أطيب الأوقات .. للجميع ،،
أعزائي ..
أنا ناوي لي على سفره أشوف فيها الدنيا ..(( أوربا )) ... وبالأخص .. مدينة الأحلام .. باريس
مشكلتي ببساطة .. أني بسافر لحالي ( لوحدي ) .. ليش ؟؟ لأني مالقيت أحد يسافر لاوربا معي خصوصاً خلال هذه الفترة ..
لذا عزمت أني أروح لحالي لفرنسا .. لكني ترددت .. بصراحة خايف أروح لحالي .. خصوصاً لأنها أول مره أروح فيها أوربا .. وأنجليزيتي 35%
علشان كذا .. فكرت أني أروح بنظام القروبات .. وأخليها مرة وحدة تشمل عدة دول ( ثلاث دول : إيطاليا - فرنسا - أسبانيا ===> هذي ممكن أغيرها أذا عندكم أقتراح على دول أفضل منها ) والمدة حسب ما أعرف عن القروبات 10 - 12 يوم
عاد مالقيت أفضل منكم ياجماعة يعطيني الرأي والنصيحة ..
1 - مارأيكم بالقروبات .. هل هي آمنة ؟
هل هي ممتعة ؟
هل هي أقتتصادية ؟
2- أي وكالة سفر تنصحوني أتفق معهم .. وكالة الطيار مثلاً ؟
3- ماهي الخدمات التي يغطيها المبلغ اللي راح ادفعه لهم .. الفندق ، الأكل ، التمشية ؟
4 - هل الشنقن .. الفيزا الأوربية ..أكيد تنفع لجميع الدول الأوربية ماعدا بريطانيا فقط ؟؟
5 - أيش الشي اللي تنصحوني عنه ,, وتحذروني منه خلال سياحتي هنا ؟؟
6 - أنا نفسي أجرب القطار الأوربي .. فهل هنا قروبات تسافر على متن القطار .. لو على الأقل رحلة واحدة ؟
7 - هل يجب علي مشاركتهم جميع النشاطات .. يعني مايمديني أريح يوم أذا كنا بنقيم في مدينة يومين ؟؟
أخيراً .. هل من الممكن أنهم يوهقوني .. ويمشون عني لو تأخرت أو أبتعدت عنهم .. هل يكون ببنا طريقة أتصال ؟؟
أدري أن أسألتي كثيرة .. بس كل عشم والله فيكم .. تجاوبني .. على أسألتي الكثيرة .. والله يعينكم علي ..
أنتظر .. نصايحكم وأرائكم .. بكل الشكر وعظيم التقدير ..
أخوكم .. مفتون