- اعضاء المنتدى الغالي
- حاب اكتب قصتي مع الفيزا عشان يستفيدون منها الاخوان ان شاء الله
السلام عليكم
اعضاء المنتدى الغالي
حاب اكتب قصتي مع الفيزا عشان يستفيدون منها الاخوان ان شاء الله
في البداية رحت لهم يوم الاربعاء وعطوني ورقة تكتب فيها اسمك والغرض من السفرة بعدين تقدمها ويعطونك موعد طبعا انا قبل لاجيهم كلمت واحد في السفارة قال ممكن يعطونك موعد في شهر 7 وانا دراستي تبدا في 96 المهم بعد ماقدمت ورقتي وعرفت الموظفة موعد دراستي عطتني موعد يوم الاحد اللي بعده يعني بعد 4 ايام
المهم رحت لهم يوم الاحد وقدمت اوراقي بعد ماتبهذلت شوي :112: :112: :112:
لانهم قالوا اوراقك ناقصة المهم كملت اوراقي ورديت لهم وقدمتها بعدها قالوا انطر شوي بعد يمكن نص ساعه طلبوني عشان البصمات وبعدها نطرت شوي بعدين نادوني مرة ثانية عشان المقابلة وسالتني بعض الاسئلة
يعني شنو بتدرس ومنو اللي بيدفع مصاريف دراستك وبعد ماتخلص من الدراسة شنو بتسوي ومن هالاسئلة
بعدها قالت لي حنا بنرد لك خبر خلال اسبوع او اسبوعين عشان طلبك يبيله اجراءات ادارية اضافية
المهم دقوا علي يوم الاحد اللي بعده وقالوا تجينا بكره جيتهم يوم الاثنين وخذوا جوازي وقالوا تجي تستلمه مع الفيزا يوم الاثنين الجاي قلت اوكيه وجيتهم بعدها بيومين ( يوم الاربعاء ) حاولت فيهم اذا ممكن يطلعون لي الفيزا نفس اليوم لان عندي ظروف ولازم اسافر للسعودية قالوا اوكيه تعال الساعه ثلاث جيتهم الساعه ثلاث قالوا الى الحين ماخلص الجواز وطيارتي الساعه 4.45 وقعدت عندهم الى الساعه 4 وعطوني الجواز طبعا طافتني الطيارة لكن الحلو انهم عطوني الفيزا لمدة 5 سنوات ولعدة سفرات
وسلامتكم
بس تدري... لو يعرفون ان اسمك بالمنتدى المفجر كان تحلم تشوفها ههه
خلني اقولك قصتي انا مع الفيزا الامريكيه
قدمت على فيزا سياحيه شهر ابريل سنة 2002
طبعا سافرت للرياض و رحت للسفاره الامريكيه وقدمت اوراقي كامله وسويت مقابله وكل شي تمام
قالوا لي راح نعطيك خبر خلال 45 يوم واحتمال تطلع الفيزا واحتمال لأ... قلت لهم اوكي
وسبحان الله خلال الفتره هذي صارت لي ظروف معينه خلتني الغي السفره.. وقلت في نفسي حتى لو اتصلوا ما راح اروح
المهم تمر الايام وتعدي ال 45 يوم وما اتصلوا... قلت اكيد ما وافقوا... بس خيره ان شاء الله
وتعدي الشهور وانا نسيت السالفه....
وفي شهر مارس 2003
جاني اتصال عالمكتب....
الو
انت فلان
نعم
معاك السفاره الامريكيه وحبينا نخبرك ان الفيزا جاهزه وممكن تجي تستلمها
انا: تو الناس :2: تقولون 45 يوم وتتأخرون سنه تقريبا :112:
هو: يعني جاي والا لأ
قلت لهم لا.. خليها لكم
ومن عقبها حطيت × على امريكا
واعذوني عالأطاله
وبالتوفيق اخوي
تحياتي