1. السلام عليكم ورحمة الله وبركاته ..


2. أخواني أعضاء منتدى المسافرون العرب ..


3. فلابد ان تتأكد قبل ان تطلع المطار من موعد رحلتك ..


4. ( لاتنسى تقول للريسبشن أو ما توصل ان الغرفة تكون في الأدوار العلوية)


5. صن واي لاقون .. ليلتين


6. بيلانجي بيتش.. ثلاث ليالي


7. باي فيو بيتش .. 4 ليالي


8. فيرست وورلد .. ليلة


9. فندق استانا .. 4 ليالي

السلام عليكم ورحمة الله وبركاته ..

أخواني أعضاء منتدى المسافرون العرب ..

اكتب لكم الآن من فندق استانا في كوالالامبور بعد ان قضيت في ماليزيا اروع ايام حياتي ولله الحمد وكان سفري يوم السبت قبل الماضي الموافق 7/ 7/ 2007 م وحبيت اعطيكم بعض المعلومات البسيطة اللي استفتدتها من سفري مع اني أول مرة اسافر لماليزيا بس ان شاء الله تفيد لو عضو واحد منكم مثل ما استفدت منكم قبل ان اسافر ..

• رحلتي كانت على الخطوط السعودية .. بعد ان وصلت اخبرني الموضف ان الرحلة تأخرت ساعتين بعد ان كانت 2.45 صباحا لكن لم نقلع الا الساعة 5.30 صباحا ,,

فلابد ان تتأكد قبل ان تطلع المطار من موعد رحلتك ..

• إذا كنت عليمي انجليزي مثلي حاول تطلب كرت دخول ماليزيا أول ماتركب الطيارة وخاصة إذا كان معك اطفال عشان لا تتأخر وانت تكتبهم في المطار لأني يوم سألت عليه وأنا في الطيارة قالي انها خلصت وتأخرت شوي في المطار ..
• لا تلتفت على اللي ينادون عليك ( حقين التكاسي ) لأنهم نصابين وفيه تكاسي خاصة ولهم مكاتب معتمده واسعارهم واحده زد عشرة أو عشرين وأضمن وسياراتهم انضف وأكبر ..
• إذا وصلت خذ لك شريحة من المطار واشحنا حسب حاجتك .. وبالنسبة لي أخذت من المطار شريحة سيليوكم والدقيقة ب 1.50 ريجينت وتلقاها عند مكتب التكاسي ,,
• لاتسى اللابتوب لأنك راح تسفيد منه وحمل فيه كل الملفات اللي كتبها الماهري وغيره من الأعضاء الله يعطيهم العافية ..
• لاتتعب نفسك في السفر وتسوي لك برنامج من الصبح لآخر الليل .. يعني مو شرط تمر على كل المواقع وخاصة إذا كانت معك عايله أو انك في شهر العسل زيي ( أخذت هالنصيحة من أحد الأعضاء واستفدت منها)
• بالنسة للفنادق اللي سكنتها ..

( لاتنسى تقول للريسبشن أو ما توصل ان الغرفة تكون في الأدوار العلوية)

صن واي لاقون .. ليلتين

لايعلى عليه ممتاز مع مرتبة الشرف والثيم بارك اللي فيه ممتاز والدخول لجميع الالعاب كان ب 65 ريجينت للشخص وكان حجزي مع بلكونه مع انه ماكان فيه بلكونه ( غرفة وصالة صغيرة) وفي الدور الثاني يعني ماكنت اشوف الالعاب فتمنيت اني أخذت غرفة عادية بس تكون في الأدوار العلوية .. ويوم وصلت لقيت عايلتين يتهاوشون مع الريسبشين لأنهم أعطوهم سريرين منفردين ..

بيلانجي بيتش.. ثلاث ليالي

غرفتي كانت على الحديقة وفيه بلكونه بس قريبة جدا من البحر والفندق رائع وهادي جدا وكنت اطلع مع المدام على الشاطي في الصباح بدري أو في الليل وما تلقى أحد .. تمشيت فيه وشفت البحيرة اللي فيه بصراحة رائحتها مو كويسه مدري كيف متحملين اللي حجزوا فيها.. الفطور كان للشخص ب 65 ريجينت تقريبا لأن مافيه فطور مجاني ..

باي فيو بيتش .. 4 ليالي

الغرفة كانت على البحر وفندق رائع جدا وما ودك إلى تتبطح في البلكونه 24 ساعة لأن المنظر كان حلو على البحر يمكن فنادق ثانية أغلى وأحسن منه بس على سعره يستاهل وبقوه وحجزت في المسبح الخاص ب175 ريجينت ولا يفوتكم ..

فيرست وورلد .. ليلة

حجزي كان غرفة عادية وصغيرة مرة وجانبية يعني قدامك غرف ثانية ولا تشوف الجو بس تحملنا لأنه بس يوم واحد وسعره كان رخيص مرة وانبسطنا في الالعاب الداخلية والسوق داخل الفندق ولا يفوتكم عالم الثلج و4D اللي زي السنما وما أشوف انه يستاهل أكثر من يوم إلا اللي عنده أطفال أو يحب الالعاب..

فندق استانا .. 4 ليالي

أول ليلة لي في كوالالامبور وأنا الحين اكتب لكم من فندق استانا والنت في الغرف ال24 ساعة ب18 ريجينت وال6 ساعات ب 12 ريحينت حجزي كانت قراند ديلوكس والفندق شكله حلة وللحين خدماته حلوه وأشوف من الدريشة فندق الماريوت والجهة الثانية التايم سكوير وأنا في الدور 18 وانتظر الفطور لأني جيعان
معي كاميرا ديجيتل وصورة بها بس خربت علي في لنكاوي وعندي بعض الصور ان شاء انزلها لكم وقت ثاني ..

• إذا كنت بتطلع الفري ( الباخرة ) من لنكاوي لبينينق فنصيحة انك تحجز أول ما توصل لأني رحت لهم قبل الرحلة بيومين ولقيت الرحلة اللي الساعة 2.30 بعد الظهر كلها فل بس الحمد لله اني لقيت على 5.30 مساء مع اني وصلت بينينق متأخر لأن مدة الرحلة 4 ساعات تقريبا ,,

ان شاء الله أكون كتبت كل اللي في خاطري واتمنى أكون افتدكم ولو بمعلومة واحده وأي سؤال أو استفسار عن شي أنا في الخدمة وراح أقولكم اللي أعرفة ..
تحياتي ..