السلام عليكم ...
ابا هند فلا تعجل علينا ... واَنظرنا نخبرك اليقينا
حياك الله اخوي عبدالله المنصور ونورت بين اهلك .
كلام مجرب اخوي ...دخل معاك مثل مابغيت ولااحد راح
يسئلك ولا يكلمك ...القانون مايسمح الا بمبلغ معين لكن
3مرة رحت لهم ولا مرة سألوني كم معاك .
المبلغ الله يستر عليك قسمه بينك وبين اللي معاك يصير لاقدر
الله انسرقت الفلوس او ضاعت ماتروح كلها .
بطاقة الراجحي ... ودي اتعبك ...اكتب لنا اسماء
الشعارات الموجودة خلف بطاقتك ...وبعدها يبان تقدر
تستخدمها هناك ولا ما تقدر .
عاد ترنا ننتظرك ...لاتتأحر علينا والكل هنا يخدمك بعيونه .
موفق اخوي ورحلة سعيدة وترجعون لنا بالسلامة والسلام عليكم

مرحباا للجميع
مشكور اخوي الشعيبي علي المجهود المميز والرائع
الصراحه استفدت من ردودك ومواضيعك الكثير لدرجة حبيت ماليزيا من قبل لا اوصلها
واكرر شكري لك
عندي سؤال بسيط عن موضوع بطاقات الصرف
انا عندي الفيزا والماستر كارد.. اقدر منهم اسحب بالاجهزه الموجوده بماليزيا ؟؟
ولك مني التقدير والاحترام
اخووك الوعيد

الفيزا والماستر تقدر تسحب فيها عادى من اى ماكينه صرف اللى بس على فكره ماتقدر تصرف بعد الساعه 12 فى الليل لانهم يسكرون السستم مال الصرف فى الليل للاحتياط وحاول انك ماتسحب اكثر من 1000رنقت علشان ماتبتلش فيها من ناحيه شيلها
وبالتوفيق يالوعيد

السلام عليكم ...
الله يسلمك اخوي الوعيد وكثر الله من امثالك ... تصدق
بعض الاحيان افكر اللي اسويه صح ولا خطأ ...نيتي والله
اخدم الناس عشان ربنا يساعدني ويفرجها في وجهي واهلي
دنيا واخرة ومنها ادعو السياح لدولة اسلامية عجبتني ووجدت فيها
ضالتي وشفتها واهلها المسلمين يستاهلون ...بدل مااقول اتجهوا
لسويسرا اقول ياناس روحوا لاخوانكم وجماعتكم في الدين ...
رحت لدول غربية لكن اخاف ادعوا لها ... رحت لدول عربية
استحي ادعوا لها ...رحت ماليزيا وتعمقت فيها ولي بهم صلة دم
فحبيت انقل اللي عندي لاخواني في الدين عسى الله يرضى عني .
اسفين اخوي الوعيد اجبرناك تقرأ قصتي
استفسارك اخونا القرين جاوب عليه ... مشكور اخونا القرين
وهذولي شبابنا دايم اهل فزعات ...السر كله في الشعارات لاجل
تعرف هل الصراف اللي هناك متعامل مع شبكتك ولا لا .
تحت كل صراف استيكر فيها الشعارات اللي تتعامل معاها وان صادف
وشفت اي شعار مثل اللي في بطاقتك دخلها وتوكل على الله وربي
يبارك لكم ...عشان تتطمن رص الشعارات لنا وحنا نبحث معاك
موفق اخوي بأذن الله تعالى ورحلة سعيدة ...والسلام عليكم

مشكور القرين علي الرد الصاروخي
جزاك الف خير
ومشكور يالشعيبي علي القصه القصيره ;)
وان شاء الله يوفقنا جميعا لفعل الخير لجميع اخواننا المسلمين والعرب
ولكم جزيل الشكر والعرفاان
اخووكم الوعيد