السلام عليكم ...
حياك الله اخوي راكان ...واسمك بلغة الملايو بمعنى رفيق .
مثلاً رفيق سفر او رفيق عمر لا تحسبها الكلمة اللي ننادي بها
اخوان لنا ...غلطة نقول لهم رفيق وهم اخوان والفليبينية اللي غالباً
تكون كافرة نقول لها سيستر ..صارت اخت لنا وضعيف الله المسلم
صار رفيقنا..معليش اخوي خرجنا عن موضوعك ...حبيت اقول شيء في خاطري
نجي لسؤالك ...وعلى وزن الفنقلة ...اقول : ستجد الاجابة بأذن الله .
اول شيء نظراً لثقافتي المحدودة مافهمت معنى اجهزة محمولة
هل هي اللاب توب ام الجوالات ...الله اعلم احس انك تقصد الجوالات
اسعارهم نفس اسعارنا غالباً وفي النوكيا والصناعات المستوردة هم اغلى
منا ...مثلاً جهاز لقيته عندنا ب1400 ريال ...لقيته هناك ب1700 رينجيت
شيء تجميعهم رخيص ...مثل سوني اريكسون ...اجهزة تجميعهم
تلاقيها ارخص من عندنا ...في اجهزة تجيهم وما تجينا وعندنا اجهزة
باقي ما جاتهم ...تراها حسب ...واشوف من هنا افضل واضمن وارخص كمان .
الليل ...م ....الليل ابوالاسرار ...ودي في بيت جاهلي فيها ليل .
الا ايها الليل الطويل الا انجلِ ... بصبحٍ وما الاصباح منك بأمثل ِ
يعني الساعة كم ؟...شارعنا المزعوم الان مزحوم ...وما راح تتطفش
ناس رايحة وناس جاية لوقت متأخر من الليل ..اشرب قهوة جنبها
كرواسان هذه الكلمة خربت البيت الجاهلي اللي ذكرناها قبل شوي
واتفرج على الناس وممكن يكون ميتاليكا او وايت سنيك او بون جو في
يحي حفلة على الشارع العاصمة تراها حركة وخاصة ذاك الشارع
وشايف جنب اسمك رقم ...الظاهر انه عمر ... ترى هذا العمر يخوف
وتراني قريب منك ...ونصيحة اخ اكبر منك سناً ...لا يلعب الشيطان في
في عقلك ...والليل ثواني والله لا يخلي نهارنا اهات ...ترى عندهم الدنيا
سايبة ...واللي ما يعرف يمسك نفسه الله يخلف عليه .
اخوي راكان سلامي لك وكل تحياتي ...وترجعون لنا بالسلامة .
والسلام عليكم

الاخ الشعيبي مشكور على الرد السريع وانا ماسالتك الا وانا متاكد انك بترد انا اقصد الب تب اما بخصوص عمري ياليت 21 الله يعطيك طولة العمر انا عمري 35 وعندي ولدين وهم مسافرين معاي اقصد المجمعات التجاريه الى حد متى فاتحين اما الامور الثانيه مالي فيها سنع تحياتي.