هلا بك اخوى
بينانق لاتصلح للسباحه مطلقا لان اغلب شواطئها معفنه ( مياه بيارات ) وصاخه ( اكرمكم الله )
وحتى لو تروح على الشاطىء خلف فندق بارك رويال تشم ريحه خايسه
اما لانكاوى العكس
وحياك

لا في لنقاوى السباحه مو زينه تدرى انت ليش
لانه الدول عندهم شكبره لو لسعك يحرق حره ماتنساها طول عمرك العام لسعه له واحد مسكين يون كم من السالفه هذى
يعنى عليك فى حمام السباحه احسن

السلام عليكم ...
حياك الله أخوي راى ...
مثل ما قالوا الشباب ... صحيح يكثر عندهم وخاصة في شواطيء بينانق ( الجيلي فيش ) أو قنديل البحر ...
لكن هذا ما يمنع من السباحه اذا ودك فيها مع الحذر طبعاً ... والأفضل في لنكاوي وعندهم رحلات للغطس والسنوركلينق ... ممتعه جداً للي يحب السباحة في البحر ...
بس صدقني ما تحتاج تسبح في البحر المسابح في المنتجعات الفخمه ممتازة وتفي بالغرض
بالتوفيق إن شاء الله

الله يجزاكم خير
بس ضيق خلقي اللزاز يوم قال تشم خلف فندق بارك رويال ريحه خايسه (عزكم الله) لاني حاجز فيه

المسبح وما ادراك بالمسبح بلا بحر بلا خرابيط انا لما رحت بينانق جالس في المسبح ولا شفت البحر بس في لنكاوي سبحت لا اراديا

راى

أيه والله
عز الله كدر خاطري
بس مايمدي أنهون
على العموم لاشفت واحد توده داخل الفندق ومتلطم
بعرف إنه أنت
بس أتصدقون ..
أ,ل مادخلت في المنتدى منت أدور واحد بس يذم في هالبلد .. مالقيت
وقلت غريبه الناس تجتمع على مدح بلد بهاصورة ..
يوم حجزت وقرب السفر بدت تطلع بعض الشغلات اللي كانت مختفيه عن هالبلد
..
عموماً الله يستر .

ياسلام على السباح في لانكاوي فضيعه وناسه وهدوء وقمه في الاستراخاء والاستجمام والخصوصية.

وين anooha قولولي وين وانا مستعد اطب من الطياره رواسي (رواسي يعني سباحي ) كلمات اندثرت ههه

الاخ راى .... والاخ ذوق
لا تفهمونى غلط ......... ولا يضيق خلقكم على كلامى ...........
ترى فندق رويال بارك روعه وكل ما ذكرته تذكرت شهر العسل ( احلى ايامى )
على العموم يا حبايبى الفندق موقعه مسكت اول السوق الليلى يعنى ما تحتاج تركب تاكسى
واثاث الفندق السنه هذى مجددينه ( ريحه الفرش الجديد توه لحد الحين فى الغرفه وهذى ميزه كبيره صدقنى )
والفطور فيه الصباح فى المطعم المطل على الحديقه والبحر يدوخ
والعاملين الى فيه الى حد كبير محترمين جدا
ومدرى وش اقولك بعد
والحاجه الوحيده السيئه هى ريحه البحر......... بس على فكره ما راح تحتاجه لان جدولك فى بينانق كلها طلعات
فى النهار ومن الصباح بعد علشان تلحق تزور الاماكن السياحيه كلها
واذا حبيت رحله صيد فى البحر ( وتراها خرطى وكلام فاضى وخساره ثلاثميه ريال )
فاقولك اذا حبيت تروح رحله بحريه وصيد وبعدها شوى على جزيره القرود نفس الفندق تتفق معاهم
وهم بدورهم يتفقون لك مع ناس يجون ياخذونك انت واهلك لوحدكم بسياره خاصه ويودونك على المركب
اللى يكون قبل فندق موتيارا واذا خلصت من الصيد والشواء قلهم يودونك عند شاطى موتيارا هناك اركب
الجت سكى والبراشوت ( ولازم تركب البراشوت روعه )
واذا فيه شى انا حاضر
وحياك