اهلا و سهلا يا اسد شايب اولا مبروك على تكملتكم 30 عام من الزواج و عقبال 100 عام
ونعم انصحكم بقوه بالسفر الى الامارات ان كنت بتسافر هاليومين الجو رائع جدا لانه ليس ما جاء الصيف الحار بس لازم تسكن في فنادق منطقة الجميرا لانها فعلا فيها الاجواء رومانسيه بما انكم شهر عسل بعد 30 سنه فعندك عدة فنادق فنادق مدينة الجميرا (القصر و ميناء سلام و دارالمصيف) والريتز كارلتون و رويال ميراج كلها فنادق اكثر من رائعه صح انها غاليه بس لهذه المناسبه مو غاليه و عندك بالقرب من هذه الفنادق مرسى دبي (المارينا) مكان جدا رائع يحتوي على عدة مطاعم فيه جلسات داخليه و خارجيه عند النافوره الراقصه وانصحك ان تزوره ليلا وعندك فندق على الخور ايضا حلو اسمه جراند حياة و يحتوي على مطاعم رائعه جدا وعندك من الاماكن السياحيه قرية البوم السياحيه عباره عن عشاء على متن سفينه خشبيه حلوه مره و اجواء رومانسيه وعندك مطعم صدف الايراني على شارع الشيخ زايد لا يفوتكم حلو مره و اهدي لكم هذا الورد بهذه المناسبه
:smile106: واي استفسار ان حاضره و رحله سعيده

ماشاء الله 30 سنه عقبال 100 ان شاء الله
طبعا انصحك بزيارة الامارات
و هلا و غلا بالاهل الكويت فالامارات بلدكم الثاني
و عن الاماكن و الفنادق ممكن تشوف مواضيع الاخوان فالقسم الامارات
و ان شاء الله تزورون الامارات و تستانسون فيها

عيني عليك باردة زي الثلج
0سنة أنت شبعان عرس
عموما الله يهنيكم و يسعدكم
خوي الامارات بلد آمن و لا خوف عليك و لا على زوجتك من شي
نصيحتي اليك خذ زوجتك معك ، ما احلاكما امع بعض مع هالزواج الذي استمر 30 سنه
بالتوفيق

طبعا ننصحك بشده ... ونتمى لكم اقامه رائعة ... موفقين

1. وحلو التجديد في الحياة..... ما شاء الله عليكم

السلام عليكم
الله يسعدكم إن شاء الله طول العمر ، وعقبال 100 سنة

وحلو التجديد في الحياة..... ما شاء الله عليكم

إذا تريد فنادق فخمة ورومانسية ومثل ماقلت خيالية.... فنادق مدينة جميرا (ميناء السلام + القصر +دار المصيف)عبارة عن 3 فنادق تابع لها سوق على الطراز القديم التراثي، وتتنقل بين الفنادق ولمطاعم والسوق بالعبره(القارب) فالنهر الصناعي كأنك في فينيسيا...إذا سفرتكم قريبة السعر مرتفع قليلا من شهر 6 ينزل السعر 50%....حالياً الجو راائع يساعد على مثل هالجلسات لاكن فالصيف الرطوبة ماتساعد
بالإضافه للي يحجز في الفندق يقدر يدخل برج العرب فري ولتوصيل عن طريج الفندق نفسه
ودخول الألعاب المائية (الوايلد وادي) فري
وفالسوق عدة مطاعم جلساتها خارجية اطل عالنهر
فندق القصر
https://artravelers.com
فندق ميناء السلام
https://artravelers.com
وفلل دار المصيف تقدر تاخذ غرفة من الفلة مش شرط كلها..وتكون الإطلالة إما عالبحر او عالحديقة والنهر
الغرف
https://artravelers.com

