kmool
تصدق عاد!! صار ليومين من وصلت بوسطن..والحياة طبيعية...ولا احد حولك..وفي مطار نيويورك لم اسأل عن سبب الزيارة أو تم تفتيشي!!
بس يمكن علشان إن شكلي أوربي..مو سعودي!!!
تحياتي
وعيد سعيد

السلام عليكم و رحمة الله و بركاته
الإخوه الكرام Kmool & ALY
شكرا لكم لطرح هذا الموضوع اللي يشكل غاية الاهميه لزوار الولايات المتحده سواء للسياحه أو الدراسه أو العلاج ... ان شاء الله سوف أقوم بطرح تقرير مفصل ابتداء من التقدم للحصول عالفيزا حتى دخولك أمريكا و كيفية التعامل ... التقرير تحت التحضير و ان شاء الله سوف يرى النور قريبا

في الإنتظار على شاشة العرب المسافرون :
تقرير مفصل من بنت القصور

1. من منطلق تجربتي الشخصية


2. حادثة اخرى

هلا اخوي كمول ...

من منطلق تجربتي الشخصية

انا كنت ساكن في فلوريدا ... وفي مدينة صغيرة نوعا ما ... كان في المدينة شباب خليجي يقدر عددهم ب 600 طالب من دون مبالغة لان فيها جامعة امبريدال للطيران ...
بعد التفجيرات ولان اغلب الشباب يدرسون طيران ما قصر ال Fbi تلقاهم في كل مكان وتحقيق مع الطلاب والله انه في واحد من الشباب امارتي الله يوفقه وين ما كان ... ملصق صورة زايد في الزجاج الخلفي للسيارة ومركب علم الامارات مكان اللوحة الامامية
اعتقلوه 6 ساعات تحقيق يقولون ليش مركب صورة بن لادن في الخلف وعلم فلسطين مكان اللوحة !!!

حادثة اخرى

واحد من الشباب مكان معه Id اللي هو بطاقة شخصية ولكن معه جوازه ورخصة دولة ولكن في الجواز الاسم الاخير هو اسمه قبيلته والاسم الاخير في الرخصة الدولية هو اسم فخذ القبيلة ... المهم اعتقلوه وتحقيق شهرين ثم سفروه للسعودية
انا شخصيا نقلت من فلوريدا الى ولاية ثانية طبعا حبايبنا الاف بي اي شرفوني في البيت وانهارو علي اسئلة من الاسئلة اللي سألوني يقولون هل لك علاقة بابن لادن؟؟ ههه لو كان يعني راح اقولكم .. سؤال ثاني يقول لي ليش تركت فلوريدا وجيت للولاية هذي؟ اسئلة غريبة وغبية وهم يسوون كذا يحاولون يستفزونك ... خلك بارد هم اللي ينقهرون ..
طبعا الطلاب اللي كانوا معنا في فلوريدا كلهم لاحظ كلهم طلعوا من امريكا وتم رفضهم جميعا ما عدا اللي ما طلعوا من امريكا يعني حالاتي ...
اللي اثر فيني واحد من الشباب كان من المتميزين في الجامعة ومعدله قريب من 4 رجع للسعودية ورفضوا يعطونه فيزا يعني الولد راح شغله كله ... حول لكندا
كلمة اخيره امريكا بعد الاحداث تغيرت ولا صارت امريكا اللي اعرف ..
كان السعودي فيها افضل من الامريكي نفسه وشوف كيف المعاملة لكن الان بنظري انه تغير الوضع
سلالالالالالالالام

معاك حق أمريكا لم تعد كالسابق و خصوصا للسعوديين ... بالنسبه للتحقيقات اللى حصلت بعد الأزمه أعتقد انه شي طبيعي و خصوصا لطلاب الطيران مع انهم لا ذنب لهم .. و حصلت لطلاب آخرين فى واشنطن و بوسطن .. بس الأغلبيه اللى تم التحقيق معهم للأسف كانوا ممن يحملون شهادة التوفل و الجيمات بالتزوير و ذلك بعد ما تم القبض على الأخ العربي الجنسيه اللى يبيع هالأشياء .. حتى رخصة السواقه تنباع ب 500 دولار و السوشل سيكيوريتى .. كل شي كان ينباع حتى الماجستير من الجامعه الأمريكيه فى واشنطن ب 10,000 آلاف دولار .. و اللي يشترون هم الخليجيين طبعا ... و هناك الكثير ممن كانوا يخالفون القانون .. هالنوعيه هم اللى كانت عليهم الأعين و هم اللى هجوا من أمريكا خوفا ... معليش بس ياريت لو نكون صريحين ولا نلقى اللوم عالآخرين .. و يا ريت يا أخ اسد تكلمنا عن الوضع الراهن .. هل تلاقى صعوبه العيش هناك؟ هل ما زلت تعرض للتحقيق ؟ هل يتم التعرض إليك فى الشارع ؟ و شكرا لك

والله حيرتونا
واحد يقول كل شئ تمام
واحد يقول مشكاكل وبلاوي ؟
على طاري التوفل ، صحيح ما يمكن تحصل فيزا إلا عندك توفل ؟ ما يمكن احصل قبول وفيزا بدون التوفل ؟

أخواني ماجبتو طاري كيف المعاملة في مطار نيويورك لأن سفرتي قريب من الرياض جدة نيويورك - واشنطن (الخطوط السعودية)
سمعت ان المعاملة زفت هناك واحد نصحني اني اخولها رياض لندن واشنطن (الخطوط البريطاني)
بس أبي أحد ينصحني واحد مجرب
وشكراً

أخي أبو وائل
هذه المحادثه كانت قبل سنه تقريبا يعني ماراح يردون عليك
ليتني أقدر أفيدك بالموضوع بس أنا مثلك , فقلت أقولك على أساس ما تضيع وقت بالأنتظار
وأتمنى لك التوفيق .....

ابو وائل2006
انا سافرت امريكا للدراسة الي سان فرانسيسكوة وتعرف ان الامريكين يستقبلو اي واحد غريبب يعني يدخل اول مره يتعاونو معه ويسهلو له المعاملة في المطار انا سافرت اول مره وكان لي احترام ما توقعتة على ما كنت اسمعه ان في المطارات يعرقلو العرب
لا
يتم اتخاذ الاجرات ضد العرب الحاملين للجنسية الامريكية بس وربنا يوفقك