- السلام عليكم اخواني الاعضاء..
السلام عليكم اخواني الاعضاء..
ودي اشاركم مخطط رحلتي لشهر يوليو 2011 بأذن الله, طبعاً يمكن تستغربون ليه انا افكر قبل بسنة من السفرة..
طبعا انا ودي تكون هالسفرة ما تنسى بذاكرتي وزوجتي والشي الثاني اني اول مرة اسافر لأوروبا واكون انا المسؤول عادةً الوالد الله يحفظة هو اللي يسوي الحجوزات وكل شي وانا استمتع بس اما هالمرة كل شي على راسي. وانا احب اني اخطط قبل السفر عشان كل شي يكون مرتب ومنظم لمدة 14 ليلة..
يبدأ مخطط رحلتي من الدمام بالسيارة الى مطار البحرين الدولي(6-7-2011) عن طريق طيران الاتحاد (لأني مجربه من قبل وكان من احسن الخطوط اللي جربتها) الى مطار ابوظبي ثم من مطار ابوظبي(7-7-2011) الى ميونيخ وراحة ليلة فيها.
اليوم الثاني(8-7-2011) اما استأجر سيارة او احجز على القطار الى فينا (طبعاً بتسألون ليه ما نزلت في فينا بدل ميونيخ والسبب ان طيران الاتحاد ما له خط الى فينا ولا ابغى اختار غيرها خطوط) والسكن في فينا لمدة ثلاث ليالي.
بعدها (11-7-2011) الذهاب الى زيلامسي طبعا اما بالقطار او السيارة اذا استأجرتها من ميونيخ والبيات فيها لمدة ليلتين.
ثم في يوم (13-7-2011) التوجه لميونيخ والمبيت فيها لمدة 4 ليالي الى تاريخ (17-7-2011).
بعد ذلك التوجه الى مدينة فرانكفورت لمدة 4 ليالي (منها تخصيص يوم للسفر الى باريس بالقطار والتمشيه فيها الى نهاية اليوم ثم العودة اخر الليل الى فرانكفورت)
في تاريخ (21-7-2011) السفر من فرانكفورت الى ابوظبي ثم من مابوظبي الى البحرين ومن ابحرين الى الدمام عبر جسر الملك فهد.
انا انتظر ارائكم وانطباعاتكم عن المخطط لو في اي تعديل ترون انه افضل من هالمخطط نوروني الله ينور عليكم.
