ho,d hgyhgd
اخوي الغالي انا سكنت في الفندق ولا انصحك فيه عندك الريجنت او الهوليدي ان او في فندق ثالث جنبهم هم او لا
انا انصحك وانا سكنت فيه صحيح هو عند البحر بس في شارع بينهم وبعدين ماعنده شي وفمان الله

الأخ شليويح
شكرا لردك السريع
بعد قراءة ردك السريع اتصلت على مكتب السفريات وطلبت بديل
فاقترح علي فندق اسمة Casuarina Beach يقول انه زين
شرايك وشنو راي الإخوة
الفندق الأول والا الثاني ؟

اخوى الكويتى.
انا تونى واصل من ماليزيا قبل يومين. وسكنت فى بينينغ فى فندق شنقريلا راسا سايانغ 6 ايام كنت حاجز غرفه من الكويت 30 دينار الليله ولما وصلت اخذت سويت غرفه وصاله وكانت الغرف عندهم متوفره الفندق ممتاز جدا جدا.
انا اقترح عليك تشوف الفندق هذا او شنقريلا جولدن ساندز او الهوليدى ان الفنادق هذى اهى الافضل من حيث الموقع قربها من الخدمات والمطاعم والسوق اليللى ومواقعهم عالبحر واسعارهم ما بين 25 الى 30 دينار.

أخوي صالح
شكرا للنصيحة
المثل يقول " اشحادك يا المسمار . قال المطرقة "
ما لقيت حجز ولا جان أخذت
بعدين راساسينغ الغرفة وصلت 48 دينار وهم ما تلقى
ما جدامي الا حلين
الأول : اختار واحد من الفندقين Casuarina Beach أو Ferringhi Beach
الثاني : أكنسل روحتي لبيننغ كلها
لازم ارد خبر لمكتب السفريات اليوم العصر
وسلامتك اخوي

السلام عليكم ...
اخوي الكويتي حياك ربي
فرنجي بيتش تراه افخم واحلى من كاسورينا ولكن اللي
يميز كاسورينا انه على شاطيء باتو فرنجي وقريب من
السوق الليلي وشارعنا المزعوم ببينانغ .
الخلاصة : كاسورينا موقع ...فرنجي لفخم من كاسورينا
لكن موقعه بعيد شوي عن قلب شارعنا المزعوم .
اما افضل فنادق بينانغ ...وخاصة بباتو فرنجي .
راسا ساينغ .
موتيارا .
بي فيو .
بارك رويال .
هوليدي ان .
كاسورينا .
عندك جولدن ساندس ...فخامته افضل من بي فيو
واللي بعده في الترتيب لكن معاملته سيئة للعرب والمسلمين .
موتيارا افخم بشعرة من راسا ...لكن راسا قبله في الترتيب
بسبب جمال موقع راسا ساينغ .
ترى اقاموا عندنا صلاة العشاء ولا كان ودي اكمل لك .
ارجع لموضوع اختنا اوتار وفيها كلام كثير عن فنادق بينانغ .
ولك تحياتي وتقديري والسلام عليكم

اخوي نصيحتي هذي انت روحكوالامبور او اي مكان وبعدين شوف حاجز من هناك من مكاتب سياحيه راح تحصل
هذا الي انا لقيته وبالنسبه لفرينيج تراه بعدي عن السوق يعني فندق لحاله وبينه شارع صغير للبحر يعني مو شي
بس نصيحتي احجز من هناك

الأخ شليويح
الأخ الشعيبي
تحياتي لكم وللقراء
الحمد لله انحلت المشكلة
كنت اتعامل مع مكتب اسمة الديوان للسياحه والسفر
لكن بالصدفة وصلني إعلان بالايميل عن مكتب سياحي اسمة الوسيط للسياحة والسفر
قلت خل اجرب
يمكن يقدرون على اللي ما قدر علية مكتب الديوان
المهم اتصلت بهم وقالولي عطنا مهلة لباكر
وبالفعل حصلوا لي حجز بالهوليدي ان في بيننغ بسعر 26 دينار لليلة
وحصلوا لي في كوالالامبور فندق جراند بلازا رويال بارك Grand Plaza Parkroyal
بسعر 23 دينار لليلة
أما فندق الوصول فقد سبق أن حجزته من مكتب الديوان قبل ان اذهب لمكتب الوسيط
وهو فندق كراون برنسس Crown Princess وطلع علي ب 24 دينار لليلة
وبذلك اصبح برنامجي كالتالي :
كوالالامبور : فندق كراون برنسس
بيننغ : هوليدي ان
كوالالامبور : جراند بلازا رويال بارك
شرايكم بالفنادق ؟
ملاحظة أخيرة : مكتب الديوان اللي فيه شكلهم نصابين لأنهم قالوا لي تبي نحاول نجيب لك حجز في رويال بارك ؟
قلت ايوالله
قالوا لي بس ترى الغرفة غالية الحين سعرها 40 دينار ؟ تبي ؟
قلت اربعين وايد شوفولي شي ارخص من جذي
وبنفس اليوم لقيت نفس الفندق عند مكتب الوسيط
وسلامتكم وأدعوا لي
السفر الجمعة 6-8 -2004