من شارع الشيخ زايد بسيطه جدا بس يليت تكتب كلامي هذا على ورقة بس توصل شارع الشيخ زايد تفتح الورقه وتتبع الخطوات عشان تدل صح ... وهذي اسهل طريقه يمكن طويلة 5 دقايق اكثر بس اسهل طريقه ..
نبدأ
شارع الشيخ زايد بتجاه جسر القرهود كانك راجع تشوف اللوحات وين جسر القرهود وتروح بعد يخلص شارع الشيخ زايد على طول لازم تاخذ يمين عشان تروح على جسر القرهود وانت رايح يمين راح تصادفك لوحه مكتوب عليها ( عمان والعين ) تاخذ هذا الشارع ( عمان والعين ) وتكمل على طول عمان والعين عمان والعين مسافت 20 كيلو راح تحصل سوق التنين طبعا لو مافي زحمه راح توصل في غضون ربع ساعه ولو في زحمه راح توصل في غضون ساعه او على حسب الزحمه ...
مثل ما قلتلك من نهاية شارع الشيخ زايد بتجاه القرهود تاخذ طريق العين عمان وبعد ما تمر على جسور وبطيخ وغيره وسوق الخضار على يمينك المهم راح تجوف اخر شي سوق التنين على يمينك لا تنسى هو طوويل وطابق واحد ومكتوب عليه سوق التنين وصورة التنين وتقريبا هو سقفه المنيوم بس رهيب كل شي رخيص فيه بس لا تنسى لو قالت 100 قوله 50 ههه