حلو انك لقيت حجز احمد ربك اخي انا بالأمس لايوجد خطوط الا واتصلت عليها لكي اجد حجز لأحد الزملاء فتفاجأت ان جميعها Full واتمنى ان تستفسر من طيران الخليج لعلك تجد رحلة رياض البحرين مسقط كوالالمبور Ok
وأنا من مجربين الخطوط الإماراتية بأستمرار فهي رائعة بمعنى الكلمة ولاكن من عيوبها طعم مأكولاتها الهندية وفقدان الأمتعة بكثرة فأحرص ان تكون الأشياء المهمه بحوزتك ..

اذا قدرت حاول تتجنب التوقف في دكا.

نفس الشئ حصل لنا
رحنا نحجز على الخطوط السعوديه قال لابوي مافي حجز فل
حتى بشهر 7 مالقينا
حجزنا على الامراتيه باول شهر 6بس ماني مرتاحه
الله يسهل على الجميع

الخطوط الاماراتيه من الخطوط الممتازه وحاليا تعتبر المنافس الوحيد للخطوط السعوديه من الناحيه التشغيليه في منطقة الخليج توكل على الله وتروح وترجع بالسلامه

الخطوط الإماراتية من أفظل خطوط الطيران في العالم كله...
بس حاولوا تأخذون حجز على سفرة دايركت لإن المدة طويلة والترانزيت بيتعبكم أكثر
بس بالنسبة لطيران الإمارات ..لا تخاف ما عليه كلام..وبشهادة الجميع

توكل على الله
الاماراتيه ممتازه ولاتشيل هم

على ما قالوا الشباب لو تتجنب الوقوف في دكا يكون افضل لان بعض رحلات الامراتيه لا تتوقف في دكا وبعضها يتوقف ومدة التوقف ساعة واحدة ...
اما بالنسبة للخطوط فهي جدا رائعة بمعنى الكلمة ومريحه ..
ركبت خطوط اللوفتهانزا الألمانية إلي يقولون من افضل الخطوط في العالم ولكني وجدت الامراتيه افضل منها بكثير ..
من كل النواحي بالخدمة والراحة ...
وايضا الخطوط تعطيك ليله مبيت في مدينة دبي في العودة ..
رحلة موفقه

بالتوفيق ياأخ ابان سبق وأن سفرت على ألأماراتيه ألى ماليزيا ألأماراتيه خطوط ممتازه وتقف بالعوده في دكا حوالي ساعتين ماهي مشكله لكن لاتقع في الخطاء الذي وقعت فيه تصل الرحله على علمي الساعه 11ليلا ولافيه رحله للرياض الا الساعه 6 المغرب وأذكر ان المكتب اللي أخذت العرض منه قال لي يبي يسكنوكم على التذكره لكنهم رفضوا وقالوا لازم يكون معك فوتشر سكن من المكتب وسكنت على حسابي ومع التكسي 450 ريال وأذكر انه حصلت مشكله مع الموظفه أللي في مكتب الشركه مع عائله كويتيه على نفس القضيه حبيت أنبهك والله يوفقك

الاخ ابان
انا رحت العام على الاماراتيه
من ناحيه الطياره ما فيها اى مشكله والخدمه بعد زينه
لاكن الانتظار والترانزيتات اتعبتنى مره وهدت حيلى
وانت على كلامك من الرياض فراح يكون عند الرياض الى دبى وبعدها ترانزيت فى مطار دبى
مدرى كم ساعه على حسب حجزك ( الطياره على ما اظن تطلع من دبى 3 الفجر )
وبعدها ترانزيت فى بنقلادش ( دكا ) ساعتين وشويه ( ينزلوا ركاب ويحملوا ركاب )
وبعدها الى مطار كوالالمبور
وفى الرجعه ايضا ترانزيت فى بنقلادش ( دكا ) ساعتين وشويه ( ينزلوا ركاب ويحملوا ركاب )
وبعدها الى مطار دبى
واذا حجز العوده الى الرياض اكثر من ثمان ساعات يسكنونك على حسابهم فى فندق المطار ( اللى لك عليه )
ولاكن خذ الفاوتشر من الرياض انك بتسكن على حسابهم
انا اذكر انه احنا رجعنا قبل الفجر الى دبى وكانت الطياره الى الرياض بعد العصر
فتقدر تصحى بدرى وتتمشى فى دبى وتتغدا وترجع للفندق
واذا حاب خل العوده ليله او ليلتين فى دبى منها تريح وتتمشى فى دبى
وحياك الله اخوى ..... واحنا فى الخدمه