أحب ماليزيا
15-08-2022 - 10:52 am
السلام عليكم
شلونكم شخباركم شلون الي سافروا والي يجهزون حق سفرهم
انا الحين اكلمكم من ستاريكس تايمز سكوير وعقب باجر رحلتنا ان شاء الله الى الكويت الحبيبة
ماكنا ناوين نبات في جنتنق بس في ثاني يوم لنا فاجأني زوجي وقالي يالله دوري لنا فندق عشان نبات في جنتنق لانه عارف شكثر ((كنت)) احب هالمنطقه
المهم وادور بالنت واحجز في فندقالفرست ورلد غرفه فيو ديلوكس
ورحنا يوم الاثنين قبل امس
اول ماوصلنا تفاجأنا بالطامة الكبرى الكاوونترات والكراسي الي تقول قاعد بمستوصف ولا مستشفى ورزحمة وعالم رقمنا كان 450!!!! والرقم كان 300!!! يعني كان قدامنا 150 رقم متخيلين الوضع انتووا!!!!
وننطر وننطر ويالليل ماطولك لين ماجا دورنا وعطونا كروتنا ونصعد للغرفه اليبالدور التاسع
شقول !!!
شخلي!!!!!!!!!!!!!!!!1
الغرفه حوسة وقذرة ومو منظفه والفرش معفسه والفوط مقططه بكل مكان والريحة تصك الراس
والعاملة الي تنظف الغرفه اشوفها تنظف الغرفه الي جمبنا ناديناها تقول لا انظف الغرفه هذيوبعدين انظف غرفتكم@@
طيب يالذكية احنا واصلين وملطوعين من الصبح وتجين تنطرينا زيادة ونروح لها يجي 3 مرات وسوت الي براسها ماجتنا الا يوم خلصت
والفندق مليان صينين
حيل حيل مارتحت له
تفشلت جدام زوجي حييل قالي ها هذا الفندق السنع واحسن فندق وحالتج حاله
خ بصراحة ماقدرت اتحجى شقووله
تحسفت لوانا حاجزين بفندق جنتنق ابرك لنا عالاقل شيئمجربينه احسن من الي ماجربناه
نصيحة لوجة الله لاا تقربون هالفندق لانه باختصار مقرف ولاا نظافه ولا سيرفس سنع ولاا تقولولن كلوب وماكلوب كافيةالخدمة ماشاء الله وحسن الاستقبال
نصيحة لوجة الله
وترقبوا تقرير مفصل عن مغامراتنا بماليزيا
نشوفكم على الف خير
فنادق ماليزيا
والله حاسين فيكم .. وندعو اله لكم برحلة موفقة ....