السلام عليكم ورحمة الله وبركاته
اسعد الله اوقاتكم بكل خير
جميعنا راينا قبل كم اسبوع عرض طيران الامارات الخرافي
وإن العالم قامت تناقز وتطامر علشان يلحقون على العروض حقتهم
انا بصراحة من الناس اللي دقيت سلف ورحت لهم
بصراحة شي خرافي من الرياض لماليزيا 2027 ريال للشخص شي يستاهل
سويت حجز انا والغالية لشهر يونيو القادم
وقال لي موظف المكتب تابع مع الرقم المجاني اذا عندك اي استفسار
المهم كلمتهم على الرقم المجاني ومن ضمن الاستفسارات
هل التذاكر مستردة
قال:نعم تدفع فقط
5ريال للتذكرة
يا سلام
ورحت امس للمكتب عشان ادفع كاش وتاكيد الحجز
وسالت الموظف الهندي
متى اخر مدة اقدر استرد التذاكر
قال: محمد التذاكر غير مستردة
قلت وش سالفتكم واحد يقول مستردة والثاني يقول غير مستردة توني مكلم الهاتف يقول مستردة
قال:هذا السستم قدامي
والله واطلع من عنده واتصل ععلى رقمهم واقوم اشرشح في الموظف الهاتف
بصراحة اعتذر بأدب وقال:كانت مستردة الى تاريخ 4يناير والان صارت غير مستردة
قلت طيب اقل شي خبرونا قبل عشان نعرف كيف نتصرف
قال: والله اخوي احنا الموظفين ما درينا الا فجأة حتى انه فيه عملاء كثير قدموا شكوى على العشوائية
قلت طيب كيف اقدم شكوى وعطاني ايميلهم في دبي
صراحة ما توقعت ان الاماراتية تسوي كذا
الشكوى لله
وجاري التنسيق مع خط البلدة السعودية