1. السلام عليكم يا جماعة

السلام عليكم يا جماعة

دة اول موضوع ليا فى المنتدى هنا وحبيت انكم تساعدونى بردودكم ...انا من مصر واتقدمت لطلب فيزا للسفارة الكندية للدراسة فى كندا فى كورس مدته 3 شهور وهو كان كورس لدراسة اللغة الانجليزية...طبعا اترفضت علشان دراسة اللغة الانجليزية فى كندا مش سبب مقنع انهم يدولى الفيزا الكندية وكمان فى جواب الرفض ذكروا ان الحالة المادية مش كافية مع ان الحاله المادية كويسة جدا وكنت اديتلهم رصيدين حساب...
قولت مش ممكن لازم اقدم لتانى مرة بنفس الكورس اللى انا حاجزه فى الجامعة هناك وبنفس تقرير الحالة المادية من البنك بس رفضونى تانى..
قولت مش مشكلة هقدم لتالت مرة بعد الاحباط اللى حصللى..اتصلت بالجامعة فى كندا الاول طبعا وطلبت منهم يغيرولى الكورس اللى انا كنت حاجزه ...طبعا دفعت فلوس اكتر فى الكورس الجديد هو كورس ( طرق تدريس اللغة الانجليزية ) وطبعا كنت حاجز من الاول خالص تذكرة الطيران رايح و جاى وكمان حاجز السكن هناك لمدة 3 شهور يعنى دفعت فلوس كتير اوى...
المهم اتقدمت لتالت مرة وبعدها بيومين لقيت الباسبور بتاعى اتبعت مع الاوراق اللى انا كنت حاططها معاه وبرضو جواب رفض بيقولوا احنا منضمنش انك هترجع تانى بلدك والحالة المادية مش كافية والكلام دة كله...
طبعا بعد الاحباط ل ثلاث مرات فى التقديم انا مكنتش عارف اعمل اية ومحتار جدا ...تانى يوم لاقيت 3 ميسد كولز من رقم منزلى مش من رقم موبايل حوالى الساعة 2 وربع ...فاتصلت علشان اعرف مين اتصل بيا وانا مكنتش سمعت الموبايل وهو بيرن ومش عامل فويس ميل...لاقيت الرسالة المسجلة بتاعت السفارة الكندية فعرفت ان دة رقم السفارة الكندية...بس لية اتصلوا بيا؟؟لية اتصلوا بيا بعد الرفض 3 مرات وبسبورى كمان وحاجتى اتبعتتلى ومعايا دلوقتى لما هما اتصلوا ...يبقى لية اتصلوا بيا؟؟؟
ياريت يا جماعة اللى عنده فكرة او عنده اى معلومة يقوللى
مستنى ردودكم على المنتدى الجميل دة...وما خاب من استشار
وكل سنة وانتو طيبين ورمضان كريم