انا كنت اتصفح فيه استفدت منه بحيث انو بين لي اقل الاسعار بس بصراحه ما استرجيت احجز.منه رحت حجزت من موقع الاتحاد

يعطيك العافيه انا ابي احد جرب وحجز منه

موقع فلاي ان موقع مشهور لكن الافضل أن تتصل عليهم وتتأكد بنفسك
لكن حقيقة اللي اعرفه أنه موقع موثوق
لكن لاحظت أنه أكثر من شركة
طيران بالحجز
واعرف كثير من الزملاء حجزوا عن طريقهم فنادق وطيران
بس اذا تبي نصيحتي كلمهم بنفسك

يعطيك العافيه بو معاذ كلمتهم وعاد طلعتلي بنت وقالتلي كل التفاصيل بس تدري هم ابي احد حجز عشان اتاكد واحجز وللمعلومه قالتلي الدفع يا فيزا او تحويل احد البنوك ولين الحين متردد

صح اكثر من شركه ولكن الارخص اهم شي اني اروح وارجع بسلامه ماتهمني فخامه الطياره هل في اشكال يعني انها تكون اكثر من شركه

اخوي محمد اقصد انا ودي تتاكد هل الرحلة برقم حجز واحد
ام عدة ارقام لانه كذا المشكلة
هي في الشنط تستلمها ثم تنتقل
الى مبنى آخر وهي خصوصا
مشكلة لمن لديهم عفش كبير
عموما انا قلت لك احد الزملاء حجز عن طريقهم
فنادق وطيران من الرياض الى دبي وعبر طيران الخليج تحديدا

بدق عليهم وبشوق كيف حجزهم بتفصيل وبعطيك خبر مع العلم انا. رايح تمشيه ماني بروح حق اشتري هدايه شنطه ملابس يعطيك العافيه

هلا بومعاذ استفسرت وقالواي تذكره وحده
اهي الرحله احنه مسوينها كذا
ودخلت موقع طيرات الخليج وشيكت ع طياره وصج نفس الوقت
ودخل موقع مطار ابوظبي وصج في طياره ماليزيا تمشي
رايكم نصيحتك

هلا اخوي محمد
وانا ابحث عن خبر عن موقع فلاي ان لقيت مشاركتك وقلت خلني اعطيك تجربتي بكل امانه
انا اشتري من الشركه هذي من اول ما فتحت تقريبا وشركه ما قد واجهت معاها اي مشكله لا من خلال الموقع ولا من خلال مركز الاتصال
الموقع موثوق فيه
وبحكم خبرتي في الحجز من المواقع ومن مواقع شركات الطيران لقيت ان فيه مواقع اجنبيه لها مصداقية وممتازه بس مشكلتها فرق العملة وفرق التوقيت يعني لو حصل لك تبي تعدل تبلش معهم وفرق العمله يوصل مية او ميتين احيانا حسب قيمة الحجز واذا كلمتهم قالو لك من بنكك وهم صادقين
بالنسبة لمواقع شركات الطيران ممتازه بس فيها عيب فرق العملة وفيها مشكلة التعديل والإسترجاع يطول شوي
انا مرتاح احجز من فلاي ان اعدل بالإيميل ويكلموني اذا فيه فروقات واسترجع تذاكري وفي اقل من 3 ايام المبلغ راجع لحسابي
عطيتك خلاصة تجاربي في المواقع من 2008