة باصات
k1 اركب في باص
اجرة الباص داخله بقيمة تذكرة القطار .. يعني ما تدفع اجرة الباص .. لا تنزل في أول محطة للباص ،، انزل في الثانية
من يوقف الباص تشوف على اليمين محطة قطار ضخمه اقطع الشارع وروح لها
من تدخلها اتجه يمين .. أول ممر على اليمين لا تدخله.. ادخل الثاني ..
ثالث محل على اليسار مكتب التذاكر اقطع تذكرة لكوانزو ب 190 دولار هونج كونكي
( ما معك عملتهم مقابل مكتب التذاكر محل صرف عمله .. اصرف 100 دولار أمريكي وبزياده .. تلزمك في الرجعه )
من تاخذ التذكرة وأنت واقف عند مكتب التذاكر على يمينك بوابة الدخول (20 متر تقريبا ) ادخل منها .. حط شنطك على السير للتفتيش ..
خلصت .. واصل اختم جوازك.. خروج من هونج كونج.. واصل وانزل سلم كهربائي
اركب القطار .. وبالسلامة ما يوقف بك إلا بكوانزو
في محطة كوانزو تختم دخول الصين
مدة الرحلة بالقطار من هونج كونج لكوانزو ساعتين و10 دقايق
اجمالي تكلفة الرحلة 280 دولار هونج كونكي
مع تمنياتي لكم بالسلامة والتوفيق برحلتكم
منقوله من احد الاعضاء ....
ورحله موفقه ...

الله يعطيك العافيه وماقصرتي
بس انا بأجلس في هونج كونج كم يوم...وش اسم المحطة الضخمة اللي قلتي يوديني الباص لها عشان اروح لها بالتاكسي من الفندق..؟؟؟؟ هل هي هونج هوم!!!!!!
وهل يلزم اني احجز على القطار قبل بكم يوم؟؟؟؟؟؟ وكم رحلة في اليوم...؟؟؟؟؟
وكيف انتقل من كوانزو الى شنزن بدون توقف بالقطار؟؟؟؟؟؟

السلام عليكم
رمضان كريم وكل عام وانتم بخير جميعا
اخي الكريم:
افضل شيء انك تحجز بفندق بهونغ كونغ بما انك جالس كم يوم الافضل انك تحجز بفندق اسمه city garden هذا الفندق موقعه جميل وقريب من البحر ومن الاسواق وبعيد عن دوشة شارع ناثان الي يشبه البطحا بالرياض والهنداوية بجدة.
موقع الفندق http://www.sino-hotels.com/City_Garden_Hotel/en/default.aspx
قريب الفندق في مطعم اسمه شام وهو مطعم عربي حقيقي وعلمت ان عنده وجبات خاصة باسعار مناسبه جدا خلال شهر رمضان لكن اعتقد يجب الحجز على الافطار حيث ان المطعم صغير نوعا ما وموقع المطعم هو : http://www.shamgrouplimited.com
اتمنى لك رحلة موفقة