مبرمج رايق
09-07-2022 - 01:15 am
السلام عليكم ورحمة الله وبركاته .. اول شئ لي الشرف اني اكون احد اعضاء هذا المنتدى التحفه بصراحه .. منتدى راقي بأعضائه ومواضيعه .. المهم .. ماودي اطول ..
ابسأل اول شئ ..
وش لون جو الإمارات في تاريخ
2 هجري ..
3 ميلادي ..
يعني بعد حوالي شهرين من الأن .. ((( يبي يعرس ))
ثاني شئ .. الصراحه استفدت من المواضيع والشروحات والله يعطيكم العافية ..
لكن .. انصدمت يوم جيت احجز ؟؟
بالذات في فندق شانغريلا .. عن طريق شركة سياحة ..
قال الديلوكس ب 1200 ريال شامل الضرائب .. ؟؟
وهذا ارخص شئ بهالفندق ..
الحقيقه انا حاط ميزانية 700 لليلة بالكثير وان لقيت اقل ياسلام .. وبيني وبينكم ابيها بس للنوم ماله داعي البعثره ابطلع من صباح الله ولاني راجع الا بنام .. لذا حرام والله ادفع مبالغ خياليه وانا ماني مستفيد من اي شئ بالفندق مابي مسبح ولا صاله تمارين مابي شئ بس مكان محترم ونظيف ويبيض وجهي عند زوجتي ان شاء الله ..
لذا الي قريب ويقدر يسألي بهالتاريخ صدقوني بتسون لي خدمه كبيرة ..
احترامي لكم ..
أولا ألف مبروك العرس والله يوفقك في حياتك،
وبالنسبه للجو في شهر مارس (3) إنشاء الله إنه روعه، أما الإيجارات فالله يعينك لأن مع كثر روحاتي لدبي من عام 2003 لاحظت إرتفاع ملحوظ في الأسعار من عام 2005 (هذا بالنسبه لدبي)، وأتصور طالما إنك محدد ميزانيه للسكن إما إنك تختار فنادق في منطقة شارع الشيخ زايد عن طريق أحد مكاتب السياحه (الطيار مثلا) أو أنك تسكن في الشارقه (قريبه ورخيصه) وبالميزانيه اللي حددتها بتلقى خيارات جيده.
ممكن تدخل على هذا الرابط :
https://artravelers.com
مع أطيب التمنيات بزواج سعيد
عاشق دبي