ههه معليش من جد اثرني مفهي بكون في مطار الشارقه يعني اكيد البرنامج بيكون بدبي
شكرا لك

السلام عليكم,,
عندك المنتزه الصحراوي أو متحف التاريخ الطبيعي(مش متأكد من الإسم) مايبعد كثير عن مطار الشارجه, وتقدر تقظي فيه وقتك وتتغدا, المكان مكيف ....أظن إنه شي موظوع عنه فالبوابه؟
أما إذا دبي, إنشالله الشباب مايقصرون
تحياتي..

روحوا لابن بطوطة
(بس للعلم ترى ما يفتحون الا ع الساعة 10 الصباح
) و تسوقوا و اتغدوا هناك و شوفوا لكم فيلم و ارجعوا للمطار

اخوي اول شي احب اقولك ان الطريق من دبي للشارقه زحمه كثير
وانا مع الاخ لما قالك المتحف هو عباره عن حديقة حيوانات مكيفه وحلوه كثير وتقدر بكل راحه تقضي فيها يومك ويتكون قريب من المطار لا بتعلق بالزحمه ولا شي
وفي مطعم واكله جيد لاحظ انى قلت جيد ما قلت جيد جدا ولا قلت ممتاز
اذا كان يوم جمعه مشكله لان كل شي يكون مقفل لين بعد صلاة الظهر
واذا تحب تروح لاي مركز تجاري بالشارقه عندك ميغا مول وهذا تقريبا فى نص مدينة الشارقه وفى عندك صحارى وهذا فى طريق دبي الشارقه
هالمركزين تقدر تقضي فيهم وقت حلو وفي سينما عشان اذا تبي تشوف فيلم على الطاير
وفي مطاعم وطبعا محلات
السوق يفتح من الساعه عشره صباحا
ارجع واقولك ما انصحك تروح دبي تحسبا للزحمه
وإن شاء الله تروح وترجع بالسلامه
ربي يحفظكم

السلام عليكم
ماعتقد يمديك الوقت تروح دبي... خاصه إن لازم تكون متواجد قبل موعد الطياره بساعه ونص او ساعتين
مركز صحارى فالشارقه ممتاز
(تسوق+مطاعم+سينما+العاب للأطفال)

يعطيكم الف عافيه ماقصرتوا
خلاص على كذا بنروح صحارى اجل
دمتم لنا ,,

ممكن سؤال:
كيف نظام دوام الأسواق عندكم ،، لأن عندنا في السعودية دوامين من 9-12 ومن 4-11
فودي أشوف هل أنتم دوام واحد أو دوامين؟؟
شكرا