نشر في الامارات

هدية لاعضاء العرب المسافرون من باب رد الجميل

أحمد عايش

24-05-2022 - 02:22 am

هدية لاعضاء العرب المسافرون.. من باب رد الجميل
اذا رحتوا حديقة المبزرة الخضراء في العين,:
يوجد شاليهات حلوة. تقدرون تسكنون بالمجان
السكن للعوائل فقط مع ضرورة اثبات ان الزوجة زوجتك (الجواز او بطاقة عائلة او عقد نكاح )
للخليجيين فقط
تدفع تامين 2000 درهم ويردونها لك عند المغادرة
يمكن حتى اهل الامارات مايعرفون هالشئ
العرض مؤقت لان الشاليهات سوف تسلم لشركة سياحية.
اللي ماعرف الموقع , بجوار جبل حفيت بالقرب من عين الفايضة :x1:
مع الشكر لاهل الكرم اهل الامارات

التعليقات (9)

حور الإمارات

24-05-2022 - 05:22 am

هذا صحيح .. الشاليهات مجانية بس على حد علمي انها مجانية ايام الأربعا والخميس والجمعه .. مادري انت اي يوم رايح لها ؟؟؟ وهل صارت مجانية على طول ايام الاسبوع ولا بس الايام اللي انا ذكرتها ؟؟
وبصراحة مبزرة مكان رائع وانا عن نفسي انصح بزيارتها ..
وهذي صور للشاليهات من بعيد وبعض المناظر من مبزرة الخضرا ...

وهنا تجد اكبر خريطة لمدينة العين .. وهي خريطة توضيحية لأهم الأماكن في مدينة العين ..يمكنكم الضغط على ايقونة التكبير حتى تظهر لكم الصورة كبيره وواضحة ..
http://seheb.info/upload/1/upload.php?aa=11071690011584[/url
وشاكرة لك هالهدية الحلوه للأعضاء اخوي بو سالم ماقصرت ..

Awal_7abib

24-05-2022 - 06:23 am

مشكور يخوي ابو سالم
طيب والعزوبية !!!!
يعني لازم ندفع لازم لازم ندفع بكل مكان
الله يعينا

أحمد عايش

24-05-2022 - 07:24 am

الاخت شنطة سفر:
للاسف ماعرفت هالمعلومات الا اخر يوم.ولاجربت السكن فيها.
بس قلت اخلي الاخوان يستفيدون
الاخ اول حبيب:
ولا يهمك. عندي بنية عمرها 4 سنوات . اصبر اشوي واعطيك اياها على سنة الله ورسوله. كلها كم سنة والايام تعدي بسرعة
بس تبي منك حليب المراعي بالشكولاته
على طاري المراعي تراه عندنا ارخص , فرق 3 ريال في علبة 2 لتر

Hesham

24-05-2022 - 08:25 am

Awal_7abib
اقول حبيبي اول حبيب وش رايك نسوي انقلاب عليهم .. حتى بالإمارات محجرين علينا ومايبون يعطونا ولا رع حق ... بس اخوي بوسالم هالبنوته الله يعطيها طولة العمر ويخليها لهالها ... ماعندها اخت اصغر منها

T w i n s X

24-05-2022 - 09:26 am

BO SALIM
هلا وغلا وحياك الله وتسلم يا قمر ويعطيك العافية
تقبلو تحياتي

الناصر

24-05-2022 - 10:27 am

اذا سلمت لشركه فانها ستفرض رسوم على الدخول

حور الإمارات

24-05-2022 - 11:28 am

ya-mas
احم احم .. بتسوي انقلاب علينا بالامارات هاه .. طايب شكلي والله انا اللي بسوي فيك انقلاب وبتصل على الشرطة الدولية :11sted_co عشان تقبض عليك ... بس ماعليك رحمة ورأفة فيك بحط لك كم محامي بعد مايحكمون عليك بالاعدام :m9:
اقول شكلي لخبطت الدنيا مع رابط الخريطه فوق .. ولكم الرابط مره ثانية ..
خريطة مدينة العين http://seheb.info/upload/1/upload.php?aa=11071690011584
عشان خاطري ادخلوا شوفوا الخريطه رهيبه فيها كل الاماكن المهمة في العين .. يالله عاد لا تكسرون بخاطري ..

Awal_7abib

24-05-2022 - 12:29 pm

BO SALIM
ههه .. الله يخليها ويصلحها ويبارك فيه ويفرحكم بها قريب
ya-mas
انا ماعندي اي اعتراض يخوي ياماس بس خوفك من اختي شنط سفر !!! يمكن تسرب المعلومات ونروح وطي

مهاجر

24-05-2022 - 01:30 pm

شنطة سفر
الخريطه رائعه
وانصح بتثبيت الخريطه في مواضيع العين
لأن الخريطه واضحه وباللغه العربيه
الله يعطيك العافيه

الامارات المسافرون العرب

هدية لاعضاء العرب المسافرون من باب رد الجميل