هارموني647
29-08-2022 - 10:09 pm
السلام عليكم ورحمة الله
و مساكم الله بالخير
مثل ما ذكرت بالعنوان ، كنت متحمس لمقابلتي اليوم الساعة 9 الصبح في قنصلية الظهران
و كنت اشوف الامور سهالات و كل الناس تخلص الانترفيو و على طول على فيدكس و كل شيء سهالة ، لكن الله ما كاتب لي اتوفق
لما وصل دوري كانت اوراقي كلها كاملة ، و جاوبت كل اسألته الى ان وصل لسؤال : من سيتحمل تكاليف سفركم ؟ ( انا و زوجتي ) جاوبته : انا
فقالي وين تشتغل انت ؟ جاوبته ، فقالي ممكن تعطيني كشف حساب ، قلت له : اوكي و عطيته
شاف كشف الحساب و قالي المبلغ اللي بحسابك مهو كبير ، قلت له : حالياً مهو كبير وسفرتي اصلاً بعد شهور وانا جبت كشف الحساب هذا لأن هو نفس الحساب اللي ينزل فيه الراتب ، و اعطيته تعريف بالراتب من الشركة اللي اشتغل فيها ومسجل فيها الراتب الشهري
قالي : لكن حالياً المبلغ اللي في هذا الحساب مهو كبير ، قلت له : اولاً سفرتي بعد شهور ، ثانياً : امتلك حساب ثاني فيه دبلات المبلغ اللي في هذا الحساب .
قالي : احنا آسفين ، لازم تحضر كشف حساب فيه المبلغ اللي يتحمل تكاليف سفرك
سبحان الله قبل ما اروح المقابلة كنت بجيب كشف حساباتي كلها لكن قلت بما اني دخلت المسافرون العرب و اكثر من 90% تمشي امورهم ، معناتها ان الامور سهالة ما يحتاج
الله يعين ، عطاني ورقة صفرا و رجع لي اوراقي بالكامل مع الجوازات و قالي جيب كشف لحسابك و ارسل كامل اوراقك عن طريق الفيدكس
سؤالي : بمثل هالحالة ، هل ممكن تتأخر اجراءات الفيزا اكثر ؟ و تطول المدة ؟
عليكم السلأم
قالك ترسل كامل أوراقك بالفيدكس ؟؟؟؟
يعني هو ما رفضك بشكل نهائي ؟
يعني ترسل كشف حساب جديد وتكتمل الأجرائات؟ صحيح؟
سبحان الله فيه ناس ما طلبوهم كشف حساب ماشاءلله ومشت أمورهم والحمدلله على كل حال ...
يمكن حسب الموظف ومدى أقتناعه والله أعلم
وبعدين لا تحكم على نفسك بتجربة غيرك يعني اللي هنا بالمنتدى تقول مشت أمورهم الحمدلله ، لكن المتقدم لأزم يكون نظامي ويجيب كل طلباتهم لأن محد يضمن أنهم ما يطلبونك طلب معين يعني خلك في السيف سايد
،،