• ________

وأيضا فندق آخر سعره معقول موقعة ممتاز يطل على مرسى دبي (مرسى دبي عبارة عن عدة مطاعم اطل على بحيرة بها مرسى لليخوت المنظر ولمكان حلو وبالذات النافورة الراقصة)
فندق جروفنر هاوس.... سعره معقول
https://artravelers.com
.
http://www.desertadventures.com/html/hotel_grosvenor.html
ولفنادق المذكورة قريبة عالبحر وبعيدة عن البر في منطقة جميرا

• __________

الأماكن السياحية
https://artravelers.com
بالإضافة إلى
باتو دبي ... جولة عشاء في خور دبي ، سعر الشخص 240درهم
مدة الرحلة ساعتين في سفينة زجاجية

• وقرية التراث-في منطقة الشندغة- الأجواء التراثية حلوه عالخور

اخوي عندك 10 ايام ماتفكر تقضي يومين في أبوظبي وبالذات في قصر الإمارات 7نجوم فخم وايد حلو
https://artravelers.com
.
https://artravelers.com
أو في العين ، منطقة هادية وحلوة وبالذات مبزرة ،وتقدر تاخذ فندق في أعلى جبل حفيت... بس أكيد مايطيل عالبحر لأن العين مافيها بحر
https://artravelers.com
وايضا الفجيره-دبا- فندق ميريديان العقة .... المنطقة تجمع بين الجبال والبحر وهادية ويكفيها ليلة
https://artravelers.com
تختار يومين وتروح لأي منطقة تغيير عن دبي ..... وأكيد الشور لك فالنهاية

أول شي مبروك وعقبال 100 سنة يا ولد ديرتي
طبعا أنصحك تروح الإمارات واهي بلدتنا الثانية وأخص بالذكر دبي والله ديره ماشاء الله جدا جميلة ومجمعاتها الحلوة ومطاعمها الراقية وفنادقها الهادئة بصراحة رائعة من كل الجوانب بالنسبة للفنادق :
عندك " جراند حياة - تشيلسي تاور - دوست - أبراج الإمارات " والمجمعات :
" ابن بطوطة - الإمارات مول - سيتي سنتر - صحاري - برجمان - دراقون مارت - الغرير "
وعندك الخور في مثل باخرة وفيها بوفيه عشا جو رمانسي وايد حلو
الله يوفقكم وتروح وترجع لنا سالم ..... وأي شي تامر فيه إحنا حاضرين وبالخدمة

ماشاء الله
ماشاء الله
ما شاء الله
الله يسعدكم دنيا و آخره
و يديم ألفتكم و هناكم
و بر أبناءكم
حبيت أهنيكم على مرور الثلاثين
والاخوان مايقصرون بخصوص المعلومات
في أمان الله

كل اللي اقدر اقوله الله يعطيك الصحه والعافيه
والاسد طول عمره اسد ما يصير شايب ابد
الامارات حلوة وراح تعجبك وايد خصوصا المجمعات الراقيه اللي فيها والمطاعم الحلوة
رحله موفقه اخوي وترجع لنا سالم غانم
انصحك بشده تسكن في برج العرب شي ولا بالخيال
واذا تبي ابو ظبي عندك قصر الامارات

عقبال مليون سنه
انصحك شخصيا بفندق ميناء السلام في دبي اللي هو بجانب فندق برج العرب ... وتاخذ غرفه في جزيره وسط النهر من اروع ما يكون ..
وميناء السلام نفسه فيه مطاعم كلاسيكيه لا تحاتي ... عندك مدينة دبي الاعلاميه ميديا ستي لا تفوتك بصراحه القعده في الكوفيات مالها ابدا ما تتفوت وكانك عايش فعلا في المانيا ولا اوروبا ..
بالنسبه للاماكن الروعه عندك فندق جميرا بيتش فيه مطعم تحت الارض جدا روعه ورومانسي ..
عندك مطعم في فندق حياة قراند وايد روعه ورومانسي ..
عندك كذا مطعم بس نسيت اساميهم متى تعزم بس خبرني وانا مستعد ايبلك لسته كامله بالمطاعم ان قول بس شو تامر فيه وانا حاظر .. اخوك بي ام دبليو من الامارات