1. موضوعي اليوم مضمونه اني اروج للكليه و الجامعه الي انا فيها

السلام عليكم و رحمة الله و بركاته
اليوم حبيت اطرح موضوع للطلاب و خصوصا الطالبات الراغباات بالدراسه في كندا.
يمكن اتقولون ليش خصوصا الطاالبات .. السبب لان عددهن قليل فالمنطقه الي انا ادرس فيها في كندا .. محتاجين رفقة لول
أنا طالبه ادرس ف كندا في مقاطعة Manitoba و تحديدا Winnipeg العاصمه.
انا ما زلت اعتبر طالبه جديده على المنطقه هاي .. بس مب جديده على كندا .. لول
خلني اعطييكم نبذه عن الجامعه الي ادرس فيها .. او بالأحرى كلية تابعه للجامعه .. لا تستعجلون الحكم .. خلني اخبركم النظاام اهني كيف.
انتوا تعرفون اكيد ان Winnipeg فيها جامعتين كبار و معروفين .. الي هم & University of Winnipeg

موضوعي اليوم مضمونه اني اروج للكليه و الجامعه الي انا فيها

انا ادرس ف كليه مثل ما قلت لكم تابعه لجاامعة و اسمها International college of Manitoba .. الكلية هاي تقبل الي ماا حالفهم الحظ في امتحانات اللغه مثل الآيلس و التوفل الي طبعا تعرفونه ان جامعات كندا ما تقبل اقل عن 6.5 .. او الي ما يبون يطولون في معاهد اللغه و بعد للي عندهم صعوبات في قبولات الجامعه .. الكلية هاي تاخذك و اتدرس مدة سنه فقط المواد الأسااسيه للجامعه .. يعني اطيّح عنك اول سنه من الجاامعه .. بتقولون كيف ؟ .. انا اقول لكم .. الكليه هاي عندها اتفااق مع الجامعه .. يعني اي طلاب يطلعون من عندهم ماخذ دبلوم طبعا .. يحولونهم (transfare) للجاامعه "سنه ثانيه" مع احتساب كل ساعات الي درستها فالكليه هاي .. ف ما بيبقى لك غير 3 سنوات اتكملها .. يعني ما ضيعت عليك شي. يعني دخولك الجامعه مضمون 100% .. و لا تحاتوون درااستهاا سهله .. اللهم الي عليك work hard to get the A+ that you always dreamed of .. LOOOOL
الشي المختلف في هاي الكليه عن الجامعه هو انهاا اتركز على الطالب اكثر و تعطي الطالب اهتام في اي صعوباات يواجها فالدراسه .. و طبعا الحصوول على درجات عاليه بسهووله .. و هذا ضمان لك انك ترفع الGPA مالك .. يعني لو فكرت انك اتغير تطلع من المنطقه بكون قبولك فالجامعات الثانيه مضموون و سهل.
و اذا كنت بتقول هل قبولي فالكليه هاي سهل .. بقولك سهل لانها كليه جديده و انا من الدفعه الثانيه فيها .. و هم يدورون طلااب و طالبات
اذا عندكم اي استفسار .. انا ما بتردد بالاجابه .. و ان شاء الله افييدكم و ما اكون قصرت
بتحصلون موقع الجامعه و موقع الكليه تحت .. تقدرون تاخذون فكره عن الموضوع
موقع الجامعه
http://umanitoba.ca/
موقع الكليه
http://www.icmanitoba.ca/
اتمنى ان شاء الله على ال Fall semester انحصلكم عندنا
مثل ما قلت لكم .. اي استفساار عن الجامعه او الكليه او المدينه انا مستعده بالي اقدر عليه ^^
ربي لكم حافظ ان شاء الله

الله يعطيك العافيه طالبه ماقصرتي وربي...
كيف طريقه التسجيل فيها .. يعني عن طريق موقع الكليه نراسلهم ولا كيف...!!
وبعدين أختي وش يدرسون بالظبط..!! وهل استطيع دراسه اللغه عندهم..؟؟
وتكاليفها كم تكلف بالسنه بالعمله السعوديه..!! وأيضا المصاريف الاخرى لشخص نفسه..!! وهل لديهم سكن ...!!
بس والله يعطيك العافيه طالبه ماقصرتي

هلا آخوي تدرس آول سنه فقط فيها ويحولونك على الجامعه بعدين وتكون سنه ثانيه

انا مثل حالتك وبي من يساعدني